Paulus gi Negara Makedonia nihi Negara Yunani ¹ Udi kerusuhan hio galis,Paulus ngundang here murid,nihi udi nampa kuat atei here,aye ba wara nihi here balalu tulak nuju gi Makedonia. ² udi aye ngaliling daerah-daerah ta aro balalu ngami napot here ajoh nasehat,aye hampe ta Yunani. ³ Balalu,ta aro Paulus muneng ta aro salawah telu wulan.gene ulun-ulun Yahudi ngulah pakat mat nawan aye katika aye kakan berlayar gi Siria,aye mamutuskan mat waleng nangkah Makedonia. ⁴ V 4 Paulus na hengau ulah Sapoter tekei Berea,anak Pirus,ulah Aristarkus nihi Sekundus,tekei Tesalonika,balalu Gayus tekei Derbe,nihi Timotius,namput Tikhikus nihi Trofimus tekei Asia. ⁵ Here tulak panga dahulu balalu rahat ngandrei kami ta Troas, ⁶ tapi kami berlayar tekei Filipi udi andrau roti bakoi ba ragi,balalu hawi napot here ta Troas huang dime andrau,ta aro kami muneng salawah pitu andrau."kunjungan Paulus sa pangalis ta kota Troas ⁷ Ta andrau ka isa minggu hio,katika kami rahat bakumpul hahayak mat nampuhi roti,Paulus bapander napot here gene ba aheng mat tulak ta andrau narian e,balalu aye nampamau pesen ehampe penah malem. ⁸ naan ajoh lampi ta ruang entu,uneng kami bakumpul. ⁹ Balalu,ta aro naan ulun bujang baaran Eutikhus rahat maharung tangar jendela palus sa andre e.balalu,rahat hio Paulus tarus bapander huang waktu sa lawah,aye magin renek andra e balalu lawu tekei lantai ka telu palus na enat huang keadaan matei. ¹⁰ Tapi,Paulus minau balalu nampakading areb e ta entu e,nelang ngikup e,balalu ngeau,"ada abut gene nyawa e magun naan ta huang aye." ¹¹ Katika Paulus waleng mambai,balalu nampuhi-puhi roti palus kuman,aye bapander napot here huang waktu sa lawah,hampe subuh.udi hio,aye tulak. ¹² here nunda ulun bujang hio mudi huang keadaan welum nihi nginam tahibur tuu."kiaan tekei kota Troas gi kota Miletus ¹³ Tapi,udi tulak panga dahulu gi kapal,kami berlayar gi Asos nihi aheng ngalap Paulus ta aro gene aye haot ngaheng sameh hio,aye kakareb ba aheng tulak ga aro nihi takia pee bo. ¹⁴ Balalu,katika aye panalu nihi kami ta Asos,kami ngalap e,balalu tulak gi Metilene. ¹⁵ Udi berlayar ta aro,kami hampe ta mat katuni andrau e ta khios.Andrau narian e,kami ngariet Samos,balalu isa andrau udi hio kami hampe ta Miletus. ¹⁶ Gene,Paulus haot namputus mat berlayar nangkah Efesus mat aye bakoi nagalis waktu ta Asia gene aye badasak hampe ta Yerusalem,amun memungkinkan,ta andrau Pentakosta."Paulus bapander napot Penatua Efesus ¹⁷ Tekei Miletus,Paulus mengutus ulun Efesus balalu nuyu here penatua jemaat hawi napot aye. ¹⁸ Balalu,katika here hawi napot aye,aye ngeau napot here,"kayo kakareb karasa,kalawe kuki welum ta penah kaon sa amau waktu,nekei andrau ka isa kuki narah pee ta Asia, ¹⁹ nelang melayani Tuhan nihi karendahan atei,balau nihi ranu mate,palus nihi pencobaan-pencobaan sa nukun kuki nangkah pakat ulun-ulun Yahudi, ²⁰ kalawe kuki bakoi ngaret areb ku mat membritakan napot kayo kaluhan hal sabaguna nihi ngajar kayo ta hadap ulun ajoh nihi tekei lewu gi lewu, ²¹ Ba bujur-bujur ngami kesaksian,maeh napot ulun-ulun Yahudi atawa ulun-ulun Yunani,gene pertobatan napot Allah nihi baiman napot Tuhan takam,Yesus Kristus. ²² Balalu wayah iti,inni bo,nihi nahuruk nihi Roh,kuki rahat huang kiaan ku gi Yerusalem,bakoi karasa inon sa sagar jari nihi kuki ta aro, ²³ kecuali bahwa Roh Kudus bersaksi nihi bujur-bujur ta setiap kota napot kuki aye hio penjara nihi siksaan haot ngandrei kuki. ²⁴ Tapi,kuki bakoi nangguh welum ku baharaga napot kuki kakareb hampe kuki kiuh nyanyari tugas ku nihi pelayanan sa na tarime ku tekei Tuhan Yesus,aye hio mat bersaksi nihi bujur-bujur gene injil anugrah Allah. ²⁵ Balalu wayah itit,inni bo,kuki karasa bahwa bakoi naan ta penah nu,sa napot kayo kuki bakaliling memberitakan kerajaan,sagar kakinni rai kuki lagi. ²⁶ Gene hio,kuki bersaksi napot kayo andrau iti bahwa kuki bakoi bahala entu ira kaon kaluhan. ²⁷ Gene,kuki bakoi ngaret areb ku mat memberitakan napot kayo kaluhan aheng Allah. ²⁸ Jaga lah tenga nu kakareb nihi kaluhan hengau,sa entu e Roh Kudus haot ngulah kayo pengawas mat menggembalakan Jemaat Allah,sa haot na iyuh E nihi ira E kakareb. ²⁹ Kuki karasa bahwa udi panulak ku,serigala-serigala buas sagar hawi ta penah kayo,bakoi kaahi kumpulan hio. ³⁰ Balalu,tekei penah kayo kakareb sagar buan ulun-ulun sa bapander gene hal-hal nyantawang mat nyujut murid-murid tekei here. ³¹ Ulah gene hio,ba awas-awas bo,nelang ngitung bahwa kaandrau kamalem,salawah telu taun,kuki bakoi ulep mangingatkan kayo masing-masing nihi ranu mate. ³² Balalu,wayah iti,kuki manyarah kayo napot Tuhan nihi Firman anugerah E sa kiuh nambuan kayo balalu ngami kayo warisan ta penah kaluhan ulun sa na kuduskan. ³³ Kuki bakoi ngakan perak,atawa amas,atawa pakaian hie lei. ³⁴ kayo kakareb karasa bahwa tangan iti melayani keperluan ku nihi here sa sasameh nihi kuki. ³⁵ huang segala hal,kuki haot nutui napot kayo bahwa nihi bagawi mehet sameh cara iti,takam harus ngawat sa maleme palus ngingat paneran Tuhan Yesus,bahwa Aye kakreb ngeau,`labih bahagia ngami tekei narime." ³⁶ Balalu,katika aye haot ngantuh hal-hal hio,aye balutut nihi badoa hayak here kaluhan. ³⁷ Balalu,ajoh sa nangis ta penah here kaluhan balalu here ngikup diung Paulus,nelang nyiuk e, ³⁸ here taharu tuu,panga isa e gene paneran e bahwa here bakoi sagar kakinni rai e lagi.balalu,here nengau Paulus gi kapal.