¹ . Olwakubba tikinetaagisa okubawandiikira te ebya baikiiri . ² Olwakubba mmaite nka muli baculeeri okuyamba, ekyo nikyo nkubenyumiryaamu edi aba Makedoni oku lwanywe nka nkubakoba nti, Abamu Akaya betegekere okuzwera kimwei omu mwaaka ogwa’yakaire. Erate okunyinkiira kwanywe kwa kubiriize bainji omu bwo. ³ . Baitu nkutuma abaluganda ji muli okwe nnyumiirya kwaiswe oku lwanywe leke kuleme okubba okwa bwereere omu kigambo ekyo; wazira mubbe nka mukulindiirya nka ni nsimoire. ⁴ Tikulwa nka abamwe oku ba Makedoni baliiza nanje, balibaajja nka timwetekeretekere, iswe nitutasimoola oku kuswaala kwanywe ni tukwatibwa ensoni olwa bwesigwa bwe twalinabo omu nywe. ⁵ Erate ndowooza nka kikunetaagisya okwegayiira abaluganda bankulembere okwiiza ji muli bateeketeeke ekisembo ekyo, ki mwalaganisirye kyajibwe nka kiteekeibwetekeibwe lwa kwesiimira, baitu nka ti lwakuwaliriza. ⁶ . Baitu kinsimoire kinu, nti asigga akadooli, alikungula kadooli, erate asigga eziinji, alikungula ziinji. ⁷ . Buli muntu akolenge nka naabba amaliriire omu mwooyo gwaamwe.Baitu ti lwa nnaku gonze okuwalirizibwa: olwakubba oKanca ayendya muno oyo agaba neissanu. ⁸ . Erate oKanca, ayinza okweerya ekisa kyoona kyoona ji muli; nywe nka mulina byoona byoona ebikubamala ebiro byoona omu bigambo byoona byoona leke mwakaliriryenge omu bikolwa ebisai. ⁹ Nka ni kyawandikiibwe kiti, yasansainye,yagabiire abworo; obwikiiri bwaamwe bwa miijo na miijo. ¹⁰ . Erate oyo aweerya ensigo omulumi n’eemere eya kulya, yabaweryanga,erate yabongerangaku ensigo zaanywe, erate yayalyanga ebibala ebya bwikiriri bwanywe. ¹¹ Mwa guduwalanga omu byoona byoona leke mugabenge muno, okwakala omwiswe oKanca yebazibwenge. ¹² . Olwakubba okugaba okwakuwereza okwo tikwizula mbbe bwizuli omu kigero kyebyo abaikiiri bye bakwendya,erate baitu okwakalirirya olwa kwebalya okwiinji edi oKanca. ¹³ Olwakubba olwa kukemembwa kwanywe omu kuweereza kunu bayangiriza oKanca olwa bugondu bwa kwatula kwanywe edi enjiri ya Kristo, n'olwa bugabi bwanywe edi badi na bandi boona boona. ¹⁴ Erate bo bonkai nka bakubalumirwa nnywe, n’okubasabira olwa kisa kya Kanca ekitasingika omu nywe. ¹⁵ . OKanca yebalibwe olwa kisembo ekitakobekeka.