¹ Awo waliwo omuntu owa mu Bafalisaayo, eibara lyamwei Nikoodeme omufuzi omu Buyudayo. ² . Oyo naiza jali obwire, namukoba ati "Labbi, tumaite nti oli mwegesya eyazwire edi Okanca: kubanga ndoowo muntu ayinza okukola bubonero buni bwo kola we, okwiyanku nga Okanca ali naye?" ³ . OYesu namwiramu namukoba ati "Ddala ddala nkukukoba nti omuntu natabyalibwa murundi gwa kabiri tasobola kubona bukama bwa Kanca". ⁴ . Nikodemo namukoba ati, "Omuntu asobola atya okubyalibwa nabanga mukaire? Asobola okwingira omukidda kya maamwei nabyalibwa omurundi ogwakabiri? ⁵ . OYesu namwiramu ati, "Ddala ddala nkukukoba nti omuntu natabyalibwa maizi na mwoyo, tasobola kwingira mubukama bwa Kanca. ⁶ . Ekibyalibwa omubiri kibba mubiri, ne kibyalibwa omwoyo kibba mwoyo. ⁷ . Tewewunya kabanga nkukobere nti kibagwanire okubyalibwa omurundi gwakabiri. ⁸ . Ompungo awungira jakwendya nowuura okuwuuma kwamwei, naye tomanya jakuzwa, gonze jakwaba; nemwo atyo nabba buli muntu yenna yenna abyalibwa omwoyo." ⁹ . Nikoodemo nairamu namukoba ati, "Ebyo bisoboka bityai okubawo?" ¹⁰ . OYesu namwiramu namukoba ati, "We omwegesya wa Isiraeri, notomanya ebyo? ¹¹ .Ddala ddala nkukukoba nti Tubaza byetumaite, tutengeza kye twabweine, naye temwikiriza kutegeza kwaiswe. ¹² . Ne bakobeire ebyansi, nemutaikiriza, mulikiriza mutyai nebankobeire ebya mwiguru? ¹³ . Ndoowo muntu eyali aninireku omwiguru, wabula eyazwire omwiguru, niye mwana wamuntu. ¹⁴ . Nka OMusa neyawanikire Ompiri omwiruggu, nemwo kityo nomwana wa muntu kimugwanire okuwanikibwa. ¹⁵ . Buli muntu yenna yenna amwikiriza abe nobwomi obutawawo omuye." ¹⁶ . "Kubanga Okanca niyayenderye ensi atyo nokuwayo nawayo omwana wamwei eyabyalibwe omwei yeika, buli muntu yenna yenna amwikiriza aleme kubula, naye abe nobwomi obutawawo." ¹⁷ . Kubanga OKanca teyatumire mwana wamwei munsi, okusaara ensi omusango, naye ensi ecungukire okuye. ¹⁸ . Amwikiriza tegumusinga; atamwikiriza gumara okumusinga, kubanga taikiriza eibara lya mwana eyabyalibwe omwei yenkai owa Kanca. ¹⁹ . Gunni nigwo musango kubanga eisana rizire omunsi, abantu nibedya omulikirya okusiga eisana, kubanga ebikolwa byabwei byali bibbi. ²⁰ . olwokuba buli muntu yenna yenna akola ebitasanira akyawa eisana, naye taiza edi eisana, ebikolwa bamwei bireme kunenyezebwa. ²¹ . Naye akola amazima aiza eri eisana ebikolwa byamwei bibunike nga byakoleibwe mu Kanca. ²² . Oluvannyuma lwe ebyo OYesu naiza nabangeswa bemwei omunsi ya Bayudaaya; nalwayo nabo, nabatizza. ²³ . Naye OYokaana yalinga abatiriza omu Enoni ampi ne Salimu, kubanga nijjo jiwali amaizi againgi, nebaizanga nebabatizibwanga. ²⁴ . olukuba OYokaana yalinga akyali kutekebwa mwikomera. ²⁵ . Abagereswa ba Yokaana nomubuyudaaya ne bamba nempaka, omu bigamba ebya kutukuza. ²⁶ . Nebaiza eri OYokaana, nebamukoba nti "Labbi odi eyali naawe enseeri wa Yoludaani, niye gwewategezanga, bona, oyo abatizza, nabantu bonna bonna ababa jali". ²⁷ . OYokaana nairamu nabakoba ati, "Omuntu tasobola kubba na kintu kyona kyona kuiyaku nga kimuwerebwe okuzwa omwiguru. ²⁸ . Nywe abennyini muli bajulizi bange nenabazira nti tinije Kristo, naye nga natumibwe kumukulembera. ²⁹ . Alina omugole niye awasire, naye omukwano gwamwei oyo akuwasa, ayemeera nga akumuwulirya asanyukiramuno eddoboozi lyayo awasire, kale eissanyu lyange lyoyo rikirire. ³⁰ . Ye kimugwanira okukula, naye nje okutoowala". ³¹ . Azwa omwiguru niye afuga byonna byonna; owa munsi abba wa munsi, abaza byamunsi, Azwa omwiguru niye afuga byonna byonna. ³² . Kyeyabweine era kye yawulire nekyo kya batengeza, naye ndoowo muntu aikiriza kyategeza kwamwei. ³³ . Aikiriza okutegeza kwamwei nga ataireku akabonero kamwei nti Kanca wa mazima. ³⁴ . Kubanga OKanca gwe yatumire abaza bigambo bya Kanca, kubanga OKanca amuwa Omwoyo wamwei aizwire. ³⁵ . Oitaiswe eyayenderye omwana, era yamuwaire byonna byonna omu mukono gwamwei. ³⁶ . Aikiriza omwana alinna obwomi obutawawo, naye atamwikiriza omwana, talibona bwomi, naye obusungu bwa Kanca bulibba kuniye.