¹ Kemudian, erai ante turu malaikat se ngurut turu cawan sio beparak ali bepander aliaku ontuhne, "pitulah, aku anta nunjukan aliiko hukuman agin pelacur olai sio, se tungoh ba ombo deo ranu, ² se ali ise raja-raja ba bumi berzina ali reo se duloi ba bumi aut mabuk koe anggur perzinahanne." ³ Malaikat sio ngoit aku suakng Roh pe padamg belantara, ali aku minda seulutn wawe tungoh ba ombo erai kukui binatang bebotik mea se ponu ali ngaratn-ngaratn hujat, se naan turu utok ali sepulu tanduk. ⁴ wawe sio makai pakayatn bebotik ungu ali mea se berhiaskan amas, watu-watu permata, ali mutiara. Ise ngurut erai cawan amas se ponu ali kekejian ali kemosoan perzinahaanne. ⁵ Pe raine, tetulis erai ngaratn, erai rahasia : ⁶ Aku minda wawe sio mabuk koe raya ulutn-ulutn kudus ali koe raya saksi-saksi Yesus. Desukng aku Ngotaune, aku kima heran beta. ⁷ Lalu , malaikat ngontuhb aliaku, Kenone iko heran ? aku anta ngontuh ali iko rahasia wawe sio ali rahasia binatang se wapombone, ali se beutok turu ali betanduk sepulu sio. ⁸ Binatang se iko otau sio suah naan, leka keletu ukah beloh, ali anta segera pekual ante jurang maut nuju kebinasaan. Ali, reo se duloi ba bumi, se ngaratnne doho tercatat suakng litab pemwolupm tanjak denia waciptakan, aku heran desukng minda binatang sio, se suah naan, leka keletu ukah beloh nan, ali anta timbul gane. ⁹ Hal situ ngebutuhkan akal ali hikmat. Turu utok sio iselah turu gunung se ombone wawe sio tungoh. ¹⁰ Turu utok sio lou iselah turu raja, dimo ba rokakngne ukah latu, erai raja kia naan, ali erai raja gane balupm awi, leka deukng ise awi, ise harus duloi dile ka. ¹¹ Binatang se bai suah naan, leka keletu beloh gane sio, iselah raja kewalu leka ise termasuk suakng turu raja ende, ali ise nuju kebinasaan. ¹² Kesepuluh tanduk se iko minda iselah sepuluh raja se balupm nerima pemerintahan, leka reo neruma kuasa sebagai raja seola erai jam ali binatang sio. ¹³ Reo naan tujuan se sama, ali reo ngumi kuasa ali wewenang reo ampe binatang sio. ¹⁴ Reo anta berperang ngelawan Anak Domba, leka Anak Domba anta ngalahkan reo koe Ise iselah Tuhan ombo awisne tuhan ali Raja ombo awisne raja ali reo se ali-Ise iselah se wa kiau, wapili, ali se setia." ¹⁵ Kemudian, malaikat sio ngontuh aliaku, "Ranu se iko otau, se ba ombone pelacur sio tungoh, iselah masyarakat, ulutn deo, bangsa, ali basa. ¹⁶ Kesepulu tanduk se iko otau ali binatang sio anta ngegali si pelacur. Reo anta mulahne terlantar ali blegeu, serta ngelahap dagingne ali nyuna ise ali apui. ¹⁷ Sebab, Allah aut ngandak hal sio ba suakng atei reo agin ncapai tujuan-Ne ali setuju agin ngumi kekuasaan reo pe binatang sio ampe firman Allah wagenapi. ¹⁸ Wawe se iko minda sio iselah kota olai se menyuyu ombo raja-raja ba bumi."