¹ . Konka Saulo, ka yaabere naacigamba eby'okukangisa n'eby'okwita ebegi ba Mukama, yaaza ow'omunyamurwa omukuru, ² . Yaamusaba kawandikira sinagogi za Damasiko ebaruwa ngu, ka rasangeyo abarikwikiriza eby'emuwanda ogo yaaba abasseza nari abakazi, abatware Yerusaalemu baakomerweyo. ³ . Ka yaabere naacigenda yaayika yeei na Damasiko, omusaana gukaruga omw'iguru gwamuzwera gumweyinguriize, ⁴ . yaagwa ansi, yaawura iraaka nirimugira riti; Saulo, Saulo, nompiigira ci? ⁵ . yaagarukamu ati; ori owa Mukama wange? iwe ati; niinge Yesu ow'okuyiiga. ⁶ . yaatetema asobiirwe yaabuuza ati; Mukama wange, nooyenda ngu ngire nta? Mukama yaamugarukamu ati; imuka ataaye omu rurembo noyiza kugambirwa ebi osemerire kukora. ⁷ . Abaseeza abaabere nibagenda nawe baayemeera baawunamire, nibawura iraaka, konka batakureeba muntu. ⁸ . Saulo yayimuka ansi; ka yaabuzirwewo ameeso, tiyaweza kintu bamukwata omukono, baamutwara Damasiko. ⁹ . Yaamarayo ebiro bisatu atakureeba, kandi atakurya n'obu kwakuba okunywa. Anania Okubatiza Saulo. ¹⁰ . Kandi Damasiko akaba ariiyo omwegi akwetebwa Anania, Mukama weetu yaamugambira omu korekebwa ati; Anania! yaamugarukamu ati; Ndi ana mukama wange. ¹¹ . Mukama wetu yaamugira ati; imuka ozee omu muwanda ogukwetebwa ogugorokere obuuze enzu ya Yuda omuntu akwetebwa Saulo owa Tarus; akuba ati naasaba. ¹² . Kandi oreebere omu korekebwa omuseeza akwetebwa Anania nayiza kumutawo engaro ngu awumuuke. ¹³ . Konka Anania yaagarukamu ati: Mukama wange, nkawura bingi nibagamba amuseeza ogo ka yaakozere kubi munonga abarikwera baawe omuri Yerusaalemu; ¹⁴ . na mbwenu ayine obusoboorozi, obu yayire abanyamurwa abakuru, kubawo boona obakwikiriza iziina ryawe. ¹⁵ . Konka mukama yaamugira ati; irooko agende; akuba omuseeza ogo n'ecintu cyange eci ntorene okutwara iziina ryange omu meeso g'Abanyamawanga n'abagabe n'AbayiIsraeli, ¹⁶ . naanye ndimworeka obusasi bwingi obu asemerire kwemere abw'iziina ryange. ¹⁷ . Anania niiko kugenda, akataya omunzu ejo, akamalawo engaro, akamugira ati: ow'ise-mwe Saulo, Mukama weetu Yesu akweyorekere omu muwanda ogu oreeserwemu, yantuma ngu owumuuke oyizure Omwoyo Akwera. ¹⁸ . Awonawo ebintu ebiri nk'ebikoko byamuruga ameeso yawumuuka; yaayemeera, yaabatizibwa. ¹⁹ . ka yamazire kurya,yagarukamu amaani bwanyima yaamara ebiro bicye n'abeegi Damasiko. ²⁰ . Awonawo yaatandika kugamba Yesu omwiramizo, kwari omwana wa Ruhanga. ²¹ . Boona baamuwura baataangara nibagira bati; ogu timuseeza ayaabere anyangareze aba Yerusaalemu abaabere batakira iziina eryo? kandi ecyonicyo cibeere cimuresire nanu ngu abtware bakamerwe omu meeso g'abangamurwa abakara. ²² .Konka Saul yaayeyongera kutunga amaani, yakwaca ensoni abayudaaya ababeere batwire Damasiko, naahamiza cimwe Yesu kari Kristo. Saulo Okuwungira Yerusaalemu N'okureeba Entumwa. ²³ . Ebiro bingi ka byayingwirewo, Abayudaya bacuma enaama y'okumwita; ²⁴ . Konka enaama yaabo Saulo yaagimananya baamugwera amarembo omu musana nomuciro, ngu bamwite; ²⁵ . Konka abeegi beewe baamutoroca omuciiro baamugonoora arugo rw'amabaare, bamwesumiza omucigagara. ²⁶ . ka yaayikire Yerusaalemu yaagezawo kweyicya abeegi; konka boona baamutiina tibayikiriza kwa ari omwegi. ²⁷ . Konka Barunaba yaamutwara, yaamwicya entumwa, yaabasoboora oku yaarebere Mukama aciiri omu muwanda, Mukama akagamba nawe, kandi n'oku yaaburiree n'obumanzi omu iziina rya Yesu omuri Damasiko. ²⁸ . yaaguma naabungira ab'omuri Yerusaalemu. ²⁹ . naaburiza nobumanzi omu iziina rya Mukama kandi yaawakanisa Abahelenesi; nabo baronda oku baramwite. ³⁰ . Ab'ise-mwe ka bacimanyire bamutwara Kayisarea baamusindika Turuso. Petero Okuciza Ainea ³¹ . N'abw'ecyo ekanisa y'omuri Buyudaaya yoona na Galilaaya na Samaria yaagira obusiinge yaayamibwa; abantu baayeyongera kukanya nibagendere omu kutiina Mukama, bahangenwe Omwoyo Akwera. ³² . Omu biro ebyo Petero, ka yaabere naabungira woona, yagonoka, yaabungira n'abakwera abaabere batwire Lauda. ³³ . yaasangayo omuseeza akwetwa Ainea ayaabere amazire emyaka munana abyamire acitanda abw'okuzingibwazingibwa. ³⁴ . Petero yaamugira ati; Ainea, Yesu Kristo yaakutambira; imuka oyesasire. Awonawo yayimuka. ³⁵ . Abaabere batwere Lauda na Sarooni boonaka baamurebere, bayindukira Mukama. Petero Okuzoora Tabisa ³⁶ . Omuri yoopa akaba arimu omwegi akwetebwa Tabisa, amakuru gaaryo ni Doruka, nari Esirabo; omukazi ogo akaba akora emirimo mingi mirungi n'eby'embabazi eby'okuyamba abooro. ³⁷ . omu biro ebyo akarwara yaafa ka yab'amazire kufa omurambo gwewe baagubyamisa omuri kanyina ibiiri. ³⁸ .Kandi abwa Lauda kuba yeeyi na yoopa, abeegi ka baawurire ngu Petero niyo ari baamutumawo abaseeza babiri baamwesengereza nibagira bati; Orahuke oyiize otureebe. ³⁹ . Petero yayimuka yaagenda nabo kayaayikireyo baamutembesa omuri kanyina ibiri n'abafakazi boona beeza bamwemera yeeyi nibaara, nibooreka amakanzu n'emyenda ebi Doruka yakozere acirowo. ⁴⁰ . Petero yaabasowoza yaasimba amazu yaasaba; yaayindukira omurambo, yaagira ati; Tabis imuka yaawumuura ameeso, ka yaarebere Petero, yaasitama. ⁴¹ . Petero yaamuwa omukono yaamwimucya, yaayeta abakwera n'abafakazi yaamuboreka awurire. ⁴² . Ecyo cyamanyibwa omuri Yoopa yoona; bengi baayikiriza Mukama. ⁴³ . Anyima yaamara ebiro bingi omuri yoopa omu nzu ya Simooni omuwazi w'empu. Mareeka okubonekera korunerio