Panalu tangar kota Yerusalem ¹ Udi hio,papire ulun minau tekei Yudea balalu ngajar pulaksanai-pulaksanai isa iman,"amun kayo bakoi na sunat sameh nihi adat istiadat Musa,kayo bakoi kiuh na selamatkan." ² Balalu,katika jari kalakat palus soalan sa bakoi halus ta helang Paulus nihi Barnabas nihi ulun-ulun hio,here mamutuskan bahwa Paulus nihi Barnabas,namput papire ulun lain e tekei here,harus mamai gi Yerusalem mat panalu nihi here rasul nihi here penatua gene hal iti ³ Balalu,udi na atet gi huang lalan ulah Jemaat,here nangkah Fenisia nihi Samaria nelang ngesah nihi tena gene pertobatan bangsa-bangsa lain,balalu hal hio nunda kasanang hante napot kaluhan pulaksanai isa iman. ⁴ katika here hampe ta Yerusalem,here na tahalu ulah here jemaat,here rasul,nihi here penatua,balalu here ngesah kaluhan hal sa haot na ulah Allah nangkah here. ⁵ Tapi,papire ulun tekei golongan Farisi sa haot na harap mindri nihi ngeau,"Penting mat nyunat here balalu mat memerintah kan here mat nuu Hukum Musa!" ⁶ Here Rasul nihi penatua panalu hayak mat mamander hal iti. ⁷ Udi galis ba soal sa lawah ta aro,Petrus mindri balalu ngeau napot here,"Pulaksanai-pulaksanai,kayo karasa bahwa ta zaman sadi Allah haot ngulah pidian ta helang kayo bahwa nangkah wawaku,bangsa-bangsa lain sagar ngarengei berita Injil balalu jari harap. ⁸ Balalu,Allah,sa ngataru atei murunsia,haot basaksi napot here nihi ngami Roh Kudus napot here,sameh nihi sa haot na ulah E napot takam, ⁹ Balalu Aye bakoi ngabeda-bedakan antara takam nihi here,udi Aye menyucikan atei here nangkah iman. ¹⁰ Jari wayah iti,wuah inon kayo mansuba Allah nihi ngandak kuk sa weat ta diung here murid sa,maeh itak uyut takam atawa takam,bakoi sagar piji kiuh menggung e? ¹¹ Tapi,takam harap bahwa takam na selamatkan nangkah anugrah Tuhan Yesus,sameh nihi here lei." ¹² Udi hio,kaluhan kumpulan ulun hio benyem balalu here ngarengei Barnabas nihi Paulus,nelang karueh rasul hio ngajelas kan kaluhan tanda mukjizat sa haot na ulah Allah nangkah here ta helang bangsa-bangsa lain. ¹³ Udi here tadoh bapander,Yakobus nuing,"pulaksanai-pulaksanai,rengei bo kuki. ¹⁴ Simon haot ngajelaskan kalawe Allah nekei asal haot memperhatikan bangsa-bangsa lain,mat ngalap tekei helang bangsa hio isa umat gi aran E. ¹⁵ Paneran here nabi menyetujui hal iti,sameh sa tertulis, ¹⁶ udi iti,Kuki sagar waleng.balalu sagar nambuan waleng Kemah Daud sa haot runtun.Kuki sagar nambuan waleng puing-puing e,balalu Kuki sagar ma rehab e, ¹⁷ mat umat murunsia sa ba tisai kiuh nupui Tuhan,balalu kaluhan bangsa lain sa na terau nangkah aran Ku,sa ngulah kaluhan iti,`Firman Allah,sa ngulah kaluhane iti,Amos 9 : 11-12 ¹⁸ haot na karasa nekei asal zaman.Yesaya 45 : 21 ¹⁹ Jadi,kuki bapendapat bahwa takam saharus e bakoi nampa mahadin ulun-ulun tekei bangsa lain sa haot ba waleng napot Allah. ²⁰ Tapi,takam sa harus e manulis napot here mat here ngalawit areb e tekei hal-hal sa na karaat ulah berhala-berhala,balalu tekei dosa-dosa seksual,nihi tekei inon sa haot na siek,nihi tekei ira. ²¹ Gene,nekei katurunan sa sadi,Musa haot naan,ta satiap kota,ulun-ulun sa mangabarkan e gene na bacakan ta Sinagoge-sinagoge satiap andaru Sabat."Surat napot ulun harap sa bakoi Yahudi ²² Balalu,na inni maeh ulah here rasul,nihi penatua,nihi kaluhan jemaat,midi ulun-ulun tekei penah here mat na utus gi Antiokia hayak Paulus nihi Barnabas.Here mengutus Yudas sa naantuh Barsabas,namput Silas,here pemimpin ta helang pulaksanai-pulaksani isa iman, ²³ Balalu here manulis surat nihi tangan here,kala iti:"Tekei rasul-rasul nihi penatua-penatua,pulaksanai-pulaksanai isa iman nu,napot kaluhan pulaksanai isa iman bakoi Yahudi ta Antiokia,nihi Siria,nihi Kilikia,tabe! ²⁴ Gene kami haot ngarengei bahwa papire ulun tekei helang kami,sa napot here kami bakoi ngami huyuan,haot ngandrei kayo nihi paneran here sa ngagunsang jiwa nu, ²⁵ hal iti na inni maeh gi kami,udi jari isa pakat,mat midi ulun-ulun palus mangutus here napot kayo hayak nihi pulaksanai-pulaksanai kami sa na sayang,Barnabas nihi Paulus, ²⁶ sa haot nyandra welum here gena aran Tuhan takam,Kristus Yesus. ²⁷ Ulah gene hio,kami mangutus Yudas nihi Silas,sa here kakareb sagar mawara hal-hal sa sameh secara lisan. ²⁸ Gene, magin maeh e napot Roh Kudus nihi gi kami mat ngandak kaweat tangar entu kayo sa magin weat tekei sa perlu iti, ²⁹ bahwa kayo nyanawit areb nu inon sa haot na persembahkan napot berhala,balalu tekei ira,nihi inon lei sa matei na siek,balalu tekei dosa seksual.amun kayo ngajaga areb nu kakareb tekei hal-hal iti,kayo ngulah sa maeh.hampe panalu." ³⁰ Udi here ba pamitan,here minau gi Antiokia,udi ngumpulkan Jemaat,here nyarah surat hio. ³¹ katika ulun-ulun percaya ngabaca e,here basanang atei gene hio. ³² Yudas nihi Silas,sa here kakareb aye hio nabi,meneguhkan palus nampa kuat pulaksanai-pulaksanai isa iman nihi ajoh paneran. ³³ Balalu,udi here muneng ta aro mat papire waktu,ulun-ulun percaya hio napas here mudi nihi damai napot ulun-ulun sa mengutus here. ³⁴ [Tapi,na kono maeh napot Silas mat tatap muneng ta aro.] ³⁵ Tapi,Paulus nihi Barnabas muneng ta Antiokia,nelang ngajar nihi membritakan Firman Tuhan hayak nihi ajoh ulun lain lei."Paulus nihi Barnabas bapisah ³⁶ Udi papire andrau,Paulus ngeau napot Barnabas,"ayu takam waleng balalu ganta pulaksanai-pulaksanai isa iman ta setiap kota,uneng takam membritakan Firman Tuhan mat nginni kalawe keaadaan here." ³⁷ Barnabas kakan nunda lei Yohanes sa na terau Markus. ³⁸ Tapi,Paulus ngono bahwa bakoi sa harus e nunda ulun sa haot nanan here ta Pamfilia nihi bakoi tulak hayak here mat gawian hio. ³⁹ Balalu,jari lah kalakat sa tamam hampe here bapisah isa nihi sa lain.Barnabas nunda hayak Markus nihi balayar gi wilayah Siprus, ⁴⁰ Tapi Paulus midi Silas palus tulak,udi na sarah ulah pulaksanai-pulaksanai isa iman gi huang anugrah Tuhan. ⁴¹ Balalu,aye nangkah Siria nihi Kilikia nelang meneguhkan here jemaat.