¹ Kemudian, aku minda langit se wau ali bumi se wau. Ena, langit se awal ali bumi se awal ukah gawis; ali laut pun ukah beloh naan gane. ² Sendalo, aku minda kota se kudus, Yerusalem wau, mange anjak langit, anjak Allah, ali ukah wasiapkan sara penganten wawe batatap agin haraune. ³ Aku krongoi nain se karas ante takhta ngontuh, Otaulah, kemah Allah naan ba nonga-nonga mersia. Ise anta duloi ba rokakng reo anta njari umat-Ne. Allah dederai anta njari Allah reo. ⁴ Ise anta ngehapus setiap ranu mato ante mato reo ali maut doho anta naan gane, doho anta naan gane perkabungan, nyonyar, atau kima mekopm koe se ola ukah sendalo." ⁵ Ise se tungoh ba takhta sio ngontuh, " Otaulah, aku njarikan awisne wau!" Ontuh-Ne gane, Tuliskanlah situ koe pengontuh-pengontuh situ kate wapercaya ali tuu." ⁶ Kemudian, Ise ngontuh ampe aku, Ukah aut! Aku iselah Alfa ali Omega, Se Awal ali se Penggawis. Aku anta ngumi minum ampe setiap ulutn se heak ante mato ranu pengwolupm secara cuma-cuma ⁷ Ise se kuret anta mewarisi awisne situ; Aku anta njari Allahne ali ise anta njari anak-Ku. ⁸ Leka, reo se takut, doho percaya, ali keji; pembunu, ulutn-ulutn sundal, tukakng sihir, para penyembah berhala, ali awisne pembuak, anta kahalu bagian reo suakng lautan se metarakng koe apui ali belerang. Situlah pemate kerueh." Yerusalem wau ⁹ Kemudian, erai ante turu malaikat se ngurut turu cawan se ponu ali turu bencana penggawis sio awi ali ngontuh ampe aku, "Ayulah, aku anta nunjukkan ampe iko penganten wawe, harau Anak Domba sio." ¹⁰ Sendalo, ise ngoit aku pe erai gunung se olai beta ali ombo, serta nunjukan ampe aku kota suci sio, Yerusalem , se mange anjak langit, tanjak Allah, ¹¹ ponu ali kemuliaan Allah ali tarakngne sara permata se larakng beta, sara permata yaspis, jeranih sara kristal. ¹² Kota sio puut tembok se olai ali ombo ali rueh belas jawokng gerbbang sio naan reuh belas malaikat ali ngarat-ngaratn tetulis ba ombone, yaitu ngaratn kerueh belas suku Israel. ¹³ Naan tolu jawokng gerbang ba sebalah utara, tolu jawokng gerbang ba sebalah selatan, ali tolu jawokng gerbang ba sebalah barat. ¹⁴ Tembok kota sio puut rueh belas watu fondasi ba ombo watu-watu fondasi sio tetulis ngaratn kerueh belas rasul Anak Domba. ¹⁵ Malaikat se bepander ampe aku sio ngurut erai tongkat pengukur se waulah ante amas agin ngukur kota sio, jawokng-jawokng gerbangne, ali tembokne. ¹⁶ Kota sio bebentuk segi opat, atahne sama ali idokne. Ise ngukur kota sio ali tongkatne, rueh belas ribu stadia; atah ,idok, ali ombone sama. ¹⁷ Sendalo, ise ngukur tembok kota sio, sejatus opat pulu opat hasta, menurut ukuran mersia, se lou merupakan ukuran malaikat. ¹⁸ Tembok kota sio waulah ante permata yaspis ali kota sio waulah ante amasmurni, sebening kaca. ¹⁹ Fondasi tembok kota sio terdiri ombo awis jenis permata se larakng. Watu fondasi se puga iselah watu yaspis, se kerueh watu safir, se ketolu watu mirah, se keopat iselah watu zamrud, ²⁰ se kedimo watu unam, se keonopm watu sardis, se keturu watu ratna cempaka, se kewalu watu beril, se kesie watu krisolit, se kesepulu watu krisopras, se kesebelas watu lazuardi, ali se kerueh belas iselah watu kecubung. ²¹ Kerueh belas jawokng gerbakngnne iselah rueh belas mutiara, masing-masing jawokng gerbang waulah ante erai mutiara. Lalatn kota sio waulah ante amas murni, sebening kaca. ²² Aku doho minda Bait Allah ba suakng kota sio koe Tuhan, Allah se Mahakuasa, ali Anak Domba dederailah Bait Allah kota sio. ²³ Kota sio doho memerlukan matoondro atau bulan agin mentarakngne koe kemuliaan Allah metarakng kota sio ali Anak Domba iselah lampune. ²⁴ Bangsa-bangsa anta malatn suakng tarakng kota sio ali raja-raja ba bumi anta ngoit kemuliaan reo pe suakngne. ²⁵ Jawokng-jawokng gerbangne doho anta suah watuutup pe kondro ondro, ali doho anta naan malopm ondro ba denan ²⁶ Reo anta ngoit kemuliaan ali hormat bangsa-bangsa pe suakng kota sio. ²⁷ Leka, beloh sesuatu pun se moso anta sinop pe suakng kota sio, lou ulutn se ngelakukan hal-hal keji atau ngelakukan pembuak, melainkan hanya se ngaratnne tetulis ba suakng kitab pengwolupm Anak Domba.