1 Aku minda tanda lain ba langit, se olai ali ajaib, turu malaikat se ngoit turu bencana, sesio bencana se pengawis, koe suakng keturu bencana siolah mara Allah wagawis. 2 Lalu, aku minda sesuatu sara lautan kaca begambuh apui ali reo se ukah ngalahkan binatang sio, patungne, ali angka ngaratnne, sekondrokng ba pinggir lautan kaca sio ali ngurut kecapi Allah. 3 Reo banyanyi nyanyian Musa, hamba Allah, ali nyayian Anak Domba: "Olai ali ajaib awisne gawiatn-Kopm, ya Tuhan, Allah Se Mahakuasa. Adil ali bujur awisne Lalatn-Kopm, ya Raja segala bangsa. 4 Ise poh se doho takut ampe-Kopm, ya Tuhan ali doho ngemuliakan ngaratn-Kopm? Sebab, ekat Ikopmdeh se kudus. awis bangsa anta awi ali nyembah ba muka-Kopm koe keadilan-Kopm ukah wanyatakan." 5 Seukah awisne hal situ, aku minda Bait allah, kemah kesaksian Allah ba surga, tebuka. 6 Turu malaikat se ngoit turu bencana sio pekual anjak Bait Allah, bepakayatn linen se ura ali bekilau, ali makai selempang amas ba dada reo. 7 Erai ante keopat makhluk ngumi ampe keturu malaikat sio turu cawan amas, ponu mara Allah, se wolupm ampe seol-olane. 8 Bait Allah waponu ali atuk ante kemuliaatn Allah ali ante kuasa-Ne; ali beloh seulutnpun kate sinop Bait Allah sebalupm turu bencana ante keturu malaikat sio turai.