Paulus nihi Silas ta kota Tesalonika ¹ Isa waktu,katika Paulus nihi Silas haot nangkah Amfipolis nihi Apolonia,here hampe ta Tesalonika,ta awe naan isa Sinagoge ulun Yahudi. ² Balalu,susuk nihi kapatuhan Paulus,aye suluk gi helang here,nihi salawah telu andrau Sabat bapander nihi here tekei Kitab Suci, ³ nelang ngajelaskan nihi ngabuktikan bahwa Kristus harus rara nihi buan tekei helang ulun matei,nihi ngeau,"Yesus iti,sa rahat na beritakan napot kayo,aye hio Kristus." ⁴ Balalu,mehe e tekei here na yakin kan nihi bagabung nihi Paulus nihi Silas,hayak nihi sajumlah hante ulun Yunani sa takut nihi Allah palus bakoi doho waweiwawei terhormat. ⁵ Tapi,ulun-ulun Yahudi jari bahiri atei nihi nunda papire ulun jahat sa luntang lantung ta uneng umum,here mangumpulkan ulun ajoh nihi ngukah kakacauan ta kota,balalu nyarang lewu Yason nelang nupui Paulus nihi Silas mat nunda here ba lua napot ulun ajoh. ⁶ Katika here bakoi kahalu Paulus nihi Silas,here nyujut Yason nihi papire pulaksanai isa iman gi hadap here pejabat kota,nihi kamiak,"ulun-ulun iti,sa haot ngakaur dunia,haot hawi lei gi iti. ⁷ Balalu,Yason nyambut here,nihi here ngulah sa nawan hukum Kaisar nihi ngeau bahwa naan raja lain,aye hio Yesus." ⁸ ulun ajoh nihi here pejabat kota jari resah katika ngarengei hal hio. ⁹ Balalu,udi here narime jaminan tekei Yason nihi sa lain e,ulun-ulun hio ngabebaskan e." Paulus nihi Silas gi kota Berea ¹⁰ Pulaksanai-pulaksanai isa iman hinang nuyu Paulus nihi Silas,malem hio lei,gi Berea,nihi katika here hampe,here tulak gi Sinagoge ulun Yahudi. ¹¹ Ulun-ulun Yahudi ta aro labih maeh atei e tekei ulun-ulun Yahudi ta Tesalonika gene here narime Firman nihi penu samangat,nelang menyelidiki Kitab Suci setiap andrau mat ngarasa amun hal-hal hio mula bujur. ¹² Ulah gene hio,ajoh tekei here jari harap,tamasuk wawei nihi laki-laki Yunani terhormat sa jumlah e bakoi dohot. ¹³ Tapi,katika ulun-ulun Yahudi ta Tesalonika karasa bahwa Firman Allah lei na britakan ulah Paulus ta Berea,here lei hawi gi Berea mat ngagunsang nihi mersahkan ulun ajoh. ¹⁴ Balalu,nihi hinang,pulaksanai-pulaksanai isa iman nuyu Paulus tulak hampe gi pantai,tapi Silas nihi Timotius tatap muneng ta hio. ¹⁵ Ulun-ulun sa nengau Paulus nunda hampe Atena,nihi udi narime isa pesen tekei Paulus mat Silas nihi Timotius mar hawi hinang,here tulak lei," Paulus ta kota Atena ¹⁶ Nelang Paulus ngandrei here ta Atena,roh e nginam na susahkan ta huang areb e gene aye nginni kota hio penu nihi patung-patung berhala. ¹⁷ ulah gene hio,aye batukar pikiran ta Sinagoge nihi ulun-ulun Yahudi nihi ulun-ulun tekei bangsa lain sa takut nihi Allah,namput ta penah ulun ajoh,satiap andrau,nihi ulun-ulun sa tabarung naan ta hio. ¹⁸ papire ahli pikir tekei kalompok Epikuros nihi Stoa lei bapander-pander nihi e.Balalu,papire ngeau,"inon sa kakan na antuh aye panamposo iti?sa lain ngeau,"sameh e,aye iti aye lah erang kulun pemberita dewa-dewa asing," gene aye memberitakan Yesus nihi kebangkitan E. ¹⁹ Balalu,here nunda e gi Areopagus,nelang ngeau,"iuh lah kami karasa ajaran bio inon sa na beritakan Kayo iti? ²⁰ Gene,kayo rahat nunda pepire hal sa maka waoh ta silu kami.kami kakan karasa inon aheng hal-hal hio." ²¹ ( wayah hio,kaluhan ulun Atena nihi ulun-ulun asing sa muneng patuh nangalis waktu here nihi bakoi nglauh inon-inon ekat ngantuh nihi ngarengei isa hal sa bio.) ²² Balalu,Paulus mindri ta penah-penah Areopagus balalu ngeau,"ui ulun-ulun Atena,kuki nginni bahwa huang kaluhan hal kayo religius tuu. ²³ Gene,katika kuki rahat bakaliling nihi memperhatikan banda-banda sa na sembah kayo,kuki lei kahalu isa altar nihi tulisan iti,`NAPOT ALLAH SA BAKOI NA NA KATARU,` gene hio,inon sa na sembah kayo bakoi ngataru e,hio lah sa beritakan ku napot kayo. ²⁴ Allah sa menciptakan dunia nihi kaluhan isa hal sa naan ta huang e,gene Aye ayelah Tuhan entu langit nihi bumi,bakoi muneng ta huang kuil-kuil sa na ulah nihi tangan murunsia, ²⁵ bakoi lei Aye na layani ulah tangan-tangan murunsia, sameh - sameh aye memerlukan isa hal gene Aye kakreb sa ngami napot hie lei pamelum,nihi hewuk,nihi kaluahan isa hal e. ²⁶ Balalu,Aye ngulah,tekei erang kulun,kaluhan bangsa umat murunsia mat muneng ta kaluhan muka bumi iti,udi nantu musim-musim nihi batas-batas uneng welum here, ²⁷ mat here nupui Allah,nihi amun mula kiuh here kiuh nyaput E balalu kahalu E biar lei Aye bakoi lawit tekei takam kakareb. ²⁸ Gene, tangar huang Aye,takam welum,bagarak,nihi naan.Ayub 12 : 10 sameh lei pujangga-pujangga nu kakareb sa ngeau,` gene takam iti lei aye hio katurunanE, ²⁹ Jari,gene takam katurunan Allah,takam seharus e bakoi ngono aye hio kaadaan ilahi hio sameh amas,atawa perak,atawa watu,isa wujud sa na ciptakan tekei katau nihi aheng murunsia. ³⁰ Ulah gena hio,udi bakoi ngadiuh wayah-wayah ka bungul,wayah iti Allah mawara kaluhan ulun ta awe-awe mat batobat, ³¹ gene Aye haot manantu kan isa andrau katika Aye sagar menghakimi dunia huang keadilan nangkah isa ulun sa haot na tentukan E,udi aye ngami bukti napot kaluhan ulun nihi nambuan ulun hio tekei helang ulun matei." ³² Balalu,katika here ngarengei gene buan tekei helang ulun matei,papire kulun mulai ngasese,tapi sa lain ngeau,"kami kakan ngarengei tekei kayo lagi gene hal iti." ³³ Balalu,Paulus tulak tekei penah-penah here. ³⁴ Tapi,papire kulun bagabung nihi aye balalu jari harap,ta helang e lei naan Dionisius,anggota Damaris,namput papire kulun lain sa hayak here.