¹ Bakagwireku abantu abo ababassya omu bitabu ( bitanda ) byabwe ni bakeisya obwire nka bakuyiiya ebibi bye bakola. Atete obwirene bucca. olwo ne bakola nka nebaba bayiyirre. ² Bwe begwanizza omusiri nka bagunyagga, neba nyumba nka bajitwala mbe. Ate nka bwebakallya ebintu ebyomuntu, nomuntu omwenyenere yeena nimwo bamwakalyanga. ³ Omukama Okanca coova nakoba ati " Bonna eni, nkuyiiya akabi akenkwaaba okwiica okubantu nywe, ate ndoowo wemusobola okukawonera. Mwiiza kweyajja nka muli mubizibu ebitakobwaku namalala gabawemu. ⁴ Olunaku olwo mululika, abantu balibayiiyamu olwembo olwakubajeerya ate bwe bebakunga amaliga nka bakoba bati: "Ee ebintu nka bitufiririire! Omukama Okanca atutwoileku eitakali lyaiswe, naligabira abo abatutwaire obo abatutwaire omubunyage" ⁵ Ale eciseera ni ciriika eco kwiriirya abantu ba Kanca eitakali lyaabwe abalibba bakuligga omubunyage, nywe abatunturya abooro timuliba namugabo. ⁶ Abantu nebakoba bati; " Totukobera ebyo. Omuntu tasaine kukooba kubintu nke ebyo. Omukama Okanca takwaba kutubonyabonya mokutuswaza okwinkanna awo. abakutubonyabonya noku tuswaaza okwinkanna awo ⁷ Okulowooza oti abantu aba Isiraeri Omukama Okanca ya bakolomiire? oba okugumikirizza kaamwe kakedeire? Obwo mazimma Omukama Okanca asobola okukola ebintu nke ebyo? Buliizo tabazza nakisa nabo abakola okusai?" ⁸ Naye Omukama Okanca abairamu ati; Nywe mulumba abantu bange so ti abantu abo bazigu banywe nimubanyagaku ebizwaalo nka tibabakoberaku. Aate te abantu abo babakalangaku nka tibabakobereku. Aate te abantu abo nka bakubesiga bati nti ndoowo cibbi ce kyemukwiiza kubakola, ate te nka tibasubira lutalo gonze ⁹ Mupeka abakali ba bantu bange omumanyumba gabwe ge bawuliramu eisanyu, ne mugaana abaana baabwe okubonna oku citiibwa caange emijo nemijo( emirembe seregenyi ) ¹⁰ Mwimuke mwaabe, aani tewakgali mirembe . Ecifo cinni cikaaaba kuzikirizibwa olwe ebibbi banywe. ¹¹ Abantu bani bendya obulangi akwabanga okubakobera obukwenda obuzwiire obubegi, nkakubakoba ati; Mwiiza kufunanga on weenge gwemiizabibu nebitamirya ebindi." ¹² Naya nywe abantu baange Abaisireari, abalinawo nkwaaba okubasolorya mbalete mukifo cimwe nka Omulisya nasolorya etama omu cizaangi caazo. Ate te eciketezo caamwe ciiza kwiramu okwiizula abantu nka batalairembe nka entama ezitalaire enkecirisiryo eciri nentama eziingi muno. ¹³ Awo Omikk nalanga nti:" Okanca Omwenyenere akwaaba Okwiguraawo abantu bamwe, abakuleberemu nka akubatoola omubunyage. Bakwaaba kuwagulawo omulyango ogwecibugga tuwulukemu, baabe nka ndowo nakubakobakku. Omukama Okanca Omwenyere ate Okabaka waabwe niye akwaaba okubakulemberamu abawulucce.