¹ Nywe abakulu be bibuura mu baIsireari, muwulirye bini;"Ninnywe abateka okumanya abatufu abantu bwe basaine okwakalibwamu ² Naye te niinywe abatayendya kukola okusai, nemutaka okukola ebibi. Bye mukola, mulinka ababaaga abantu bange, nemubatolaku ecanzo ate te ne mukolokota enyama oku magumba gabwe ³ Abantu bange mubabaagaku olwanzo, nemutematema enyama yaabwe nemumenyamenya amagumba gaabwe gaabwe, ne mugita omu nsaka nemubasumba nemubalya. ⁴ Naye eciro kikwaaba kwiiza mukungiire Omukama Okanca naye nka againne okubafaku. Mumusabe naye againe okubanunula ce mwamusabire. Kuba ebikolwa byanywe bibi. ⁵ Abalangi ababeege badalimya a bantu nka basubiza mirembe edi oyo abawa ecokulya, ate te nebalanga okwiiza kwolutalo edi oyo atabawzire. ⁶ Omukama Okanca akukoba abalangi abo ati; "Eciro caanywe catera okusweeka, eisana rikugoloba olwokubba mu daliimya abantu bange,temucabonekerwa, ate te temukyasobola kulanga cintu necikiira." ⁷ Abo abalengera ebiri Omumaiso nabalaguzi boonaboona bakwaaba kuswala olwa kulemwa okukoba ( okulanga )ebitufu. bakwaba kusweeka amaiso nka baswaire olwa kanca okubasirikiira." ⁸ Naye nje, Omukama Okanca yampaire okwiizulibwa omwoyo gwamwe, ate te nampa amani obutatina, okukobera Abaisiraeri omuntu byasaine okukolebwe omubutufu, ate nokubakobera ebihi bye bakola ⁹ Nywe abakulu be bikunsu omu Isiraeri muwure bini: Mucawa okukola ebitufu ,ate ebikolwa ebyandibaire ebisai nemubiyindulane biba ebibi. ¹⁰ Mwomboke oYerusaalemi ecibuga ca kanca nka mukukolesya ebyo bye mufunna omukutemula ne mumyanda egindi etali jitufu. ¹¹ Abakulembeze baamu bagulibwa mbe nguzzi aale nebalamula . Naba kabonna baamu tebegeresya mateeka ga kanca okutolaku nka bagapangisirye . Ate gonze abalangi baamu boona bekeera kuweebwa mpiiya ale nebakoba okubonekerwa kaabwe. Ate nka boonaboona befula okuba nka abesigwa ku Mukama Okanca, era bakoba bati;" Ndowo kacwaano koonakoona akwaaba okutwiikakku kubba Omukama Okanca ataanaiswe." ¹² Ale ni Okulwanywe Olusozi Sayuni lululimibwa soti muisiri, ecibuga ca Kanca ece yerusalemu ncisigalawo nka entumo ya bifunfugu nolusozi lwona lwona oluliku eiramyo ne lufuka kibira.