¹ . Kandi Saulo akaasima okwitabwa kwewe. A yizooba eryo baatandika kuyiiga munongo ekanisa y'omuri Yerusalemu; boona baatatanira omu byaro bya Buyudaya na Samaria, okwiyawo entumwa zonka. ² . Abaseeza abakatiina Ruhanga baziika Stefano baamaririra munonga. ³ . Konka Saulo iwe yaaguma naasisa ekanisa naataga omuri buri nzu naakwata abaseeza n'abakazi, naabata omu cyome. Fillipo Okuza Samaria ⁴ . N'abw'ecyo abaatatene bagenda woona nibabuura ecigambo ⁵ . Fillipo yaasuma yaaza omu rurembo rwa Samaria yabura Kristo. ⁶ . Emitwe mingi y'abantu, ka baabere baawurire ebi Fillipo akugamba, baareba obumanyiso obwakukora babwikiriza n'omutima gumwe. ⁷ . Abw'okuba bengi ariibo abaabere barowo baadaimoni baakaba babarugawo nibaamuza munonga; kandi bengi abaabare bazingazingirwe, n'abaremire bakacizibwa. ⁸ . Abaawo okuseemerwa kwingi omu rurembo orwe. Ebya Simooni Omufumu. ⁹ . Kandi akaba arowo omuseeza akwetebwa Simooni, ayeebere akora eby'obufumu omu tauni ejo naatangaza iyaanga ry'Abasamaria, naayeyeta omuntu omukuru. ¹⁰ . Abantu boona okuruga amuto okwika amukuru bakaba bamutiina, nibagira bati: omuseeza ogu niwe maani ga Ruhanga ayetebwa Rugambwa. ¹¹ . bakaba bamutiina, abw'okuba akaba amazire omwanya muhango naabatangaza n'obufumu bwewe. ¹² . Konka ka bayikiriza Fillipo ayaababuririre ebigambo birungi eby'obukama bwa Ruhanga n'iziina rya Yesu Kristo, baabatizibwa abaaseeza n'abakazi ¹³ . Kandi Simooni nawe yayikiriza, ka yaamazire kubatizibwa, yaaguma na Fillipo ka yaarebere naakora obumanyiso n'eby'okutangaza bikuru yatangaara munonga. ¹⁴ . Kandi entumwa ezaabere ziri Yerusalemu ka zawurire ngu aba samaria bayikiriza ecigambo cya Ruhanga, zaabatumawo Petero na Yohaana. ¹⁵ . Nabo kabayicireyo baabasabira ngu bayerezebwe Omwoyo Akwera. ¹⁶ . akuba Omwoyo akaba atakayizire amuntu weena amuribo, kureka bakaba babatizibwa omu iziina rya Mukama wetu Yesu. ¹⁷ . Awonawo Petero na Yohaana babatawo engaro; baayebwa Omwoyo Akwera. ¹⁸ . Simooni, ka yaarebere bayerezebwa Omwoyo Akwera, abw'okutebwawo engaro z'entumwa, yaaziretere esente. ¹⁹ . naagira ati: Naanye mumpe amaani aga, weena owu ndatewo engaro ayeerezebwa Omwoyo Akwera. ²⁰ . Konka Petero yaamugarukamu ati: Efeeza yaawe ebure newe abw'okuba waatekateka kugura ecirabo cya Ruhanga n'esente. ²¹ . Toyine mugabo n'obu kwakuba okukwatanisa netwe omu cigambo eci, abw'okuba omutima gwawe tiguri kuringi omu meeso ga Ruhanga. ²² . N'abw'ecyo yetese obubi bwawe obu, osabe Mukama, saana akaakusasira ecitekateko ecy'omu mutima gwawe. ²³ . Nindeeba koori omu nduru ekusaarira n'omu nkomo z'obubi. ²⁴ . Simooni yaagarukamu yaagira ati: munsabire ari Mukama, byona ebi mwagamba bitampikawo. ²⁵ . Anyuma entumwa, ka zaamazire kuwanya ecigambo cya Mukama n'okucigamba zagaruka Yerusalemu, nizibuura engiri omu ndembo nyingi eza Abasamaria Okuyinduka Kw'Omunyesiopia Omukonwa ²⁶ . Mareeka wa Mukama yaagambira Fillipo ati; Imuka ogende arabe omuwanda gw'iyamba ogw'obucizi bwa buryo ogukusuuma, kuruga Yerusaalemu okwiika Gaaza. ²⁷ . Yayimuka yaagenda kandi akaba aroowo omuseeza omukonwa owa Esiopia, ow'obusoobozi bwingi, obu yaayerezibwa kandeke, omugabe kazi wa Esiopa, agaabere ari omubiki w'ebitu byewe byoona ogo akaba agenzere Yerusaalemu karamya. ²⁸ . Ka yaabere naagaruka awabo, asitamire omu kigari kyewe, naasoma ecitabo cya nabi Isaaya, ³⁰ Fillipo yacirukawo, yaamuyika yaawura naasoma omu citabo cya nabi Isaaya, yaamubuuza ati: Noosoborokerwa eby'okusoma? ²⁹ . Omwoyo yaagambira Fillipo ati: Yiika ecigari ciiri ogende nacyo. ³¹ . Yaamugarukamu ati: nimbasa nta, ntiine w'okunsoboora? Yaasaba Fillipo ngu atambe omucigari, asitame nawe. ³² . Kandi ecicweka ecy'omu byayandikirwe eci yaabere naasoma cikaba ciri eci ngu; Akatwaribwa kwitibwa nk'entaama Kandi nk'omwana gw'entama oku gw'iciza omu meeso g'omucyanuzi waago, Niiko ataarayasamwiire kanwa kewe. ³³ . Omu kugaarwa ansi kwewe bakamwitira omusango, omusango gwewe n'owa arigusobara? akuba amagara gewe geiwa omunsi ³⁴ . Omukonwa yaabuza Fillipo naagira ati: Ninkusaba onsoboore, nabi ogu akagamba ari owa? Akeegambawo, nari akagamba omuntu ondiizo? ³⁵ . Fillipo yaatandika kugamba nayija abyayandikirwe ebyo, yaamugambira ebya Yesu. ³⁶ . Ka baabere mibacigenda, bayika ameezi; omukonwa yaagira ati; Reeba , ameezi ngaga ecikunzibira kubatizibwa niiki? ³⁷ . Fillipo yaamugira ati; k'oraabe wayikiriza n'omutima gwawe goona, nicibasika, yaagarukamu ati; Ninyikiriza Yesu Kristo kari omwana wa Ruhanga. ³⁸ . Atyo yaaragiira ka beemereza ecigari; boona Fillipo n'Omukonwa baasuma omu meezi, yaamubatiza. ³⁹ . Ka baarigire omu meezi omwoyo wa Mukama yatwara Fillipo, Omukonwa tiyaagaruka kumureeba; kureka yaagumizamu yaagenda asemerirwe. ⁴⁰ . Konka Fillipo iwe yaasangibwa Azooto; anyima yaagenda naabuurira engiri omundembo zoona okwicya obu yaayikire Kaisarea.