¹ .Ni waiza omwei oku bamalayika omusanju abalina ebibya omusanju,naiza nasimoola nanje nakoba nti riza ani, njeena nkwiiza kulanga omusango gwa mukulu aikala oku maizi againgi. ² Abakama ba nsi gwe bayenderye naye, naabo abaikaala oku nsi ni batamiira omwenge gwa bwenzi bwaabwe. ³ Nantwaala omwirungu omu mwooyo: ni mbona omukali, nga aikaire oku kisolo ekitukuliki nga kizwiire amabara agatyoobola nga erina emitwe musanju nemembe ikumi(10) ⁴ Omukali nga azwaire olugoye olwafulungu nolutukuliki, nayonjebwa no zaabu namabaale aga muwendo ogwingi nolulu nga alina omugalo zaamwe ekikompe kya zaabu ekizwiire emizizo, nibyo bibbi bya bwenzi bwaamwe. ⁵ Omu busyo bwaamwe mwaali muwandiikiibweemu eibara riti”EKYAAMA ,OBABULOONI EKIKOOTO ONYINA WABENZI ERA WAMIZIZO GYENSI." ⁶ Ni mbona omukali oyo nga atamiire omusaayi gwa bikiriiri, nomusaayi gwa bajuurwa ba Yesu. Ninamuboine; neewunyire muno,okwewuunya okukooto. ⁷ Omalaika nankoba nti," kiki ekikwewunyisya? Nje nakobeire ekyaama kya mukali nekisolo ekimugingire, ekita namabeere musanju n'amembe ikumi ⁸ Ekisolo kye waboine kyaluwo era nga ti kikyaalowo era kikwaaba okuzwa mubwiina obutakanga nokwaaba mukubula naabo abantu abaali oku nsi amabara gaabwe nga ti gawandiikibwe mu kitabo kya boomi okuzwa ensi niyatandikibweewo balyewunya ni babona ekisolo nga kyalowo, kyonkai nikitabaawo, era ni kiira te. ⁹ Kini kyendya omuntu alina amagezi okutegeera emitwe omusanju eza bisolo omusanju, omukali zaikaireku. ¹⁰ era nibo abakama omusanju; abataanu bagwiire, omwei alowo, owundi akyaali okwiiza era naliiza, kimugwanire okumalawo akaire kadooli ¹¹ Ekisibo ekyalowo nga ati tikikyalowo, ekyo ni kyo kya munaanai, kiri nka zidi omusanju kyoona kya kubula. ¹² Nna mmembe eikui ge waboine nibo abakabaka eikumi abakyaali kuweebwa bukama, naye baweweibwe obuyinza nka abakama ,amwe nekisolo okumala essaawa emwei. ¹³ abo abateesanga bumwei,nibaweerya ekisolo amaani gaabwe nobuyinza ¹⁴ Abo balirwaana no mwaana wa ntaama, omwaana wa ntaama aliba aiguru, olwakuba niye mukama wa baami era niye mukama wa bakama;era naabo abamulubu, abateebwa, abalonde, abeesigika" ¹⁵ nankoba nti, amaizi ge wabweine, omulenzi waikeire nibo bantu ne bibiina, namawanga nendumi ¹⁶ Nammembe eikumi ge waboine, nekisolo, bani balikyaawa omulenzi,bali mulumba ni bamulwanisya ni bamuleka nga ali bwerere, balirya omubiri gwamwei era bali mwocerya kyarumwei omuuro. ¹⁷ . OLwakubba yateire omu myoyo gyaabwe okukola kye yateesere, no kuteesa nga bali amwei, no kuweerya ekisolo obukama bwabwe, okwiikya ebigambo bya Kanca ni birikiriira. ¹⁸ N'omukali gwe wa bweine niye kibuga ekikooto, ekirina obukama oku bakama boona aba ku nsi 18