¹ Erate nka abakoora amwe no Kanca, tukubegayiira obutaweerwa bwereere ekisa kya Kanca. ² Olwakubba oKanca asimoola ati, omu biro bya kwikirizibwaamu nnakuwuliire, n'oku lunaku olwa bucunguri nna kuyambire, bona, binu nibyo biro bya bya kwikirizibwaamu; bona, lunu nilwo lunaku olwa bacunguri: ³ . Nka titubba nkonge yoona yoona omu nziira ya muntu yeena yeena, okuweereza kwaiswe kulemenge kunenyezebwa. ⁴ . Baituomu byoona byoona nka tweranga okubba abaweereza ba Kanca, omu kugumikiriza, omu bibonobono, omu kwetaaga, no mu nnaku. ⁵ Omu kukubbibwa, omu kusibwa, omu kukayana, omu kufuba, omu kubonia, n'omu kusiiba, ⁶ Omu bulongooki, omu kwetejja, omu kuguminkiriza, omu kisa, omu mwooyo ogwikiiri, omu kwendya okutalumu bunanfuusi. ⁷ . Omu Kigambo eky'amananu, omu maani ga Kanca; ne bya kulwanisya ebya bwikiriri omu mukono ogulyo no gumoso ⁸ . Olwa kitinisya n'olwakugaibwa, olwa kuzumibwa, n'olwa kusiimibwa; Twetebwa ababeyegi, baitu nka tuli ba mananu. ⁹ Nka abatamaitiibwe, erate baitu abamaitiibwe omunno, nk'abafa, erate bona tuli bwoomi, nka ababonerezebwa, baitu ni tutaitibwa. ¹⁰ Nk’abanakuwala, baitu abasemeerwa buliizo, nka abataalina kintu, erate baitu abalina kimwe byoona byoona. ¹¹ . Akanwa kaiswe kasamire jimuli. Abakkolinso, no mwooyo gwaiswe tugubaswekulire. ¹² Iswe titwabanyigirirye, baitu mwenyigirirye nywenkai omu myooyo, janynwe. ¹³ nkubasaba okwiramu nka baana bange, muswekule emyooyo jaanywe. ¹⁴ . Timwegaitanga n’abataikkiriza,olwakubba timwenkanankana: obwikiriri bwegaita butyai n’obujeemu? Obate eisana libba lityai amwe ne kirikiirya? ¹⁵ . Erate oKristo yegaita atyai no Beriyali? obate omwikkiriza agabana mugabo ki natali mwikkiriza. ¹⁶ . Erate Eiramyo lya Kanca lyegaita lityai n’ebiisani? Olwakubba iswe tuli Iramyo lya Kanca omwoomi; nka oKanca niya kobere ati, Naabbanga mu nibwo, ni ntamburanga mu nibwo; nanje naabbanga Kanca waabwe,.Boona baabbanga bantu bange. ¹⁷ . Ale muzwe akati waabwe, mweyawule, oKanca nimwoo akukoba, ale timukomanga ku kintu ekitaali kirongooki, nanje ndibasemberya. ¹⁸ . Erate naabbange itaanywe ji muli, nanywe mwabbanga jindi, abaana ba boojo n’ababwaala,nimwo asimoola oKanca omuyinza wa bintu byoona byoona.