¹ Lalu, malaikat ke dimo nyiwui trompetne, ali aku minda erai bintang latu anjak langit pe ombo bumi, ali antene waumi kunci luakng jurang maut. ² Ise mbuka luakng jurang maut, moko pombolah atuk ante luakng sio, sara atuk ante tungku se olai, ali matoondro ali angkasa njari siropm koe atuk luakng sio. ³ Kemudian, ante suakng atuk sio pekualdeh belalakng-belalakng pe ombo bumi, ali reo waumi kuasa sara kuasa kalajengkjing ba bumi. ⁴ Ali, ampe reo wa pesankan agar doho ngerusak rikut-rikut bumi, tumbu-tumbuan, ataupun pohon-pohon, mlainkan ekat reo se beloh na'an segel Allah pe rai reo. ⁵ Reo doho waizinkan gin nempate reo, leka agar nyiksa reo ampe 5 ulatn; ali siksaan sio sara siksaan kalajengking saat ise nyengot mersia. ⁶ ondro sio mersia anta meto kematean, leka reo doho kawokng. Reo kakatn mate, leka kematean nyengkilah reo. ⁷ Wujud belalang-belalang sio sara kuda-kuda se wasiapkan gin perang; ali ombo utok reo naan sesuatu sara mahkota amas, wae reo sara wae mersia. ⁸ Walo reo sara walo wawe ali kukut reo sara kukui singa, ⁹ ali dada reo sara baju wasi, ali nain klekep reo sara nain kereta-kereta ali deo kuda se berpacu pe medan perang. ¹⁰ Ali, ukui reo sara kalajengking ali singotne, ali ba suakng ukui reolah naan kuasa gin manang mersia seola 5 ulatn. ¹¹ Raja se nyuyu reo adalah malaikat jurang maut, se suakng basa Ibrani ngaratnne adalah Abadon sedangkan suakng basa Yunani ngaratnne Apolion. ¹² Bencana se seawal ukah sendalo, leka kia naan 2 penderitaan laitn se kakan awi. Trompet keonom mennain ¹³ Lalu, malaikat se keonom nyiwui trompetne, ali aku kerongoi nain ante keopat tanduk altar emas se naan ba muka Allah, ¹⁴ Ngontuh ampe malaikat keonom se ngurut trompet sio " Lepahkanlah keopat malaikat se wasiret ba sungai Efrat se olai sio." ¹⁵ Moko, keopat malaikatr sio, se ukah wa persiapkan agin jam ali ondro, ulatn ali taotn sio, walepahkan agar membunu 1/3 umat mersia. ¹⁶ Jumlah tentara berkuda reo adalah 200 juta deone; aku krongoi jumlah reo. ¹⁷ Ali, siolah aku minda suakng pengotau kuda-kuda sio ali reo se tungoh ba mundanne; para penunggangne makai baju wasi babotik mea metarakng, biru siropm, ali kuning sara belerang; ali utok kuda-kuda sio sara utok singa ali ante wawo reo pekual apuy, atuk, ali belerang. ¹⁸ Ali ketolunelah 1/3 mersia wabunu; ali apui, atuk ali belerang se pekual ante wowa reo. ¹⁹ Ena, kekuatan kuda-kuda sio b montuk ante wowa ali ukui reo. ena, ukui reo sara nipo ali senaan utok, ali siolah reo menyiksa. ²⁰ Leka, mersia se selamat, se doho tebunu koe bencana sio, tetap doho bertobat ante perbuatan-perbuatan kayakng reo, bahwa reo doho bulih nyembah roh-roh daat ali berhala-berhala ante emas, perak, tembaga, watu, atau kayu; se doho kate kotau, krongoi ataupun malatn, ²¹ ali reo doho bertobat ante pembunuhan, sihir, percabulan, ali pencurian.