Paulus ta kota Efesus ¹ Hal iti jari,nelang Apolos naan ta Korintus,Paulus nangkah daerah huang balalu hampe ta Efesus.ta aro,aye kahalu papire murid. ² Paulus ngeau napot here,"inonkah kayo narime Roh Kudus katika kayo jari harap?"here nuing,"bakoi,bahkan kami mete piji ngarengei bahwa naan Roh Kudus." ³ Balalu,Paulus ngeau,"ta huang inon,udi hio,kayo na baptis?"tuing here,"ta huang baptisan Yohanes." ⁴ Paulus ngeau,"Yohanes membaptis nihi baptisan pertobatan,nelang mawara ulun-ulun percaya napot erang kulun sa sagar hawi udi aye,aye hio Yesus." ⁵ Udi here ngarengei hal iti,here na baptis ta huang aran Tuhan Yesus. ⁶ Udi hio,katika Paulus haot ngandak tangan e entu here,Roh Kudus hawi gi entu here,balalu here mulai bapander huang ajoh bahasa nihi bernubuat. ⁷ here kaluhan bajumlah kira-kira rueh belas uln laki. ⁸ Balalu,Paulus suluk gi Sinagoge palus bapander nihi ehei sa lawah telu wulan,nelang mapakat palus nampa yakin here gene Kerajaan Allah. ⁹ Tapi,katika papire kulun nampa mape atei e balalu manolak percaya,nelang ngantuh hal-hal jahat gene lalan hio ta hadap ulun ajoh,Paulus nanan here balalu nunda here murid tulak,nelang mupakat setiap andrau ta Sekolah Tiranus. ¹⁰ Hal iti na ulah e salawah rueh taun hampe kaluhan ulun sa muneng tangar Asia ngarengei Firman Tuhan,maeh ulun-ulun Yahudi atawa ulun-ulun Yunani."Anak-anak Skewa ¹¹ Allah ngulah ajoh mukjizat sa luar biasa nangkah tangan Paulus, ¹² hampe sapu tangan atawa serbet sa piji wuah upak Paulus na tunda napot ulun-ulun maringin,balalu ringin here jawoh palus roh-roh jahat balua tekei here. ¹³ Tapi,papire panulak setan Yahudi sa takia bakaliling ba usaha ngantuh aran Tuhan Yesus entu ulun-ulun sa kasukan roh-roh jahat nelang ngeau,"kuki nyapa kayo huang aran Yesus sa Paulus beritakan!" ¹⁴ Pitu anak laki Skewa,erang kulun Imam hante Yahudi,sa ngagawi e. ¹⁵ Tapi,roh jahat hio nuing palus ngeau napot here,"kuki kataru Yesus nihi kuki karasa gene Paulus,tapi hie kayo?" ¹⁶ Balalu,ulun sa karasukan Roh jahat hio nampetu gi here,palus bakuasa entu here,palus nyantalau here kaluhan hampe here mahulu nekei lewu hio huang keadaan mapoloi nihi batan. ¹⁷ Hal iti na karasa ulah kaluhan warga Efesus,maeh ulun-ulun Yahudi atawa ulun-ulun Yunani.Balalu,here kaluhan jari takut balalu aran Tuhan Yesus magin na muliakan. ¹⁸ Ajoh tekei penah here sa haot jari percaya tatap hawi,nelang mangaku nihi memberitakan gawian-gawian here. ¹⁹ Balalu,ajoh tekei here sa piji ngulah sihir,ngumpul buku-buku here balalu nutung e ta hadap kaluhan ulun.balalu here ngareken uman buku-buku hio riet 50.000 keping perak. ²⁰ Jari,firman Tuhan tarus welum nihi bakuasa." Paulus ngaheng kiaan e. ²¹ Udi hal-hal hio jari,huang Roh,Paulus ba aheng tulak gi Yerusalem udi aye haot nangkah Makedonia nihi Akhaya,nihi ngeau,"udi kuki naan ta aro,kuki lei harus ngini Roma." ²² Balalu,udi mangutus rueh ulun sa melayani e gi Makedonia,aye hio Timotius nihi Erastus,aye kakareb muneng papire waktu ta Asia.Demetrius ngulah kekacauan ta Kota Efesus ²³ Kira-kira waktu hio,ta aro jari kerusuhan sa bakoi halus gene lalan hio. ²⁴ Gene,naan ulun bangaran Demetrius,erang kulun pengrajin perak,sa ngulah kuil-kuil perak Dewi Artemis,ngami penghasilan sa bakoi dohot gi tukang-tukang e. ²⁵ here tukang e hio na kumpul e hayak nihi sa bagawi sameh bidang e nihi ngeau,"pulaksanai-pulaksanai,kayo karasa aye hio kemakmuran takam baasal tekei perusahaan iti. ²⁶ Balalu,kayo kakinni palus ngarengei bahwa,bakoi ekat ta Efesus tapi ta kaluhan Asia,Paulus haot nampa yakin nihi ngulah ajoh sa ba waleng nihi ngeau bahwa allah sa na ulah nihi tangan murunsia bakoi Allah. ²⁷ Hal iti babahaya bakoi ekat bahwa usaha takam sagar lawu huang kahinaan,tapi lei kuil Dewi Artemis sa Agung hio bakoi sagar na reken,balalu aye,sa na sembah ta kaluhan Asia nihi Dunia,sagar jawoh ke agungan e." ²⁸ Katika here ngarengei hal iti,here jari sangit tuu palus kamiak kamakai,"hante lah Artemis,dewi ulun Efesus!" ²⁹ Balalu,kota hio na tampenu nihi kekacauan balalu here bagagas hayak napot gedung kesenian nelang nyujut Gayus nihi Aristarkus,ulun Makedonia sa aye hio hengau isa kiaan nihi Paulus. ³⁰ Tapi,katika Paulus kakan tulaksuluk tangar penah ulun ajoh hio,here murid e bakoi kalewa. ³¹ Balalu,papire ulun pajabat Asia sa bahengau nihi aye ngirim isa pesen napot aye baulang kali lako mat aye bakoi manyarah areb e gi gedung kesenian hio. ³² Balalu,mehe e kamiak isa hal balalu mehe tenga lain e,gene kumpulan hio naan huang kakacauan palus ajoh sa bakoi karasa inon aheng here haot hawi bakumpul. ³³ Mehe e tekei ulun ajoh hio ngalap kesimpulan Aleksander gene ulun-ulun Yahudi haot nyuun e gi hadapan,balalu udi Alexander ngami isyarat nihi tangan e,aye ba aheng ngulah pembelaan ta hadap ulun ajoh. ³⁴ Tapi,katika here kataru bahwa Alexander aye hio ulun Yahudi,salawah kira-kira rueh jam,here kaluhan kamiak nihi isa lengan,"Hante lah Artemis,dewi ulun Efesus!" ³⁵ Udi panitra kota nampa ranai ulun ajoh hio,aye ngeau," Ui ulun-ulun Efesus,hie ulun sa bakoi karasa bahwa kota Efesus aye lah penjaga kuil dewi Artemis sa agung palus minau tekei langit? ³⁶ Jari,gene hal-hal hio bakoi kiuh na lawan,kayo sa harus e tatap tanang balalu bakoi baulah babaran. ³⁷ Gene,kayo haot nunda ulun-ulun iti gi iti,sa bakoi marampok kuil atawa menghujat dewi takam. ³⁸ Ulah gene hio,amun Demetrius nihi tukang-tukang sa hayak nihi aye naan bamamai nadap erang kulun,pengadilan na uka balalu naan prokunsul.elah bo here mengajukan tuntutan isa nadap sa lain e. ³⁹ Tapi,amun kayo ngaheng isa hal sa lain,hal hio kiuh na sanyari huang sidang rakyat nutah hukum. ⁴⁰ Gene,takam naan huang bahaya mat na tuduh entu keusuhan andrau iti gene bakoi naan alasan inon lei sa kiuh najelaskan takam gene pertemuan sa kacau iti." ⁴¹ udi ngantuh hal-hal iti,aye membubarkan kumpulan hio.