¹ Oluvanyuma lwebyo ni waaba embaga yabayudaaya; Yesu naninna oku Yerusaalemi. ² . Baitu omu Yerusaalemi owali omulyango gw'entaama waaliwo eizuba lye beeta Omulwebulaniya Besesuda, nga kiriku engango etaanu. ³ . Mwebyo mwabaisangamu ekibiina kyabalwaire, abaigali bamaiso, abalema, abondi, nga bakumiirya amaizi okutumbeera. ⁴ . Kubanga emalaika yaninukanga omwizuba omubiseera ebimwe netumbya amaizi: oyo eyasokannga okwabamu, ng'amaizi gamaare okutumba yakiranga obulwailebwe yabanga nabo. ⁵ . Ne wabawo omuntu eyali n'endwaile nga gamaare nayo emyaka amakumi asatu na munainai. ⁶ . Yesu bweyaboine oyo abasirye niyetaja nga amaare ebiro bingi n'amukoba nti okwendya okuba omwonmi. ⁷ . Omulwaire namwiramu nti tindina muntu okumpuma omwizuba amaizi we getekera nje wenjizira, owondi aba sokeremu okugwamu. ⁸ . Yesu n'amukoba imuka, wetike ekitanda caamwe otambule. ⁹ . Amangu ago omuntu n'aba mwonmi ne yetika ekitande caamwa, n'atambala, naye ekiro ekyo lwali lwa ssabbiti. ¹⁰ . Awo Abayudaaya nebamukoba nti oyo owonyezeibwe nti olwati lwa ssabbiti, muziro gwamwe okweetika ekitanda caamu. ¹¹ . Yena namwiramu nti odi eyamponerye niyeyankobele nti netike akitanda cange ntambule. ¹² . Ne bamubuulya nti omuntu oyo niye nani eyakukobelenti weetike ekitanda ekyo otambule. ¹³ . Naye eyawonerenga nga tamaite bwali; olwokuba Yesu yali amaare akwaaba abantu abali omukifo kidi nga baingi. ¹⁴ . Oluvannyuma lw'ebyo Yesu n'amubona omu yeekaalu, namukoba nti bona, oli mwonmi tosinga ate, kigambo ekisinga obubi kiremenge kukubaku. ¹⁵ . Omuntu oyo n'ayaba okubulira Abayudaaya nti OYesu niye yamponerye. ¹⁶ Awo Abayudaaya nikyo bazwire nebaiganya OYesu kubanga yokole ebyo oku ssabbiti. ¹⁷ . Awo OYesu nabairamu nti oitange akola okwica mpaka ati, nanje nkole. ¹⁸ . Awo Abayudaaya nikyo bazwire beyongera okuswanga amagezi okumwita kubanga tasoberye ssabbiti yonkai, era yena yeyetere OKanca nti Itamwe, nga akwefula akwenkanankana Okanca. ¹⁹ . Awo OYesu nairamu n'abakoba nti Ddala ddala mbakoba nti omwana tasobola yenkai kukola kintu, nga taboneirye kwitamwa nka bwakola nkaye bwakola byonna, n'omwana nibyo akola atyo. ²⁰ . Kubanga oitange ataka omwana, amubona byonna byakola ye omwinyini; erate alimulanga emirimu ezikooto ezisinga ezo mumwewunye. ²¹ . Olwakuba oitange naimboca abafu nabawa obwomi atyi n'omwana abawa obwomi bonna bw'akwendya okubawa. ²² . Kubanga oitange tasaara taganyira muntu musango, naye yena yawaire omwana akusala omusanga gwoona: ²³ . Bonna batengemu omwana ekitinisa, nka bwebakita omwitange ekitinisa, atatamu mwana kitinisa, aba takutamu kitinisa Itamwe eyamutumile. ²⁴ . Ddala ddala mbakoba nti akuula ekigambo cange, n'akiirya oyo eyantumile, alina obwonmi obutawawo, erate talirya mmusaango, baitu nka azwire omukufa okwika omubwomi. ²⁵ . Ddala ddala mbakoba nti ekiseera kikwiza erate kilowo atiatibuni abafu ne baliwura eiraka lyamwe wa Kanca, n'abo abaliwura baliba bonmi. ²⁶ . Kubanga oitange bwalina obwonmi omuye atyo nimwo bwe ya waile omwana okuba nobwonmi omuye: Yokaana ²⁷ . Era yamuwaire obuyinza okusala omusango, kubanga ye mwana w'amuntu. ²⁸ . Mutewunya ekyo; kubanga ekiseera kikwiza bonna abali omu magombe ni baliwura lyamwe, ²⁹ . ne muzwamu abo abakolanga abisai baliyimbokera obwome omusango. ³⁰ . Nje tinsobola kukola kintu kulwange: nka bwe mpuura nimwo nsala; no musango gwamwe nsala gwa nsonga; kubanga tinswaga bye ntaka nje wabula eyantumire nibyo ataka. ³¹ . Nje nnenekobera ebyange nje okwekobera kwange ti kwa mazima. ³² . Waliwo owondi akwekobera ebyange; nanje nmaite nti ebyange byakutegeza byamazima. ³³ . Nnywe mwantumire OYokaana yena nanyeta amazima. ³⁴ . Baitu okweteja kw'amuntu tikwikiriza nje: baitu nkubaza ebyo nnywe mulokoke. ³⁵ . Oyo yali ttawazza eyaka emasamasa, nnywe mwatakire ebiro biro bidooli okusanyukira ekitangara camwa. ³⁶ . Naye okweteja kwenina nikwo kukulu okusinga okwa Yokaana; kubanga emirimu oitenge ziyampaire okwikirya, emirimu gyenyini ejo jenkola, nijo gimanyisa nga oitange bwe yantumire. ³⁷ . Erate oitange eyantumire oyo niye ategera ebyange temwawulire dobozi lyamwe nakadoli, gonze ekifananyi kyamwe. ³⁸ . Naye temulina kigambo camwa nga kikuba munnywe kubanga oyo niye gwe yatumire tumwikirize. ³⁹ . Muswagana omubyawandikibwe, kubanga nnywe mulowoza nti omubyo mulina obwoomi obutawawo nebyo nibyo byetagisa ebyange. ⁴⁰ . Era temukwendya kwiza gye ndi okuba nobwomi. ⁴¹ . Timpeebwa bantu kitinisa. ⁴² . Naye mbetegyerye nnywe okwendya kwa Kanca tekubalimu. ⁴³ . Nje naizire mwibala lya Itange, naye temunsemberyanga wondi; naliza omwibala lyamwa okubwomwa muli musemberya. ⁴⁴ . Nnywe muyinza mutya okukiriza nka bwe mukwendya okuwebwa ekitinisa nnywe nkaina nnywenkai no mutaswagane kitinisa ekikuzwa eri OKanca ali omwayenkai? ⁴⁵ . Mutalowoza nti ninje ndibalopayo edi oitange aliyo obayengera niye Musa gwe musubira. ⁴⁶ . Lwa kuba singa naye mwikiliza Musa, naje nimutamwikirizaoyo kubanga yampandireke njenna. ⁴⁷ . Naye no mutamwikiriza oyo byeyawandikire, mulikiriza mutina abigambo byange?