¹ . Ebyo nga bimaare okubaawo ni mbona ontumwa owundi ng'akuniinuka okuzwa omu mwiguru, ng'alina obuyinza obwingi, n'ensi nemesyamesya olwa kitiinisya kyamwe. ² . Nasimoora aiguru neiraka erya maani, ng'akusimoola nti, kigwiire, kigwiire oBabbuloni ekikooto, ni kifuuka ekisulo ky'ambandwa ne ikomera erya buli misambwa, n'e ikomera rya buli nnyonyi egyibi ekyawibwa. ³ . kubanga olw'amwenge ogw'abusungu obwa bwenzi bwa mawanga goona goona gagwiire; na bakama ba nsi ni bayenda naye na batungi ba nsi ni baguuduwala olwa maani ga bukaba bwamwe" ⁴ . Ni mpuura eiraka elindi okuzwa omwiguru, nga likusimoola nti, " mukiwulukemu, abantu bange, muleke okubba kimwe nebbi byamwe era muleke kuweebwa ku bibonyoobonyo byamwe. ⁵ . kubanga ebibi byamwe biikire omwiguru era oKanca aizukiire ebisiisi bwamwe. ⁶ . Era mumusasule oyo nka ye nasasula,era mumwongereku emiruundi ibiri nka ebikolwa byamwe ni byaali; omu kikompe kye yatabwire mumutabuure emirundi ibiri. ⁷ . Nka ni yegulumilye n'akabawala, omunywe okubonabona n'okunakuwala? kubanga akusimola omu mwoyo gwamwe nti, n'akadooli. ⁸ . Nimwo kilizwa biiza omu lunaku olumwe ebibonyoobonyo bwamwe, okufa, n'enaku, n'enzala; era alyocebwa kakyarumwe omuuro, olwakubba oMukama oKanca w'amaani amusaliire omusango" ⁹ . Era abakama ba ensi, abenzi ni bakabawala naye, balikunga nibakuba oluwuungu oku lwamwe, ni balibona omwiika ogwa kwocebwa kwamwe, ¹⁰ . Nga bemeereire alai olwa ntiisa eya kuboonaboona kwamwe, nga bakusimoola nti, zikyajirye, zikyajirye, ekibuga ekikooto Babbulooni, ekibuga ekya maani, kubanga omu ssaawa emwe omusango gwaamu gwiikire" ¹¹ . N'abatundi aba mu nsi; bakukunga bakunakuwala ku lwamwe kubanga ndoowo akugula byaitungo byabwe. ¹² . Obuguli obwa zaabu, ne ffeeza, n'amabaale aga muwendo ne luulu, ne bafuta egisai, n'olugoye, olutukuliki; na buli musaale ogwa musutai, nabuli kintu kya issanga, na buli kintu kya musaala ogwa mwendo ogwingi omuno n'ekya kikomo,ne kya kyooma, ne kya ibbaale erisai. ¹³ . N'ekya kaloosa, n'ebinzaali, n'obubaane, n'amagitta gwa musutai n'envumbo, n'omwenge n'amafuta, n'obwiitta obusai, n'ezzaano, n'ente n'entaama; n'obuguli bwa mbalaasi n'amagaali n'abairu; n'emyoyo za bantu. ¹⁴ . "Nebibala omwoyo gwamwu bye gwegomba bikuzwiireku, n'ebintu byamu ebinuliirya n'ebisai bikuzwiireku, nekyo tibakyabibona te " ¹⁵ . Abatundi beebyo, be yaguuduwairye, balyemeera alai olwa kitinisya ekyakubonabona kwamwe, nga bakuunga nga bakunakuwala; ¹⁶ . "Nga bakusimoola nti zikyajirye,zikyajirye, ekibuga ekikooto, ekyazwalikisiibwe ebafuta ezisai n'olugoye olw'affulungu n'olutukuliki, era ni kiyonjebwa ne zaabu n'amabaale ag' muwemdo ne luulu. ¹⁷ . Olwakubba omu ssaawa emwe obugayiga obwibgi nka buweirewo" na buli atambuura woonna woona omu lyato na bategi naboonaboona abakola emirumu eza mu nyanja, ni bemeera alai, ¹⁸ . Ni basoora aiguru ni babweine omwiika ogwa kwokyebwa kamwe, nga bakusimoola nti, " kirayi ekiisana nk'ekibuga ekikooto?" ¹⁹ . Ni basuka ocuucu oku mitwe zabwe, ni basimoora aiguru nga bakunga nga bakunawala, nga bakusimoola nti, zikyajirye,zikyajirye,ekibuga ekikooto,boona kye baguuduwaliremu abata ekinaala omu nyanja olwa muwendo gwamwe ogwingi. kubanga omu ssaawa emwe gwaweirewo. ²⁰ . Mumusanyukire, eigguru naanywe abakiriiri nnanywe abatume nnanywe na banabbi; ²¹ . Ontumwa owa maani n'aimula eibaale elikooto nk'emmeengo l ejikooto, n'alinaga omu nnyanja, ng'akusimoola nti, Babbulooni, ekibugga ekikooto, ni kirinagibwa nimwo kityo n'okutandigirwa okukooto, ate nikiboneka era. ²² . Gonze eiraka ly'abakubi b'abannanga n'abanta ne bivuga ni bafuuwa emirere ni bafuuwa amakondere tikiriwuurwa era omu we; gonze omugezi w'amirimo zoona taliboneka era omu we; gonze eyiraka ly'amengo tiririwulwa era omu we; ²³ . Gonze okutangaala kwa ttaala, tekulitangaala era mu we, gonze eiraka ly'abandula omugole n'erya mugole tiririwuurwa era mu we; kubanga abatundi baamu baali bakulangira ba nsi, kubanga omu obulogo bwamu amawanga goona gabeyegeibwe. ²⁴ . Era nomusaayi gwa banabbi n'abaikiriiri n'ogwa boona boona abaittiibwe oku nsi gwa bonekere mu niye"