Paulus nihi Barnabas ta kota Ikonium ¹ Balalu,jari lah,ta Ikonium,Paulus nihi Barnabas suluk hayak gi Sinagoge ulun Yahudi balalu bapander kala hio leon hampe sa kangajoh hante ulun,maeh ulun Yahudi atawa ulun Yunani,jari harap. ² Tapi,ulun-ulun Yahudi sa bakoi harap ngasung ulun-ulun bakoi Yahudi nihi ngaracun aheng atei here nawan ulun-ulun harap. ³ Balalu,here muneng ta aro huang waktu sa lawah nelang bapander nihi heei gi Tuhan,sa ngami kesaksian gene kabar anugerah E,namput mengaruniakan tanda-tanda ajaib nihi mujizat-mujizat sa jari nangkah tangan here. ⁴ Tapi,ulun-ulun ta kota hio ta bagi-bagi,mehe e bapihak napot ulun-ulun Yahudi balalu mehe e napot here rasul. ⁵ Katika isa usaha naulah,maeh ulah ulun-ulun bakoi Yahudi atawa ulun-ulun Yahudi,nihi here pemimpin here,mat menganiaya nihi medak here rasul nihi watu, ⁶ Udi Paulus nihi Barnabas karasa palus ngalempat areb e gi Listra nihi Derbe,kota-kota ta Likonia,nihi gi wilayah ta iring e. ⁷ Balalu,ta aro,here tarus membritakan Injil. "Paulus ta kota Lista nihi Kota Derbe ⁸ Ta Listra,naan erang kulun rahat maharung sa maleme pee e,lumpuh tekei huang wuntung ine e nihi bakoi piji takia. ⁹ Ulun hio rahat ngarengei Paulus katika aye rahat bapander,udi Paulus ngadodor aye balalu ngini bahwa ulun hio naan iman mat na samare, ¹⁰ Paulus bapander nihi lengan mehet,"Mindri bo witu nihi pee nu." Balalu,ulun hio nampetu balalu mulai takia. ¹¹ Katika ulun ajoh nginni inon sa haot na ulah Paulus,here ngenat suara here balalu bapander huang bahasa Likaonia,"Dewa-dewa haot minau gi penah-penah takam balalu sameh nihi merunsia!" ¹² Ulun-ulun hio ngantuh Barnabas jari Zeus nihi Paulus jari Hernes gene aye sa mamimpin pamaneran. ¹³ Imam dewa Zeus,sa kuil e muneng ta wading kota,nunda lembu-lembu jantan nihi rangkaian wunge gi pintu gerbang kota.aye nihi ulun ajoh hio kakan mempersembahkan kurban napot Paulus nihi Barnabas. ¹⁴ Tapi,katika rasul Barnabas nihi rasul Paulus ngarengei hal hio,here minsit lamma here balalu nempat suluk gi penah-penah ulun ajoh hio,nelang kamiak, ¹⁵ balalu ngeau,"pulaksanai-pulaksanai,wuah inon kayo ngulah kaluhan hal iti?kami lei murunsia biasa sameh nihi kayo nunda kabar maeh napot kayo mat kayo ba waleng tekei hal-hal sa sia-sia iti napot Allah sa welum,sa menciptakan langit nihi bumi,nihi laut,nihi kaluhan isa suatu sa naan ta huang e. ¹⁶ Ta katurunan-katurunan sa nangkah,aye ngabiar lei kaluhan bangsa takia nutah lalan-lalan e kakareb. ¹⁷ Tapi,Aye bakoi ngaret areb E bakoi naan saksi.Gene,Aye ngulah sa maeh nihi ngami napot kayo uran tekei langit nihi musim-musim bawua sa nampuas ateinu nihi panguta namput kasanang." ¹⁸ hindra lei nihi ngeau kaluhan hal hio,here mahadin nyantadoh ulun ajoh hio mat bakoi mempersembahkan kurban gi here. ¹⁹ Tapi,ulun-ulun Yahudi hawi tekei Antiokia nihi Ikonium,balalu udi ngabujuk ulun ajoh hio,here medak Paulus nihi watu balalu nyujut e gi wading kota gene nangguh bahwa Paulus haot matei. ²⁰ Tapi,katika here murid ngaliling Paulus,aye mindri palus waleng suluk gi kota.ta andrau nutah e,aye tulak hayak nihi Barnabas gi Derbe.waleng gi Kota Antiokia ta wilayah Siria ²¹ Udi here memberitakan Injil ta kota hio balalu haot ngulah ajoh murid,here waleng gi Listra,nihi Ikonium,nihi gi Antiokia, ²² Nelang nampa gagah marue here murid,nyuun here mat bertekun ta huang iman,nihi ngantuh bahwa takam harus suluk kerajaan Allah nangkah ajoh ka rara. ²³ Katika Paulus nihi Barnabas nutui penatua-penatua gi here ta setiap Jemaat,udi lako doa nihi bapuasa,here manyarah kaluhan penatua hio napot Tuhan,sa napot Aye here haot harap. ²⁴ Udi hio,here nangkah Pisidia balalu hampe ta Pamfilia. ²⁵ Balalu,katika here haot mengabarkan Firman ta Perga,here minau gi Atalia. ²⁶ Tekei Aro,here balayar gi Antiokia,uneng here haot na sarah napot anugrah Allah mat gawian sa haot na sanyari here. ²⁷ Katika here hampe balalu bakumpul sasameh nihi Jemaat,here ngalapor kaluhan hal sa haot Allah ulah hayak nihi here balalu kalawe Aye haot nguka pintu iman gi bangsa-bangsa lain. ²⁸ Balalu,here muneng hayak here murid mat waktu sa lawah.