¹ . Ni mpuura eiraka erikooto nga likuzwa omu yekaalu,nga likukoba aba malaika omusanju nti,mwaabe ,musuke ebibya omusanju ebyakiniga oku nsi. ² . Eyekereire nayaba,nasuka ekibya kyamwe oku nsi,ebiwooya ebizubu mbiiza oku bantu abali nenkozu ya kisolo,era abaramya ekifananyi kyayo. ³ . Owa kabiri nasuka ekibya kyaamwe omu nyaja; wabbairo omusaayi nka ogwa mufu,era buli mwoyo ogwoomi ni guffa nebyo ebiri omu nyaja ni bifa. ⁴ Owa kasatu nasuka ekibya kyamwe omu miiga nomunsulo zamaizi,ni wabaawo omusaayi. ⁵ ni mpuura omalaika wamaizi nga akusimoola ati,"niiwe mwikiriiri ,niiwe abbaawo era eyabairewo,niiwe mweruki ,olwakubba wasaare omusago otyo. ⁶ olwakubba basukire omusaayi gwa beeruki nogwa banabbi, ogwo nigwo musaayi gwa bawaire oku nywa,ekyo kibasaanire, ⁷ ni mpuura ekyooto nga kikusimoola, nti."nimwo, oMukama oKanca omusoboli wa bintu byoona byoona ,engeri josalamu emisango za mazima yakyenkanyi. ⁸ owa kanai nasuka ekibya kyamwei okwiisana: neweebwa okwookya abantu nomuuro ⁹ abantu nibokyebwa okwokya okukooto: nibazuma eibara lya kanca ali nobusobozi okubiboonoboono ebyo,mbagaana okumenyeka omwooyo okumuwa ekitiinisya. ¹⁰ Owa kataano nasuka ekibya kyaamwe oku ntebe ya bukama obwa kisolo,obukama bwakyo nibulikiribwa,abantu nibeenena endumi zaabwe olwa bulimi. ¹¹ ni bazuuma oKanca owa mwiguru olwa bulumi bwaabwe no lwa biwooya byaabwe,ate ti bamenyekere mwoyo olwebyo bye bakoore. ¹² Owa mukaaga nasuka ekibya kyamwe oku mwiiga ogukooto gwe beeta Fulaati,namaizi gaagwo ni gakala,enzira ya bakama abazwiire ebugwa isana esobole okutegebwa ¹³ ni mbona nga zikuzwa omu kanwa ka njoka,nomukanwa la okisolo,nomukannwa ka nnabbi owa bubbeyegi,emizimu ejibbi esatu nga zikwisana nka ebikere, ¹⁴ olwa kubba ezo nizo mwooyo, ezidaimoni ezikola obubonero,ezikwaba edi abakama ba nsi zoona zoona,okubakubbanyia okola olutalo oku lunaku olukulu olwa Kanca,omusobozi wa bintu byoona byoona. ¹⁵ (Bona,nkwiiza nk'omwibbi.aweweibwe omukisa akubonia, nakuuma ebizwalo byamwe, aleke okwaaba nga ali bwerere,leke baleke okubona ensoni zaamwe) ¹⁶ ni zibakumbanirya omu kifo kyebeeta omu Lwebbulaniya,"kalu-magedoni". ¹⁷ Owa musanju nasuka ekibya kyamwe omu ibbaga,eiraka erikooto nirizwa omu yekaalu,omu ntebe ya bukama,nga likusimoola nti,kikoleibwe: ¹⁸ Ni wabbaawo okumesya namaraka nokubbwatuka,ni wabbaawo ekikankano ekikooto ,nga to kibbangawo okuzwa abantu ni batandikire okubba oku nsi,ekikankano ekikooto,ekikulu kityo. ¹⁹ ne kibuga ekikooto ni kyeyawulamu ebitundu bisatu ,nebibuga bya mawanga agabiri ngeru nibiggwa; ne Babbulonni ekikooto nikizukirwa omu maiso ga Kanca,leke kisobole okuweebwa okunywa ekikompe kya bwandi bwa kiniga kyamwe . ²⁰ Buli kizinga ni kiiruka, gonze ne nsozi ti zabonekereku. ²¹ amabbaale aga ikendi agakooto migagara okuzwa omwigulu,nga buli mpeeke yamuzira obuzito bwayo"ttalata"nigukubba abantu,abantu nibanyomoola oKanca olwebibonobono bibafunire olwamabbaale gaikedi, olwakuba ekibonobono kyagwo kikooto muno.