Tuduhan ulun Yahudi nadap Paulus ¹ dime andrau udi hio,Imam Hante Ananias minau hayak nihi papire tueh-tueh nihi erang kulun pengacara bangaran Tertulus.here nyurung tuntutan nadap Paulus napot Gubernur. ² Udi Paulus na terau,Tertulus mulai menuduh e nihi ngeau,"gene nangkah Tuan,kami tarus nginam kedamaian nihi perubahan-perubahan sa jari gi bangsa iti gene kebijaksanaan Tuan, ³ kami nyambut e nihi kaluhan cara nihi ta kaluhan uneng nihi penu inam syukur,Sa Mulia Feliks. ⁴ Tapi,mat bakoi nangalis waktu nu lagi,kuki lako kemaehan atei nu mat ngarengei kami tawelek bo. ⁵ Gene,kami haot kahalu bahwa ulun iti aye hio erang kulun pengacau,sa nampa lua kekacauan ta helang ulun-ulun Yahudi ta kaluhan dunia.Balalu,aye hio lah pemimpin sekte Nasrani. ⁶ aye bahkan ba usaha menajiskan Bait Allah hampe kami nyaput e.[kami kakan mengadili e susuk nihi hukum kami]. ⁷ Tapi,Lisias,Kepala pasukan hio hawi palus nyiau e tekei tangan kami nihi mehet, ⁸ nelang nuyu ulun-ulun sa manuduh e mat hawi nadap kayo.nihi memeriksa e kakareb,kayo sagar kiuh karasa tekei aye gene kaluhan hal sa na tuduh kami napot aye." ⁹ ulun-ulun Yahudi hio lei ba sapakat ta huang tuduhan hio nelang menegaskan bahwa kaluhan hal hio mula bujur.Pembelaan Paulus ta hadapan Feliks ¹⁰ Katika gubernur ngami isyarat napot Paulus mat bapander,Paulus nuing,"udi kuki karasa salawah ba taun-taun bahwa kayo haot jari hakim entu bangsa iti,kuki nihi sanang atei ngabela areb ku. ¹¹ kayo kiuh karasa bahwa bakoi labih tekei dua belas andrau sa nangkah kuki mambai gi Yerusalem mat beribadah. ¹² here bakoi piji kahalu kuki rahat palakat nihi hie lei atawa ngasung ulun ajoh,maeh tangar Bait Allah,Sinagoge-Sinagoge,atawa ta huang kota. ¹³ here lei bakoi tau ngabukti napot kayo inon sa natuduhkan here napot kayo wayah iti. ¹⁴ Tapi,kuki mangaku napot kayo,bahwa susuk nihi lalan Tuhan hio,sa na antuh here isa sekte,kuki beribadah napot Allah itak uyut takam,nihi harap napot kaluhan hal sa susuk nihi hukum balalu sa tatulis ta huang kitab here nabi, ¹⁵ nelang ngandak pengharapan ta huang Allah,sa lei naandrei here,bahwa sagar naan kebangkitan,maeh napot ulun sa wuah atawa sa bakoi wuah. ¹⁶ Huang hal iti,kuki bausaha mat memelihara atei nurani sa murni,maeh ta hadap Allah atawa murunsia. ¹⁷ Wayah iti,udi papire taun,kuki hawi mat nunda sadakah gi bangsaku palus ngami persembahan-persembahan. ¹⁸ Rahat kuki nelang ngagawi e,here kahalu kuki,udi kuki na sucikan tangar Bait Allah,bakoi nihi ajoh ulun atawa kalakat.Tapi,ta aro papire ulun Yahudi tekei Asia. ¹⁹ Seharus e,here lah sa naan ta hadapan nu balalu nyurung tuduhan,amun mula here ampun isa hal nawan kuki. ²⁰ Atawa,elah bo ulun-ulun hio kakareb sa mawara kasala inon sa na kahalu here katika kuki mindri tangar hadapan Sanhedrin, ²¹ kecuali isa tane an sa na kamiak ku wayah kuki mindri tangar penah here,`gene kebangkitan ulun matei,kuki na hakimi ta hadap kayo andrau iti." ²² Tapi Feliks,sa naan pangarasa magin pas gene lalan hio,ngaret kasus hio nihi ngeau,"Wayah Lisias,kapala pasukan hio,minau,kuki sagar mamutuskan kasus nu." ²³ Udi hio,Feliks nuyu perwira hio mat Paulus tatap na tahan,tapi nihi karinganan palus bakoi nguring hengau-hengau e mat melayani aye.Paulus bapander gene Iman e huang Kristus ²⁴ Udi papire andrau,Feliks hawi namput harau e,Drusila,sa aye hio ulun Yahudi nihi nuyu Paulus hawi balalu ngarengei Paulus bapander gene iman e tahuang Yeus Kristus. ²⁵ Balalu,rahat Paulus batukar pikiran gene sa wuah,pengendalian tenga,nihi penghakiman sa sagar hawi,Feliks jari koi heei nihi ngeau,"tulak bo wayah iti.katika kuki kiuh waktu,kuki sagar nerau kayo." ²⁶ Ta wayah sa sameh,Feliks ba harap bahwa Paulus ngami aye duit.gene hio,Feliks gaha nuyu Paulus hawi palus bapander nihi aye. ²⁷ Tapi,udi rueh taun nangkah,Perkius Pestus nganti Feliks.balalu gene kakan nampasanang ulun-ulun Yahudi,Feliks ngaret Paulus huang penjara.