¹ " Ampe malaikat jemaat ba Efesus tuliskandeh : Situlah pengontuh Ise se ngurut turu bintankng ba kayakng kanan-Ne ali se malatn wa rokakng turu po,o dian amas sio: ² Aku tau gawisne gawiatnko ali jerih payahko ali ketekunanko, semone iko doho tahatn ali se daat, ali iko menguji ulutn deo se ngontuh kompune rasul, leka sebujurne reo doholah rasul ali kahalu reo buak. ³ Kopm puutn ketekunan ali bertahan demi ngaratn-Ku ali se doho tau lokoi. ⁴ Leka, Aku ngiaiko koe komp ukah ngikeh tuasiko se semula. ⁵ koe sio, sowotdeh anjak bone kopm latu ali betobat serta gawikan none se ukah iko gawi. Ena doho, Aku anta awi ampe iko ali ngoit po,o dianko anjak wadahne, kecuali iko bertobat. ⁶ Leka, situ se iko naan: iko gali ali gawiatn-gawiatn para pengikut Nikolaus, se lou kugali. ⁷ Ise se naan telingo biardeh ngerongoi none se wa ontuh roh ampe jemaat-jemaat ali ise se kuret, Aku anta ngumi kuman anjak pohon pengwolupm se naan ba Taman Allah taala.'' SURAT AMPE JEMAAT BA SMIRNA ⁸ "Ali, ampe malaikat jemaat ba Smirna tuliskandeh: Situlah pengontuh anjak Se Awal ali Se penggawis, se ukah mate ali wolupm gane: ⁹ Aku tau kesusahan ali kemiskinako, leka sebujurne iko sugih! Aku tau fitnah se watujukan ampe iko koe reo se ngontuh kompu ulutn Yahudi, leka sepu'une doho, melainkan sinagoge ¹⁰ Ai takut terhadap none se anta ikomp derita. Otaulah ontu anta nimbai sesenu ante ikopm pe penjara agar ikomp wauji, ali ikopm anta ngalami penganiayaan seola 10 ondro. Setiadeh ampe mate, ali Aku anta ngumi ali iko mahkota pengwolupm. ¹¹ Ise se naan telingo biarlah krongoi none se wa ontuh Roh ampe jemaat-jemaat. Ulutn se kuret doho anta menderita koe pemate se kerueh." Surat ampe Jemaat ba Pergamus ¹² "Ali, ampe malaikat jemaat ba Pergamus tuliskandeh: situlah pengontuh Ise se naan pedang taropm bemato rueh: ¹³ Aku tau ba one iko duloi, ba wadah takhta ontu senaan; leka iko sengkurut ali ngaratn-Ku ali doho nyangkal iman-Ku bahkan ante zamatn Antipas, saksi-Ku se setia se watempate ba rokakng ko, wadah ontu duloi. ¹⁴ Leka, Aku ngiaiko koe naan sesenu ba rokakngko se baya ajaratn Bileam, se ngajar Balak agin ngandak sandungan ba muka anak pea Israel, gin kuman- pengokatn se wapersembahkan ampe berhala ali mengawi dosa-dosa seksual. ¹⁵ Semayo lou, naan sesenu ba rokakng ko se sengkurut ali ajaratn Nikolaus. ¹⁶ Koe sio, batobatdeh! Ena doho, Aku anta srek awi ampe iko ali memerangi reo li pedang anjak wowa-Ku. ¹⁷ Ise se naan telingo biardeh ngerongoi none se waontuh Roh ampe jemaat-jemaat. Gin ise se kuret, Aku anta ngumi manna se sensuyok; ali Aku anta ngumi gin ise erai watu ura, ali erai ngaratn wau tetulis ba watu sio, se doho seulutn pun ngetauine kecuali ulutn se nerimane.'' Surat ampe Jemaat ba Tiatira ¹⁸ "Ali, ampe malaikat jemaat ba Tiatira tuliskaneh: Inadeh pengontuh Anak Allah, se mato-Ne sara tarakng apui ali se po,o-Ne metarakng sara tembaga suakng perapuian: ¹⁹ Aku tau gawiatn-gawiatnko, tuasi ali imanko, pelayananko ali kesabaratnko, ali bahwa gawiatn-gawiatnko sepengawis ngelampaui se awal. ²⁰ Leka, Aku ngiaiko koe iko membiarne wawe Izebel sio, se ngaku agitn seulutn nabiah, ngajar li nyesatkan pelayan-pelayan-Ku agar berzina ali kuman pengokatn se ukah wapersembahne ali berhala. ²¹ Aku ukah ngumi ondro gin batobat, leka ise deah batobat ante zinane. ²² Otaulah, Aku anta menimbaikan ise pe ombo wadah turui penderitaan ali reo se berzina ali ise anta Kutimbaikan pe suakng kesusa'an olai, kecuali reo batobat ante gawiatn-gawiatn wawe sio. ²³ Ali, Aku anta tempate anak-anakne li pemate; ali ulep jemaat anta ngetau bahwa Akudeh se nguji pikiratn ali atei ulutn, ali Aku anta ngumi ampe iko masing-masing menurut gawiatnko. ²⁴ Leka, ampe ikopm se laitn ba Tiatira, se doho baya ajaratn situ, se balupm ngetau rahasia-rahasia Ontu, Aku ngontuh: Aku doho anta ngandak beban se laitn ba omboko. ²⁵ Leka, sengkurutdeh trus ali none se ukah ikomp puutn ampe Aku awi. ²⁶ Ali, ampe ulutn se kuret ali nggawi gawiatn-gawiatn Ku ampe gawis, Aku anta ngumi kuasa ombo bangsa-bangsa, ²⁷ ali reo anta nyuyu bangsa-bangsa sio ali tongkat wasi, wahansurkan berkeping-keping sara tembikar tukang periuk, koe Aku lou ukah nerima kuasa anjak Uma-ku. ²⁸ Ali, aku anta ngumi ampe ise bintang timur. ²⁹ Ise se naan telingo biardeh ngerongoi none se wa ontuh Roh ampe jemaat-jemaat."