¹ Awo omukama waiswe yategeire nga Abafalisaayo bawulire nti O Yesu ayegesya era nti abatiza baingi okusinga OYokaana. ² . (naye OYesu owanyene tiyabatizire wabula, abegesebwa bamwe). ³ . Nazwa omu Buyudaaya, Nayaaba e Ggaliraaya yeete. ⁴ . Era kyamusanire okwa'kala omusamaliya. ⁵ . Awo olwaikire omukibuga ekya Samaliya, kye beeta Sukali, Ekiraampi no Lusuku OYakobo lwe yawaire omwana wa Yusufu. ⁶ . Era mwalimu Eizuuba lya Yakobo. Awo OYesu yali akeerwe olugendo, Yamare naikala okwiizuuba, nga essawa mukaga. ⁷ . Omukazi omusamaliya yaizire okusena amaizi; OYesu namukoba nti mpa nnywe. ⁸ . Kubba abagereswa bamwe baali babire mu kibuga okugula emmere. ⁹ . Awo omukazi omusamaliya namukoba nti me omuyudaaya, kiiki ekikusabisya okunywa edi njje omukazi omusamaliya, "Kubba Abayudaaya nga tibegaita na Basamaliya". ¹⁰ . OYesu nairamu nakoba oti singa obaire omaite Ekisiimo kya Kanca no'yo akukoba oti mpa nnywe bwali, we wandimusabire, yenna yandikuwaire amaizi agasai. ¹¹ . Omukari namukooba nti musaiza tolina kya kusenesya, neizuuba linamulai, kale oyi'yaayi amaizi ago agasai? ¹² . We oli omukulu okusinga ozeizza waiswe oyakabo, eyatuwaire eizuuba rinni, yanyangamu nabaana bamwe nebisolo byamwe. ¹³ . OYesu yeiremu namukoba nti buli muntu yenna anywa amaizi gani amaalo galimuluma yeete! ¹⁴ . Naye anywa amaizi ago, njje gendi muwerya amaloo tegalimulumira kiimwe Emirembe zona, naye amaizi ge ndimuwa galifuuka omunda yamwe eizuuba lyamaizi nga gakupompo ka okwiikya ku'bwoomi obutaliwawo. ¹⁵ . Omukali, namukoba nti musaiza, mpa amaizi ago, Amaloo galeme okundumanga no'kulekerawo, ndekere okutambula olugendo luni olwiingi okusenanga. ¹⁶ . OYesu namukoba nti yaba oyeete oibaawo aize ani. ¹⁷ . Omukazi nairamu namukoba nti tinina bange. OYesu namukooba nti obazire kusaai nti tolina Ibaawo" ¹⁸ . Kubba wali nabaibawo batanu, naye gwolinayee aati tiniye Ibaawo, ekyo kyo' baazire mazima. ¹⁹ . Omukazi namukoba oti musaiza, nkubona oti oli nnabbi. ²⁰ . Abazeizza, baiswe Baramiryanga ku lusozi luni, nanywe mukoba oti Yerusalemi, nikyo kiifo ekisanire okuramiriamu. ²¹ . OYesu namukoba oti mukali, nyikiriza, ebiro bakwiiza bye tutaliramirangamu oyiitawaswe ku lusozi luni wadde ne Yerusaalemi. ²² . Nywe muramya kye mutamaite,Iswe turamia kye tumaite, kubba obucunguri Buzwa mu Buyudaaya. ²³ . Naye ebiro bikwiiza, erate biikire, abaramya amazima nimwo baramayanga. Oyiitaiswe aswagana abaali nka'bo okubanga abakumuramayanga. ²⁴ . OKanca niyee mwoyo; na'bo abamuranya kibasaniire okuramiyanga mu'mwoyo na'mazima. ²⁵ . Omukazi namukoba oti mmaite nga OKristo akwiiza (gwe beeta eyasukibweku amafata). Naliizza alitukobera ebigambo byonna. ²⁶ . OYesu namukoba oti ninjje oni akubazza naawe. ²⁷ . Amangu ago abegereswa bamwe baiziire, ne beewunya kubba abaiire nakubazza no'mukazi; naye ndowo muntu eyakobere oti okuswaganaki? Oba oti kiiki ekikubazisiye naye? ²⁸ . Awo omukazi naleka ensuwa yamwe nayaaba omukibuga, nakoobera abantu oti. ²⁹ . Mwiize mubone omuntu ankobeire bye nakolanga byonna; ayinza okubba nga niye OKuristo? ³⁰ . Ne bazwa omukibuga, ne baizza gyali. ³¹ . Omubiiro abageresebwa baali nga bakumwegayira nga bakooba oti Nabbi lya. ³² . Naye nabakoba oti nninawo ekyakulya kye ndya kye mutamaite. ³³ . Awo abegeresebwa ne babazza bonkai na'bonkai oti waliwo omuntu amuleteyire ekyakulya? ³⁴ . OYesu yabakobere nti ekyakulya kyange nikwo kukola eyantumire byayendya nnyikirye omulimu gwamwe. ³⁵ . Nnywe temubazza nti esigayireyo Yokaana emyezi innayi okukungula leeke lwiike? ³⁶ . Akungula aweebwe empeera, nakumbannya ebibala olwabwoomi obutawawo, asiga nakungula basanyukire ammwe. ³⁷ . Kubba ekigambo kini ne kiri nimwokityo ekyamazima oti asiga wondi, nakungula wondi. ³⁸ . Nnjje nabatumire okukungula kyemutakolereire abandi bakoore emirimu, nannywe muyiingire emirimu zabwe. ³⁹ . Abamu kibuga omwo Abassamaliya baingi ku abo abaamwikirize olwakigambo, kya mucunguri, eyatukobeere oti Nnkobere bye nnakolanga byonna. ⁴⁰ . Awo Abassamaliya mbaikira mu yaali ne bamwegayiire abbe nabo, nasuulayo ennuka Ibiri. ⁴¹ . Bayingi muno nebeyongera okwikiriza olwa kigambo kyamwe. ⁴² . Ne bakooba omukazi oti, aati twikirize, ti lwa kubazza kwamu kwonkayi tutegeyiire nga mazima oni niyee mulokozi wansi. ⁴³ . Ennaku ezo ibiri ni zayakairewo, nazwayo nayaaba e Ggaliraaya. ⁴⁴ . Kubba OYesu owanyene yakobere oti onnabbi omunsi yawaawabwe tebamutamu kitinnisya. ⁴⁵ . Awo niyaikire e Ggaliraaya, Abagaliraaya ne bamusemberya, mba boine kubba bayabire okumbaga. ⁴⁶ . Awo naizza yeete, e Kanna ekya Ggaliraaya, jje yafukirye amaizi envinnyo. Era waliyo omukulu wa Kabaka, eyalino omwana wamwe owabwoojo eyali mulwayire mu kaperunawumu. ⁴⁷ . Oyo ne yawulire oti OYesu azwire e Buyudaaya nga Ayiikire e Ggaliraaya, awonye omwana wamwe, kubba yali nakwaba kwafa. ⁴⁸ Awo OYesu namukoba oti netulibona obubonero, nebyamagero temulikiriza nakadyoli. ⁴⁹ . Omukulu nakoba oti musaiza serengeta omwana wange nga akyali kufa. ⁵⁰ . OYesu namukoba oti yaaba, omwana wamu mwoomi. Omuntu oyo yaikirize ekigambo OYesu kyemukobere, nayaba. ⁵¹ . Ni yali nga'akyaserengeta, abairu bamwe ne nebamutangarana nebamukoba oti omwana wamu mwoomi. ⁵² . Awo nababuliya ebissera byeyawoneiremu. Awo ne bamukoba oti lyali izzo mukiseranga esaawa ya musanju omusujja nigowoona. ⁵³ . Awo oyiitowamwe yategeire oti omusaawa eyo OYesu niija yamukobeire oti omwana wamu mwoomi! Nayee naikiriza ye nennyuba yamwe yonna. ⁵⁴ . Kini nikyo kimanyisya (akabonero) akakabiri yeete OYesu ke ya koore ne yazwiire e Buyudaaya okwiiza e Ggaliraaya. 5