Tugas khusus Barnabas nihi Saulus ¹ ta isa wayah,naan ta penah jemaat Antiokia,nabi-nabi nihi guru-guru,aye hi Barnabas,Simeon sa naantuh Niger,Lukius tekei Kirene,Menahem sa natapahante hayak Herodes,raja wilayah,nihi Saulus. ² Nelang ulun-ulun iti rahat beribadah napot Tuhan nihi berpuasa,Roh Kudus ngeau,"khususkanlah napot Kuki Barnabas nihi Saulus mat Tugas sa mat hio Kuki haot nerau here." ³ Udi hio,udi here bapuasa nihi berdoa,nelang menumpangkan tangan here entu Barnabas nihi Saulus,here mengutus kararueh e tulak."Barnabas nihi Saulus ta Pulau Siprus ⁴ Balalu,udi na utus tulak ualh Roh Kudus,Barnabas nihi Saulus minau gi Seleukia,balalu tekei aro here balayar gi Siprus. ⁵ katika here hampe ta Salamis,here membritakan Firman Allah ta Sinagoge-Sinagoge ulun Yahudi,balalu here lei nunda Yohanes jari pelayan here. ⁶ Katika here tulak menjelajahi kaluhan pulau hampe gi Pafos,here kahalu erang kulun tukang sihir,erang kulun nabi palsu Yahudi,sa bangaran Baryesus. ⁷ Aye hayak nihi Prokonsul Sergius Paulus,erang kulun as cerdas,sa ngalako Barnabas nihi Saulus hawi napot aye balalu kakan ngarengei Firman Allah. ⁸ Tapi,Elimas,tukang sihir hio,gene kalahiolah arane na terjemahkan,manantang Barnabas nihi Saulus,nihi bausaha nampabelok kan Prokonsul hio tekei iman e. ⁹ Tapi,Saulus,sa lei na kapatuh nihi Paulus,na tampenu nihi Roh Kudus,ngadodor Elimas, ¹⁰ Balalu ngeau,"ui kayo,sa na tampenu nihi tipu muslihat nihi kaluhan kejahatan,kayo aye hio anak Iblis,kayo aye hio musuh tekei kaluhan sa wuah,bakoi kakan kah kayo tadoh ngabelokan lalan Tuhan sa lurus? ¹¹ Wayah iti,inni lah,tangan Tuhan hawi gi entu nu balalu kayo sagar jari pehe balalu bakoi nginni mate andrau salawah papire waktu."Sakatika hio lei,kabut nihi kamieng minau entu e balalu aye tulak bakaliling nupui ulun ngayak tangan e. ¹² Balalu,Prokonsul hio jari harap katika ngini inon sa haot jari gene aye kagum nihi ajaran Tuhan.Paulus nihi Barnabas tulak gi kota Antiokia ta wilayah Pisidia ¹³ Isa wayah,Paulus nihi ulun-ulun sa hayak aye berlayar tekei Pafos hampe gi Perge,ta Pamfilia,tapi Yohanes nanan here balalu waleng gi Yerusalem. ¹⁴ Tapi,Saulus nihi Barnabas nampalus kiaan tekei Perga palus hampe ta Antiokia,ta Pisidia.Balalu,ta andrau Sabat,here tulak gi Sinagoge balalu maharung ta aro. ¹⁵ Udi pembacaan Hukum Taurat nihi Kitab here Nabi,kepala-kepala Sinagoge nuyu ulun ngeau napot ka dua belas rasul hio,"pulaksanai-pulaksanai,amun kayo naan antuhan-antuhan ngahibur mat gi ulun-ulun iti,wara bo." ¹⁶ Balalu,Paulus mindri palus ngami kode nihi tangan e balalu ngeau,"Ui ulun-ulun Israel nihi kayo sa takut nihi Allah,rengei bo! ¹⁷ Allah bangsa Israel iti haot midi itak uyut takam nihi nampa entu bangsa takam salawah here muneng ta tane Mesir nihi tangan sa ta enat,Aye mimpin here balua tekei hio. ¹⁸ Salawah sekitar epat pulu tahun,Aye basabar nadap kalakuan here ta pulau haket. ¹⁹ Balalu,udi Aye nampunah pitu bangsa ta tane kanaan,Aye mawariskan tane hio. ²⁰ Kaluhan iti jari kira-kira salawah 450 taun.Udi hio,Allah manyarah lei napot here hakim-hakim hampe ta masa Nabi Samuel. ²¹ Udi hio,here lako erang kulun raja,nihi Allah ngami Saul,anak laki-laki Kish,ulun tekei suku Benyamin,salawah epat pulu taun ²² Udi Allah menyingkirkan Saul,Allah nambuan Daud mat jari raja here,sa gene e Allah bersaksi nihi ngeau,`Kuki haot kahalu Daud,anak laki-laki Isai,ulun sa pas ta atei Ku,sa sagar ngagawi kaluhan aheng Ku.` ²³ Tekei katurunan ulun iti,Allah,susuk janji E,nunda napot Israel erang kulun Juruselamat,aye hio Yesus. ²⁴ Samete ka hawian Yesus,Yohanes haot membritakan samete e gene baptisan pertobatan napot kaluhan ulun Israel. ²⁵ Balalu,rahat Yohanes nyanyari tugas e,aye tarus bapander,`kono kayo hie kuki iti?Kuki bakoi Aye.tapi,inni bo,erang kulun hawi udi kuki,sandal ta pee E gin kuki bakoi tau napas e.` ²⁶ Pulaksanai-pulaksanai,katurunan babuhan Abraham nihi ulun-ulun ta penah kayo sa takut nihi Allah,napot takam kabar keselamatan iti haot na kahampe. ²⁷ Gene,here sa muneng ta Yerusalem nihi kawan pemimpin here,sa bakoi kataru Aye nihi ngapaham paneran here Nabi,sa na bacakan setiap andrau Sabat,haot manggenep paneran nabi hio nihi nukum Yesus. ²⁸ Balalu,biar lei here bakoi kahalu alasan inon lei mat hukuman matei,here lako Pilatus mat munu Aye. ²⁹ Balalu,katika here manggenepi kaluhan sa tatulis gene Aye,here nampinau E tekei kayu salib palus nampakading E ta huang ogang. ³⁰ Tapi,Allah nambuan Aye tekei helang ulun matei, ³¹ Balalu salawah bandrau-andrau,Yesus nyantarang areb E napot ulun-ulun sa hayak nihi Aye tekei Galilea hampe Yerusalem,sa wayah iti jari saksi-saksi E napot bangsa iti. ³² Balalu,kami nunda napot kayo Kabar Maeh gene janji Allah napot itak uyut takam, ³³ Bahwa Allah haot manggenep janji hio mat gi takam,anak-anak here,nihi nambuan Yesus,sameh nihi sa tatulis huang kitab Mazmur pasal rueh:`Kayo aye hio Anak Ku.andrau iti,Kuki haot jari Ambah Nu.`Mazmur 2:7 ³⁴ Gene Allah sa nambuan Yesus tekei helang ulun matei,bakoi sagar lagi waleng napot pampatei,Allah haot ngeau,`Kuki sagar ngami napot kayo berkat sa kudus nihi kiuh na harap,sa na ami napot Daud.`Yesaya 55:3 ³⁵ Hio lah gene e,Aye lei ngeau huang Mazmur sa lain,`Kayo bakoi sagar maladar ulun Kudus Nu ngini pampatei.`Mazmur 16:10 ³⁶ Gene,Daud,udi melayani utus e kakareb ulah aheng Allah,balalu matei,palus natampakading ta helang itak uyut e,namput kakinni pampatei, ³⁷ tapi Yesus sa Allah na tambuan tekei helang ulun matei,bakoi kakinni pampatei. ³⁸ Ulah gene hio,elah bo na karasa ulah nu,pulaksanai-pulaksanai,bahwa nangkah Aye lah pengampunan entu dosa-dosa na santarang napot kayo, ³⁹ balalu nangkah Aye,setiap ulun sa harap na bebaskan tekei kaluhan hal e,sa tekei e kayo bakoi kiuh na bebaskan ulah hukum Taurat Musa. ⁴⁰ Jari,ba hati-hati lah mat hal-hal sa naantuh ta huang kitab here nabi bakoi jari napot kayo: ⁴¹ Inni lah,ui here sa ngasese!embah palus binasa bo,gene Kuki ngulah gawian ta wayah nu,isa gawian sa bakoi sagar kayo harap,bahkan amun erang kulun ngajelaskan e napot kayo "Habakuk 1: 5 ⁴² Rahat Paulus nihi Barnabas balua,ulun-ulun lako awat mat here nampe hal Firman hio ta andrau Sabat narian e. ⁴³ Udi pamanalu ta Sinagoge hio galis,ajoh ulun Yahudi nihi here proselit sa takut nihi Tuhan nutah Paulus nihi Barnabas,sa bapander napot here nihi nyuun here mat tarus muneng ta huang anugrah Allah. ⁴⁴ Ta andrau Sabat nutah e,ane kaluhan ulun ta kota bakumpul mat ngarengei Firman Tuhan. ⁴⁵ Tapi,katika ulun-ulun Yahudi ngini karami hio,here ngabahiri e balalu mulai nawan inon sa na antuh ulah Paulus nelang nyumpah e. ⁴⁶ Balalu,Paulus nihi Barnabas nuing e nihi heei palus ngeau," hal penting bahwa Firman Allah seharus e na nyatakan napot kayo panga dahulu e.Gene kayo nolak e nihi ngono tenga e bakoi pas halu welum kekal,inni bo,kami ba waleng napot bangsa-bangsa lain. ⁴⁷ Gene,kaliti lah Tuhan ngami huyuan napot kami: `Kuki haot ngajarikan kayo tarang napot bangsa-bangsa lain mat kayo kiuh nunda keselamatan hampe gi ujung."Yesaya 49 : 6 ⁴⁸ Katika ulun-ulun bakoi Yahudi hio ngarengei hal iti,here basanang palus memuliakan Firman Tuhan.Balalu,sa kangajoh sa haot na tentukan mat welum kekal,jari harap. ⁴⁹ Balalu,Firman Tuhan menyebar gi kaluhan wilayah hio. ⁵⁰ Tapi,ulun-ulun Yahudi ngasung wawei-wawei saleh sa na hormat nihi ulun-ulun penting ta kota,balalu nambuan penganiyayaan nadap Paulus nihi Barnabas,namput nulak kararueh e gi wading tekei daerah batas here. ⁵¹ Tapi,nelang ngibas kan abu tekei pee here nadap ulun-ulun Yahudi ta aro,Paulus nihi Barnabas tulak gi Ikonium. ⁵² Balalu,here murid na tampenu nihi sanang atei balalu nihi Roh Kudus.