¹ Seukah awisne situ, aku minda malaikat lain mange anjak surga, se naan kuasa se olai, ali bumi watarakngi koe kemuliaanne. ² Ise beseru ali nain se karas, ontuhne, "Lorak! Ukah lorak Babel se olai sio ! Ise ukah njari wadah duloi ontu-ontu ali penjara gin setiap roh najis , sarang ampe setiap jenis pempulu se moso ali se wagali. ³ Ena, awisne bangsa ukah mabuk anggur nafsu zinane, raja-raja ba bumi ukah berzina ali ise, ali pedagang-pedagang ba bumi njari sugih koe hawa nafsune se olai." ⁴ Lalu, aku krongoi nain laitn anjak surga ngontuh, " hai umat-Ku, pekualdeh antene agar iko doho terlibat suakng dosane ali doho nerima bencana se anta nimpane. ⁵ Ena, dosa-dosane ukah betumpuk ampe pe langit ali Allah ukah kesowot pelanggaran-pelanggaranne . ⁶ Perlakuan kota sio sama sara ise ukah memperlkukan, balaskan ampe ise rueh kali lipat ombo perbuatan-perbuatanne, ali suakng cawan se ise pakai agin mencampur, campurkanlah rueh kali lipat. ⁷ Sedeo ise ukah memuliakan ali ngumi kemewahan pe dirine dederai, umikandeh siksaan ali perkabungan ampe ise sedeo sio. Ena, ise ngontuh suakng ateine, aku tungoh sara seulutn ratu, aku doholah walu ali doho anta suah minda perkabungan.' ⁸ Koe sio, suakng erai ondro ka bencana - bencanane anta awi ampe ise, yaitu pemate, perkabungan, ali melau. Ise anta wasunakan ali apui koe Tuhan Allaj se menghakimi ise sio berkuasa." ⁹ Raja-raja ba bumi, se ukah berzina ali wolupm suakng kemewahan aliise, anta nyonyar ali meratapine saat reo minda atuk apui ropune, ¹⁰ sekondrokng oro-oro koe takut ampe siksaanne, ali nyonyar, "Celaka! Celakalah, kota se olai, Babel kota se kuat sio! Ena, suakng erai jam ka penghakimanko ukah awi! " ¹¹ Pedagang-pedagang ba bumi anta nyonyar ali bekabung agin kota sio koe beloh ulutn pun anta moli dagangan reo gane, ¹² yaitu amas, perak, permata, mutiara, kain linen halus, kain ungu, kain sutra, kain kirmizi, bebagai jenis barang ante kayu se mengut ewone, barang-barang se teulah ante gading ante kayu se larang, ante tembaga, wasi, marmer, ¹³ kayu mamis, rempah-rempah, mengut, mur, kemenyan, anggur, minyak, gelapung halus, gandum, sapi, domba, kuda, kereta, budak, ampe nyawa mersia. ¹⁴ Reo anta ngontuh, "Uwa se wakakanjiwako ukah wawai anjakko, awisne se mewah ali maeh ukah gawis anjakko, ali beloh watemukan gane." ¹⁵ Para pedagang-pedagang situ, se njari sugih koe kota sio, anta sekondrokng oro-oro koe takut ampe siksaan se waalami kota sio, sambil nyonyar ali bekabung. ¹⁶ Reo ngontuh, " Celaka! Celakalah kota olai sio, se bepakayatn linen halus; se maki kainungu ali kain kirmizi, ali berhiaskan amas, watu-watu pertmata, ali mutiara! ¹⁷ Ena, suakng erai jam ka, awisme kesugihan sio ukah wamusnahkan!" Awis nakhoda penumpang, awak kapal, ali awis ulutn se ncari nafkah anjak laut anta sekondrokng oro-oro, ¹⁸ ali berseru desukng reo minda atuk ropu kota sio, " Kota bonekah sara kota olai situ?" ¹⁹ Reo naburkan dabu pe utok reo ali berseru sambil nyonyar ali berkabung, ontuhne, " Celaka! Celakalah kota olai sio, se anjakne awis senaan kapal ba laut ukah njari sugih koe kelimpahanne! Ena, suakng erai jam ka, kota sio ukah waulah njari suni!" ²⁰ Bersukacitalah ombo ise, hai surga, hai ulutn-ulutn kudus, rasul-rasul, ali nabi-nabi! koe Allah ukah melatukan hukuman ombo kota sio peiko. ²¹ Lalu, erai malaikat se kuat ngangkat erai watu se olaine sara watu kilangan ali nimbaikanne pe laut ali ngontuh, " Sara siolah Babel, Kota olai sio, anta walatukan ali doho anta suah watemukan gane. ²² Nain para pemain kecapi, penyiwui suling, penyiwui trompet, ali alat musik lainne doho anta krongoi gane ba suakngko. Beloh pengrajin, se kate mulah awisne kerajinan, se anta watemukan ba suakngko. Nain penggilingan doho anta krongoi gane ba suakngko. ²³ Tarakng lampu doho anta metarakng mao ba suakngko. Nain pengantin upo ali pengantin wawe doho anta krongoi gane ba suakngko, koe pedagang-pedagangko iselah pengolai-pengolai ba bumi. Ena, awisne bangsa ukah wasesatkan koe sihirko. ²⁴ ali ba suakng kota sio watengkawong raya nabi-nabi, ulutn-ulutn kudus, ali raya awisne ulutn se aut wapate ba bumi."