Paulus tangar kota Korintus ¹ Udi hio,Paulus nanan Atena balalu tulak gi Korintus. ² Balalu,Paulus kahalu ulun Yahudi bangaran Akwila,katurunan Pontus,bio bo hawi nekei Italia hayak harau e,Priskila,gene Klaudius haot memerintah kan kaluhan ulun Yahudi nanan Roma.Paulus hawi napot here, ³ Balalu gene here naan gawian sa sameh,Paulus muneng hayak here palus bagawi gene gawian here aye hio pangulah tenda. ⁴ Balalu,Paulus batukar pikiran ta Sinagoge satiap andrau sabat nihi ba usaha mat meyakin kan ulun Yahudi nihi ulun Yunani. ⁵ Tapi,katika Silas nihi Timotius minau tekei Makedonia,Paulus mulai mengabdikan tenga e sapenu e mat membritakan Firman,nelang bersaksi nihi bujur-bujur napot ulun-ulun Yahudi bahwa Yesus aye hio Kristus. ⁶ Tapi,katika here nawan palus nyapa Paulus,aye ngebas kan pakaian e nihi ngeau napot here,"ira nu naan ta entu ulu nu kakareb! kuki barasih.mulai wayah iti palus kalalawah e,kuki sagar tulak napot bangsa-bangsa lain." ⁷ Udi hio,aye nanan uneng hio balalu tulak gi lewu erang kulun sa bangaran Titius Yustus,erang kulun bakoi Yahudi sa menyembah Allah,sa lewu e naan ta tuhi Sinagoge. ⁸ Krispus,kepala Sinagoge,jari harap ta huang Tuhan nihi kaluhan ulun sa muneng ta lewu e,nihi ajoh ulun Korintus sa haot ngarengei Paulus jari harap palus na Baptis. ⁹ ,Tuhan bapander napot Paulus ta isa malem huang isa pangini,"ada takut,tapi tarus bo bapander ada suni, ¹⁰ gene Kuki hayak kayo nihi bakoi naan erang kulun lei sa sagar nyarang kayo mat menganiaya kayo gene ajoh umat Ku tangar kota iti." ¹¹ Balalu,Paulus muneng ta aro salawah erang taun enem wulan,nelang ngajarkan Firman Allah ta penah here.Paulus na hadapakan napot Galio ¹² Tapi,katika Galio jari prokonsul Akhaya,ulun-ulun Yahudi nihi sanag atei buan nawan Paulus balalu nunda e ta hadapan kursi pengadilan, ¹³ nihi ngeau,"ulun iti rahat memperngaruhi ulun ajoh mat menyembah Allah sa balawanan nihi hukum Taurat." ¹⁴ Tapi,katika Paulus kakan nguka wawa e,Galio ngeau napot ulun-ulun Yahudi hio,"amun iti aye hio isa hal pelanggaran atawa kajahatan sa keji,ui ulun-ulun Yahudi,kuki patut ba tanggung jawab entu perkara nu. ¹⁵ Tapi, amun iti aye hio hal gene paneran,nihi aran-aran,nihi hukum nu kakareb,urus bo kakareb.Kuki bakoi kakan jari hakim entu hal-hal hio." ¹⁶ Balalu,Galio nulak here tekei huang pengadilan. ¹⁷ udi hio, here kaluhan nyaput Sostenes,kepala Sinagoge,nihi ngompak aye tangar hadap ruang pengadilan.tapi sagar,Galio bakoi memperhatikan hal-hal hio.Paulus waleng gi kota Antiokia ¹⁸ udi hio,Paulus muneng papire andrau lagi,balalu ba wara nihi pulaksanai-pulaksanai isa iman balalu berlayar gi Siria,hayak nihi Priskila nihi Akwila.Ta Krengkrea,Paulus haot netek wulu e gene aye haot ngulah isa nazar. ¹⁹ Udi hio,here hampe ta Efesus nihi Paulus nanan Priskila nihi Akwila ta aro,tapi aye kakareb suluk Sinagoge nihi barunding nihi ulun-ulun Yahudi. ²⁰ Katika here lako Paulus mat muneng labih lawah lagi,Paulus bakoi nyatujui e, ²¹ Tapi bawara nihi here balalu ngeau,"Kuki sagar waleng lagi napot kayo amun Allah ngaheng e."Balalu,aye berlayar tekei Efesus. ²² Udi aye minau ta Kaiserea,aye mambai palus ngami tabe napot here jemaat,balalu minau gi Antiokia. ²³ Balalu,udi nangalis papire waktu ta aro,aye nanan uneng hio palus ngaliling isa uneng napot uneng lain e ta wilayah Galatia nihi Frigia,nelang nampa kuat kaluhan murid.Apolos ta kota Efesus nihi kota Korintus ²⁴ Isa waktu,naan ulun Yahudi bangaran Apolos,katurunan Aleksandria,hawi gi Efesus.aye hio erang kulun sa terpelajar balalu mahir huang hal Kitab Suci. ²⁵ ulun iti haot na ajarkan gene lalan Tuhan nihi basamangat ta huang Roh.aye bapander palus ngajarkan nihi teliti hal-hal gene Yesus,tapi aye ekat karasa Baptisan Yohanes. ²⁶ Aye mulai bapander nihi ehei ta huang Sinagoge,tapi katika Priskila nihi Akwila ngarengei e,here nyujut e gi iring balalu ngajelas e napot aye lalan Allah nihi magin pas. ²⁷ Balalu,katika Apolos kakan nyabarang gi Akhaya,pulaksanai-pulaksanai isa iman nampa mape aye nihi nulis surat napot murid-murid mat nyambut kahawian e.katika aye hampe,aye ajoh ngawat here sa ulah gene anugrah haot jari harap, ²⁸ gene aye nihi karas nawan ulun-ulun Yahudi ta hadap umum,nelang nutui Kitab Suci aye hio Kristus aye lah Yesus.