¹ Kemudian, malaikat sio nunjukan ampe aku sunge ranu pengwolupm, se bening sara kristal, ngalir ante takhta Allah ali Anak Domba ² ba nonga-nonga lalatn kota sio. Ba kerueh sisi sunge, tumbu pohon pengwolupm se ngehasilkan rueh belas jenis uwa ali ngehasilkan uwane setiap ulatn. Rawetn-rawetn pohon sio wagunakan agin ngeradukan bangsa-bangsa. ³ Doho anta naan gane kutuk, leka takhta Allah ali Anak Domba anta naan ba suakng kota sio. Hamba-hamba-Ne anta nyembah Ise. ⁴ Reo anta minda wae-Ne ali ngaratn-Ne anta watulis pe rai reo. ⁵ Malopm doho anta naan gane sehingga reo doho memerlukan tarakng lampu atau matoondro koe Tuhan Allah anta metarakng reo, ali reo anta memerintah seola-olane. Keawian Yesus Kristus ⁶ Malaikat sio ngontuh ampe aku, " Ulep pengontuh situ kate wapercaya ali tuu. Tuhan, Allah anjak roh para nabi, myuyu malaikat-Ne agin nunjukan ampe hamba-hamba-Ne none se harus srek tejari. ⁷ Krongoilah, Aku srek awi! Waberkatilah ulutn se naati pengontuh-pengontuh nubuat kitab situ." ⁸ Aku, Yohane, se ukah krongoi ali minda awisne sio. Desukng aku krongoi ali minda awisne, aku besujud agin nyembah ba po,o malaikat se ukah nunjukan ulep sio ampe aku. ⁹ Leka, ise ngontuh ampe aku, " Ai lakukan sio! Aku iselah hamba sama sara iko ali erai untukng-erai untukngkopm, para nabi, serta sara reo se naati pengontuh-pengontuh suakng kitab situ. Sembahlah Allah!" ¹⁰ Kemudian, malaikat sio ngontuh ampe aku, " Ai nyegel pengontuh-pengontuh nubuat suakng kitab situ koe waktune ukah riet. " ¹¹ Biarkan ulutn ngulah daat, ulutn se doho suci tatap doho suci, ulutn se ngulah tuu tatap ngelakukan ketuuan, ali ulutn se kudus tatap nguduskan kompune." ¹² " Krongoilah, Aku srek awi ! Ali, Aku ngoit upah-Ku, agin mbalas setiap ulutn mnurut gawiatnne. ¹³ Aku iselah Alfa ali Omega, Se awal ali Se Penggawis, Se Awal ali Se Penggawis ¹⁴ Waberkatilah reo se sempupuk jubah reo sehingga reo mempuut pohon pengwolupm sio ali sinop pe kota sio nyendalo jawokng-jawokng gerbangne. ¹⁵ Se ba kual kota sio iselah asu-asu, ulutn se nggawi sihir, ulutn- ulutn cabul, para pembunu, para penyembah berhala, ali ulutn-ulutn se katuju buak ¹⁶ Aku, Yesus, ukah nyuyu malaikat-Ku agin besaksi ampe iko tentang awisne situ gin jemaat-jemaat. Akulah tunas ali keturunan Daud, Sang bintang timur se metarakng.'' ¹⁷ Roh ali penganten wawe sio ngontuh, "Ayudeh!" Biarlah ulutn se krongoi situ ngontuh, "Ayudeh1' biarlah ulutn se heak awi; biarlah ulutn se besedia ngoit ranu pengwolupm secara cuma-cuma." Penutup ¹⁸ Aku bersaksi ampe awisne ulutn se krongoi pengontuh nubuat kitab situ: " Ena naan se nambahkan sesuatu pe pengontuh-pengontuhan situ, Allah anta nambahkan ampe ise ulep bencana se tertulis suakng kitab situ. ¹⁹ Ali , ena naan se ngurangi sesuatu ante pengontuh-pengontuhan suakng kitab nubuat situ Allah anta ngutik bagianne ante pohon pengwolupm, anjak kota kudus, ali ante hal-hal se batulis suakng kitab situ." ²⁰ Ise se besaksi mengenai hal-hal situ ngontuh, "Ya, Aku kakan awi." Amin ! awilah, Tuhan Yesus! ²¹ Anugerah Tuhan Yesus nyertai iko ulep. Amin.