¹ . Erate tukubamanyisya, ab’aluganda, ekisa kya Kanca ki yalangire aba’Maramyo ga mu Makedoni. ² . Omu kubonabona kwaabwe okwagezeserye omuno eisanu lyaabwe eryayakaliriirye; no bwooro bwaabwe abwayakaliriirye,byombi byayakaliriirye omu buguuda obwa bugabi bwaabwe obwanjulukuki. ³ . Olwakubba,nkutegeeza nka bo baagabire okusiinziira okubusoboli bwaabwe,nkakasa nka basingire nawo ⁴ . Batusabire n’okwegayiira okwinji baikkirizibwe okwegaita naabo abajjuna abaikiiri. ⁵ . Erate baakoore ki naali tinkulowooza,baitu basookere kwewaayo bonkai edi oKanca waiswe, nejiiswe omu kwendya kwa Kanca. ⁶ . Nikyo twazwire tusaba oTito,nka ni yatandikire eirai omulumu ogwo ogwa kisa, aize agumaliirye erate omu nywe. ⁷ . Baitu,nka ni mwakaliriirya omu byoona byoona,omu kwikkiriza,n’omu kusimoola,n’omu kweteja, n’omu kufuba koona koona,n’omu kwendya kwanywe jituli,erate musukirirenge n’omu mulumo gunu ogwa kisa. ⁸ . Tinkusimoola nka akubaduumira mbbe,wazira olwa kufuba kwa bandi, nka nkugezesya okwendya kwanywe nka kwa mazuma. ⁹ Olwakubba mu maite ekisa kya Mukama waiswe oYesu Kristo, nka niyaali omuguuda, baitu nafooka omworo oku lwanywe, obworo bwaamwe leke bubaguduwalye nywe. ¹⁰ . Okusonga enu nkubawa amagezi, kisingaku ati okumaliirya ki mwatandikire omwaaka ogu mwei ogw'ayakaire, baitu tikukola kwonkai, erate baitu n’okwendya. ¹¹ Nimwo mbbe, mumaliirye omulumo gwe mwatandikire,okwendya kwaanywe kwe mwalangire omu kusooka kwiisane ati okuwaayo kwanywe, mukole nka kimuli nakyo. ¹² Niwabba nka walowo ki mu kwendya okukola, kiikkirizibwa okusinziira oku muntu kya linakyo, baitu tinga kyatalina. ¹³ . Olwakubba tinsimoire ntyo,abandi bawumuzibwe,erate nywe mutawanyibwe: ¹⁴ . wazira. Olwa kwenkanankana,nywe bimulinabyo ebiinji omu kiseera kinu,bibajunenge abo omu kwendya kwaabwe. Erate ebyaabwe bibalibba nabyo ebiinji,biribajuna nywe omu kwendya kwaanywe,okwekanankana kubeewo; ¹⁵ nka ni kyawandikiibwe kiti, eyakumbanianga ebiinji,tiyasigalyangawo; baitu eyakumbanianga ebidoola,tiyetaaganga te. ¹⁶ . Baitu oKanca yeebalibwe,eyawaire oTito omwooyo ogubalumirwa. ¹⁷ . Olwakubba tiyakomere ku kwikkiriza mbbe ki twamusabire; baitu ye yenyenere omu kufuba aiza jimuli kulwaamwe. ¹⁸ . Baitu, tukumusindika n’owaluganda ayangirizibwa omu njiri omu Maramyo goona goona olwa mulumo gwa kukoba enjiri. ¹⁹ Baitu tinikyo ekyo kyonkai, erate niye yalondeibwe Amaramyo okutambula naiswe, olwa kisa ekyo, kituweereza iswe, Omukama waiswe aweebwe ekitinisya. Erate tulange okwendya kwaiswe amaangu: ²⁰ . nga twewala omuntu yeena yeena obutatujunaana olwa kirabo kinu kituweereza iswe. ²¹ .Olwakubba tuteekateeka ebisai, timu maiso ga Mukama waiswe mwonkai, erate n’omu maiso ga bantu. ²² Erate tte tukubatuma amwe, n’omuganda waiswe, gwe twagezesyanga emirundi eziinji omu bigambo ebiinji nka munyinkiiri, baitu ati munyinkiiri muno okusingawo. ²³ . Baitu oTito ye, aisa kimwe nanje, erate niye mukozi mwirange omu buweereza bwange jimuli. Erate, baitu abaganda baiswe abo, nibo bakwenda ba’Iramyo, abo nibo kitinisya kya Kristo. ²⁴ Ale omu maiso ga Iramyo, mubalange ekikasa okwendya kwanywe n’okwenyumiriza kwaiswe oku lwanywe.