Paulus ngesah pertobatan e 1 "pulaksanai-pulaksanai nihi ambah-ambah,rengei bo pembelaan kuki wayah iti napot kayo." 2 Balalu,katika here ngarengei bahwa Paulus nerau here huang bahasa Ibrani,here magin suni,balalu Paulus ngeau, 3 " Kuki aye hio ulun Yahudi ta Tarsus,Kilikia,tapi na besarkan ta kota iti,na didik ta kapit Gamaliel nihi ketat sesuai hukum itak uyut takam,nihi jari giat napot Allah,sameh nihi kayo kaluhan ta andrau iti. 4 kuki nampahanang jalan itit hampe pampatei,nuruk palus nampasuk here,maeh laki atawa wawei,gi huang penjara, 5 sameh sa lei Imam hante ta kaluhan majelis penatua kiuh bersaksi napot kuki.tekei here kuki narime surat-surat mat pulaksanai-pulaksanai ta Damsyik balalu tulak mat nuruk here sa naan ta aro gi Yerusalem jari tahanan sa sagar na hukum. 6 Balalu,jari lah,nelang kuki rahat huang kiaan balalu riet hampe Damsyik,kira-kira tangar entu andrau,salenga isa cahaya tarang tekei langit bacahaya ngaliling kuki. 7 Kuki ta sungkur gi tane balalu ngarengei lengan ngeau napot kuki,`Saulus,Saulus,wuah inon kayo nampahanang Kuki?` 8 Balalu,aye ngeau napot kuki,`Kukilah Yesus tekei Nazaret,sa rahat na aniaya kayo.` 9 Ulun-ulun sa hayak kuki ngini cahaya hio,tapi bakoi paham lengan ulun sa rahat bapander napot kuki. 10 Balalu,kuki nane,`inon sa harus na ulah kuki,Tuhan ?`balalu Tuhan nuing kuki,`mindri balalu tulaklah gi Damsyik,balalu ta aro,kayo sagar na wara kaluhan sa haot na tetapkan mat na ulah kayo.` 11 Balalu,katika kuki bakoi kiuh ngini gene kemuliaan cahaya hio,kuki na tutui ulah ulun-ulun sa hayak kuki balalu suluk gi Damsyik." 12 Udi hio,naan ulun bangaran Ananias,ulun saleh manurut Hukum Taurat,balalu na kataru maeh ulah kaluhan ulun Yahudi sa muneng ta aro, 13 hawi napot kuki,balalu udi mindra ta iring kuki,aye ngeau,`Pulaksanai Saulus,inni bo!`Balalu,kuki wayah hio lei,kuki kiuh nginni lagi balalu ngini aye. 14 Balalu,aye ngeau,`Allah itak uyut takam manantukan kayo mat ngarasa aheng E nihi ngini sa wuah,nihi ngarengei lengan tekei wawa E, 15 gene kayo sagar jari saksi gi Aye napot kaluhan ulun gene inon sa haot na inni namput na rengei nu. 16 Balalu,wayah iti,wuah inon kayo lamat-lamat?buan bo balalu ami bo areb nu na baptis,palus nabarasih dosa-dosa nu nelang nerau aran E." 17 "katika kuki waleng gi Yerusalem nihi rahat badoa ta Bait Allah,kuki nakuasai Roh, 18 balalu kuki ngini Aye bapander napot kuki,` hinang bo balalu palus balua tekei Yerusalem gene here bakoi sagar narime kesaksian gene Kuki.` 19 Balalu,kuki ngeau,`Tuhan,here kakareb karasa bahwa kuki mamanjarakan balalu nuruk here sa harap napot kayo tekei isa Sinagoge gi sa laine. 20 udi hio,katika ira saksi Nu,Stefanus,na santundrak,kuki kakareb rahat mindri ta aro,menyetujui,balalu ngajaga pakaian-pakaian ulun-ulun sa munu e,` 21 udi hio,Yesus ngeau napot kuki,`tulak bo!gene,kuki,sagar mengutus kayo lawit napot bangsa-bangsa lain." 22 Ulun ajoh hio ngarengei Paulus hampe ta paneran iti.Udi hio,here kaluhan ngenat lengan here balalu ngeau," hulu bo ulun sameh hio tekei bumi gene aye bakoi susuk mat welum!" 23 Balalu,nelang here tarus kamiak,nihi nawut jubah here,balalu namur abu gi entu, 24 Kepala pasukan mamarintah kan mat Paulus na tuna gi markas,nelang nyatarang bahwa Paulus harus na periksa nihi na cambukan nampe aye kiuh kahalu alasan wuah inon here kamiak nawan aye sameh hio. 25 Tapi,katika here haot ngansang e nihi tadi-tadi upak,Paulus ngeau napot perwira sa mindri riet aye,"inonkah sah gi kayo mat mencambuk erang kulun sa aye hio warga negara Roma nihi bakoi na adili?" 26 Katika perwira hio ngarengei e,aye tulak napot kepal pasukan balalu mawara e,eau e,"inon sa sagar na gawi kayo?gene, ulun iti aye hio erang kulun warga negara Roma." 27 Balalu,kepala pasukan hio hawi palus ngeau napot Paulus,"wara napot kuki,inonkah kayo erang kulun warga Roma?" Balalu,Paulus ngeau,"oi". 28 Kepala pasukan hio nuing,"kuki kiuh kewarganegaraan iti nihi kangajoh duit."Balalu,Paulus ngeau,"tapi,kuki jari warga negara ulah kelahiran." 29 Balalu,ulun-ulun sa sagar memeriksa Paulus palus nanan aye nihi kepala pasukan jari bakoi heei katika aye karasa bahwa Paulus aye hio erang kulun warga negara Roma nihi bahwa aye haot nuruk e."Paulus bapander nihi pemimpin Yahudi. 30 Tapi,ta andrau narian e,gene kepala pasukan kakan karasa alasan sa bujur e wuah inon Paulus na tuduh ulah ulun-ulun Yahudi hio,aye nyanapas Paulus nihi memerintahkan imam-imam kepala nihi kaluhan Sanhedrin mat bakumpul,balalu aye nunda Paulus minau palus ngahadap aye gi penah-penah here.