¹ Banywani, nka ni tulina ebisuubizo ebyo, twenabyengeku obugwaagwa boona boona obw'amubiri n'omwooyo, nka twikiirya obwikiiri omu kutiina oKanca. ¹ . Erate tukubamanyisya, ab’aluganda, ekisa kya Kanca ki yalangire aba’Maramyo ga mu Makedoni. ² . Omu kubonabona kwaabwe okwagezeserye omuno eisanu lyaabwe eryayakaliriirye; no bwooro bwaabwe abwayakaliriirye,byombi byayakaliriirye omu buguuda obwa bugabi bwaabwe obwanjulukuki. . Olwakubba,nkutegeeza nka bo baagabire okusiinziira okubusoboli bwaabwe,nkakasa nka basingire nawo . . Batusabire n’okwegayiira okwinji baikkirizibwe okwegaita naabo abajjuna abaikiiri. ³ Tinsimoire kubanenya: olwakubba nasimoire irai nka muli mu mitima jaiswe okufiira amwe nanywe n'okubba abwoomi amwe nanywe. ⁴ Nsimoola n’obugumu bwinji jimuli, nenyumiirya muno oku lwanywe: nyizwiire muno okusemeerwa, nyakaliriirye okusagaruka gonze nka twakala omu bibonobono. ⁵ . Olwakubba, erate nitwaizire omu Makedoni, omubiri gwaiswe nigutabona kuwumula n'akaddooli,baitu nitugadiragadira eruda n’eruda, enzai waaliyo entalo,erate omunda mwalumu okutiina. ⁶ . Baitu asemeerya abasobeirwe, niye oKanca, natusemeerya iswe, olwa kwiiza kwa Tito. ⁷ . Ale tilwa kwiiza kwaamwe kwonkai, baitu olwa mawuuro agairyaamu amaani ge yaletere okuzwa jimuli. Nka niyatukobeire okwegomba kwanywe, okunakuwala kwanywe, okunyikira kwanywe oku lwange; njeena nikyo nazwiire neyongera okusemeerwa. ⁸ . Olwakubba gonze nka nabanakuwairye n'ebbaluwa yange, tineijusa, gonze nka nasokere okwejusa, olwakubba mboine nka ebbaluwa eyo yabanakuwairye, gonze nka yabanakuweirye kaseera. ⁹ Ati nsemereirwe,tinsemereirwe olwakubba mwanakuwaire, baitu olwakubba mwanakuwaire n'okwenenya nimwenenya: olwakubba mwanakuwaire edi oKanca, muleme okufiirwa ekigambo kyoona kyoona oku lwaiswe. ¹⁰ Olwakubba okunakuwala edi oKanca kuleeta okwenenya ok’wabucunguri obuteijusibwa: baitu okunakuwala okw'amunsi kuleeta okufa. ¹¹ . Olwakubba bona, okunakuwala okwo edi oKanca kwabaleteire okufuba okwinji, erate okuwozia ensonga yanywe, erate n’okunyiiga, erate n’okutiina, erate n’okwegomba,erate n'okunyinkira,erate n'okuwalana eiyanga! Omu byoona byoona mwemanyisya nka muli baikiiri omu kigambo ekyo. ¹² . Gonze nka nabawandikiire, tinawandikire kulw’oyo eyakoore okubbi, obate okw'oyo gwe bakoore okubbi, wazira okunyinkira kw'anywe oku lwaiswe kusobole okubonekera edi nywe omu maiso ga Kanca. ¹³ . Nikyo twazwiire tusemeerwa, n'omukusemeerwa kwaiswe, nitweyongera muno okusemeera olw'aisanu lya Tito, olwakubba nyweena nyweena mwawumwiirye omwooyo gwaamwe. ¹⁴ Olwakubba obate nka neenyumiriza omu kigambo kyoona kyoona oku lwanywe edi eyo, tinakwatiibwe nsoni; baitu nka nitwabakobeire byoona byoona omu mazuma, erate nimwo kutyo n'okwenyumiriza kwaiswe edi oTito kwaali kwa mazuma. ¹⁵ . N'okwendya kwaamwe okwa munda kweyongera muno okubba jimuli nka ayizukira okugonda kwanywe nywena nywena, nimwamusembeirye n’okutiina n'okujugumira. ¹⁶ . Nsemereirwe olwakubba omu byoona byoona nnina obwesige omu nywe.