Timotius nengau Paulus nihi Silas ¹ Paulus lei hawi gi Derbe nihi Listra.Balalu,inni lah naan erang kulun murid ta aro,aran e Timotius,anak tekei erang kulun wawei Yahudi sa haot percaya,tapi amah e aye hio ulun Yunani. ² aye na kataru maeh ulah pulaksanai-pulaksanai isa iman ta Litra nihi Ikonium. ³ Paulus kakan Timotius tulak hayak nihi aye,balalu aye nunda palus nyunat e gene ulun-ulun Yahudi sa muneng ta daerah hio.Gene,here kaluhan karasa bahwa amah e aye lah ulun Yunani. ⁴ nelang here takia nangkah kota-kota,here nampe ketentuan-ketentuan gi ulun percaya mat na tutah,sa haot na putuskan ulah here rasul nihi penatua sa naan ta Yerusalem. ⁵ Balalu here jemaat na teguhkan ta huang iman nihi jumlah here batamah isa tiap andrau. "Allah nerau Paulus gi Makedonia ⁶ Balalu,here tulak nangkah wilayah Frigia nihi Galatia gene haot na halang ulah Roh Kudus mat ngantuh Firman ta Asia. ⁷ Katika here haot hampe ta Misia,here bausaha tulak gi Bitinia,tapi Roh Yesus bakoi nuyu here. ⁸ Balalu,udi nangkah Misia,here minau gi Troas. ⁹ Isa panginni balua napot Paulus ta wayah malem.erang kulun tekei Makedonia rahat mindri nihi naglako napot aye,eau e,"hawi bo gi Makedonia balalu awat bo kami." ¹⁰ Udi Paulus ngini pangini hio,kami ba usaha nihi hinang tulak gi Makedonia,udi manyimpulkan bahwa Allah haot nerau kami mat membritakan Injil napot here." Pertobatan Lidia ¹¹ Gene hio,udi berlayar tekei Troas,kami palus berlayar gi Samotrake,balalu ta andrau nutah e gi Neapolis, ¹² Balalu tekei aro gi Filipi,kota ka isa ta wilayah Makedonia nihi isa kota jajahan Roma.kami muneng ta kota hi salawah papire andrau. ¹³ Balalu,ta andrau Sabat,kami tulak gi wading pintu gerbang kota nuju gi iring hungei,uneng ta awe kami bapikir bahwa ta aro naan uneng lako doa.Balalu,kami maharung nihi bapander nihi here wawei sa rahat bakumpul. ¹⁴ Erang kulun wawei bangaran Lidia,tekei kota Tiatira,erang kulun pa matang kain ungu sa menyembah Allah.Tuhan nguka atei e mat memperhatikan inon sa naantuh Paulus. ¹⁵ Balalu,udi Lidia nihi kaluhan ulun sa muneng ta lewu e na baptis aye lako napot kami,eau e,"amun kayo ngono kuki harap nihi teguh napot Tuhan,hawi bo gi lewu ku balalu muneng bo tar aro."Balalu aye ngadasak kami.Paulus nihi Silas ta Penjara ¹⁶ Nelang,kami rahat tulak gi uneng lako doa,erang kulun walah wawei,sa naan ampun Roh mat meramal nalu kami.aye nunda ajoh ka untungan napot here majikan e nangkah ramalan-ramalan e. ¹⁷ wawei hio nutah Paulus nihi kami nelang kamiak,"ulun-ulun iti aye hio hamba Allah sa pangentu,sa membritakan lalan keselamatan napot kayo!" ¹⁸ Aye tarus ngulah hio salawah ba andrau-andrau.Paulus,gene jari marikang tuu,ba waleng palus ngeau napot Roh hio,"Kuki marentah kayo huang aran Kristus Yesus mat balua tekei aye!" Balalu,roh hio balua,saketika hio lei. ¹⁹ Tapi,katika here majikan e nginni bahwa harapan here sagar kauntungan haot jawoh,here nyaput Paulus nihi Silas,balalu nyujut here gi penah ulun ta hadap penguasa. ²⁰ Balalu,katika here haot nunda Paulus nihi Silas napot hakim-hakim kepala,here ngeau,"ulun-ulun itit aye lah ulun-ulun Yahudi sa rahat ngacau ta kota takam. ²¹ Here ngajar adat istiadat sa bakoi maeh mat takam narime nihi ngagawi e jari ulun Roma." ²² Ulun ajoh hio hayak-hayak buan nyarang Paulus nihi Silas balalu here Hakim kota hio minsit lamma Paulus nihi Silas,namput memerintah kan here ngompak karueh e nihi tungkeh. ²³ nelang masih nampahanang Paulus nihi Silas nihi ajoh ompak,here nawut e gi huang penjara balalumemerintahkan kapala penjara mat nyaga Paulus nihi Silas nihi ketat. ²⁴ udi narime perintah hio,kepala penjara nampasuluk Paulus nihi Silas gi penjara bagian huang balalu masung pee here nihi belenggu. ²⁵ Kira-kira penah malem,Paulus nihi Silas rahat lako doa nelang menyanyikan pujian napot Allah,balalu here tahanan lain e lei ngarengei here. ²⁶ Balalu,salenga jari lah gempa bumi sa hante hampe fondasi penjara bagunsang.Balalu salenga kaluhan pintu ta uka nihi belenggu satiap ulun talapas. ²⁷ Katika kapala penjara buan ngini pintu-pintu ta uka,aye munat pedang e balalu ane mantiu kakareb e gene aye nanguh here tahanan haot nempat. ²⁸ Tapi,Paulus kamiak nihi lengan sa mehet," ada nampahanang tenga nu kakareb gene kami kaluhan ta iti!" ²⁹ Udi hio,kepala penjara hio lako lampu palus hinang suluk,balalu nelang kaketer,aye sujud tangar hadap Paulus nihi Silas. ³⁰ Udi hio,aye nunda here balua palus ngeau,"tuan-tuan,inon sa harus na gawi kuki mat salamat?" ³¹ Balalu here nuing,"harap bo ta huang Tuhan Yesus balalu kayo sagar na selamatkan,kayo nihi kaluhan ulun sa muneng ta lewu nu." ³² Udi hio,Paulus nihi Silas memberitakan Firman Tuhan napot kepala penjara hio balalu napot kaluhan ulun sa naan ta huang lewu e. ³³ Udi hio,aye nunda Paulus nihi Silas,malem hio lei,balalu mui batan-batan here,balalu aye nihi kaluhan keluarga e na baptis. ³⁴ Udi hio,kepala penjara nunda Paulus nihi Silas gi lewu e palus nyadia panguta.balalu aye sanang tuu,bahwa aye nihi kaluhan ulun sa muneng tangar lewu e haot percaya napot Allah. ³⁵ Tapi,katika entu andrau hampe,here hakim-hakim kota mengutus papire polisi,nihi ngeau,"sanapas ulun-ulun hio!" ³⁶ Balalu,kepala penjara mawara pesen hio napot Paulus,nihi ngeau,"hakim-hakim kota haot nuyu mat nyanapas kayo.gene hio,balua bo wayah ina palus tulak bo huang damai!" ³⁷ Tapi,Paulus ngeau napot here,"ulun-ulun hio haot ngompak kami ta hadap ulun ajoh,bakoi na adili,ulun-ulun sa aye hio warga Roma,balalu haot nawut kami gi huang penjara.Balalu,inonkah wayah ina here nampalua kami nihi benyem-benyem?bakoi! elah bo here kakareb hawi palus nampalua kami." ³⁸ Here polisi hio mawara paneran-paneran hio nadap hakim-hakim kota.here takut katika ngarengei Paulus nihi Silas aye lah warga Roma. ³⁹ Balalu,here hawi palus lako maaf napot Paulus nihi Silas.Udi here nampalua Paulus nihi Silas,here lako mat karueh e nanan kota hio. ⁴⁰ Balalu,here balua tekei penjara palus suluk gi lewu Lidia,balalu katika here ngini pulaksanai-pulaksanai isa iman,Paulus nihi Silas meneguhkan atei here,balalu tulak.