¹ Paulus ngadodor Sanhedrin nihi ngeau,"pulaksanai-pulaksanaiku,kuki haot menjalani welumku nihi sapenu atei nurani sa maeh ta hadap Allah hampe andrau iti." ² Balalu,Imam Hante Ananias memerintahkan ulun-ulun sa mindri ta riet Paulus mat nampar wawa Paulus. ³ Udi hio,Paulus ngeau napot aye,"Allah sagar nampar kayo,ui kayo pipik sa na cet mahilak!inonkah kayo maharung mat menghakimi kuki manurut Hukum Taurat,tapi melanggar hukum hio nihi nuyu mat kuki na tampar?" ⁴ Ulun-ulun sa mindri ta riet e ngeau,"inonkah kayo menghina Imam Hante Allah?" ⁵ Udi hio,Paulus ngeau,kuki bakoi karasa,pulaksanai-pulaksanai,bahwa aye hio Imam Hante.gene,tatulis,`adalah kayo bapander jahat gene erang kulun pemimpin bangsanu.` ⁶ Tapi,katika Paulus karasa bahwa mehe e aye hio ulun-ulun Saduki nihi sa laine aye hio ulun-ulun Farisi,Paulus kamiak ta huang Sanhedrin,"pulaksanai-pulaksanai,kuki aye hio ulun Farisi,anak ulun Farisi.kuki haot na adili ulah gene pengharapan nihi kebangkitan ulun matei!" ⁷ katika Paulus mawara hal iti,timul sangketa ta penah ulun-ulun Farisi nihi Saduki,nihi kumpulan ulun-ulun hio ta bagi-bagi. ⁸ Gene,ulun-ulun Saduki ngeau bahwa bakoi naan kebangkitan,bakoi naan malaikat,nihi lei bakoi naan roh,tapi ulun-ulun Farisi mangaku hio kaluhan. ⁹ Balalu,jarilah karidu sa hante nihi papire ahli Taurat tekei kelompok Farisi mindri nihi nawan nihi mehet,"kami bakoi kahalu isa hal lei sa hala gene ulun iti.kalawe amun roh atawa malaikat haot bapander napot aye?" ¹⁰ Balalu,katika kalakat magin amau,kepala pasukan takut Paulus sagar na winsit-winsit ulun ajoh hio,balalu nuyu prajurit-prajurit mat minau nihi ngalap Paulus nekei penah-penah here nihi paksa,nelang nunda e gi markas. ¹¹ Ta malem narian e,Tuhan mindri ta iring Paulus nihi ngeau,"tampa kuat atei nu gene kayo haot basaksi nihi bujur-bujur gene Kuki ta Yerusalem,nihi sameh hio kayo lei harus bersaksi ta Roma." Aheng mat munu Paulus ¹² Katika ka andrau,ulun-ulun Yahudi ngulah mamufakatan mat nuruk areb here kakareb nihi sumpah mat bakoi kuman atawa ngoot inon lei hampe here munu Paulus. ¹³ naan labih tekei epat pulu ulun sa ngulah permufakatan iti. ¹⁴ Here hawi napot imam-imam kepala nihi tueh-tueh,balalu ngeau,"kami haot nuruk areb kami kakareb nihi sumpah mat bakoi nginam inon lei hampe kami munu Paulus. ¹⁵ wayah iti,ulah gene hio,kayo,hayak nihi Sanhendrin,mawara Kepala pasukan mat nunda e minau napot kayo,sameh nihi kayo sagar namputus perkara e nihi magin teliti lagi nihi kami siap mat munu e samete aye ngarieet uneng iti." ¹⁶ Tapi,nakia laki tekei pulaksanai wawei Paulus ngarengei gene peyergapan hio,balalu aye tulak palus suluk gi markas,nihi mawara Paulus. ¹⁷ Paulus nerau isa tekei perwira nihi ngeau,"tunda bo nakia bujang iti napot kepala pasukan gene aye naan isa hal mat na laporkan napot aye." ¹⁸ Balalu,perwira hio nunda aye napot kapala pasukan balalu ngeau,"Paulus,tahanan hio,nerau kuki palus ngalako kuki mat nunda nakia bujang hio napot here gene aye naan ampun isa hal mat na antuh napot kayo." ¹⁹ Kepala pasukan negei tangan nakia bujang hio,nujut e gi pampang,balalu mulai nane nakia bujang hio nihi kakareb,"inon sa harus kayo laporkan napot kuki?" ²⁰ Balalu,aye nuing,"ulun-ulun Yahudi haot sapakat ngalako nu mat nunda Paulus minau gi Sanhedrin katuni,sameh here sagar nane e isa hal sa magin teliti gene aye. ²¹ Jari,ada ngarengei e here gene naan labih tekei epat pulu ulun tekei here rahat nyaga Paulus,sa ba sumpah mat bakoi kuman atawa ngoot hampe here munu Paulus.Balalu wayah iti,here haot siap nihi rahat ngandrei persetujuannu." ²² Balalu,Kepala pasukan nuyu nakia bujang hio tulak,nelang bapesen napot aye,"ada mawara hie lei gene hal-hal iti."Paulus nakirim gi kota Kaiserea ²³ Udi hio,Kepala pasukan hio nerau rueh ulun perwira balalu ngeau,"siapkan bo rueh jatuh tentara,nihi pitu puluh panunggang kuda palus rueh jatuh prajurit bersenjata,mat tulak gi Kaisarea,ta jam ka telu malem iti. ²⁴ na sadiakan lei satua mat na tunggang Paulus nihi na tunda aye nihi aman napot Feliks,gubernur hio." ²⁵ Balalu,aye manulis isa surat,sa sameh iti: ²⁶ Tekei Klaudius Lisias.napot Gubernur Feliks sa mulia.Salam, ²⁷ ulun iti na japut ulah ulun-ulun Yahudi balalu ane na wunu ulah here katika kuki hawi hayak nihi prajurit-prajurit balalu nyalamtkan e,udi karasa bahwa aye aye hio erang kulun warga negara Roma. ²⁸ Gene kuki kakan karasa inon alasan here nuduh e,kuki nunda e minau napot Sanhedrin here. ²⁹ Kuki kahalu bahwa aye na tuduh entu persoalan-persoalan gene Hukum Taurat here,tapi bakoi naan alasan inon lei sa pas mat hukuman matei atawa penjara. ³⁰ Katika na wara napot kuki bahwa sagar naan pamupakatan mat nawan ulun iti,kuki hinang nuyu here penuduh e mat nyatarang tuntutan here napot aye ta hadap kayo. ³¹ Maka,here prajurit,susuk nihi huyuan gi here,ngalap Paulus palus nunda e ta wayah malem gi Antipatris. ³² ta andrau narian e,here ngaret papire panunggang kuda hio tulak hayak aye,balalu here waleng gi markas. ³³ Katika here haot hampe Kaisarea nihi nampe surat hio napot gubernur,here lei ngahadap Paulus napot aye. ³⁴ Udi gubernur ngabaca surat hio,aye nane tekei wilayah awe Paulus baasal.Balalu,katika aye karasa bahwa Paulus baasal tekei Kilikia, ³⁵ Aye ngeau,"Kuki sagar ngarengei kan kayo udi here penuduh nu lei hawi."udi hio,aye nuyu mat nengau Paulus ta huang markas hante Herodes.