¹ Eciro ciiza kwiika, olusozi oluliku eiramyo lube nka nolusozi nga obulayi mu zoona zoona, ate mka nolwakairemu obulayi obusozi bwoonabwoona. Abantu bamawanga kamaala balisombooka ne baiza okulusozi olwo. ² Abantu abaingi abo balikoba bati: "Mwize twabe okulusozi lwa Mukama Okanca, Omwiramyo lya Kanca omuiramyo lya Kanca owa Isiraeri atwegesya byayendya tukole ate tutambulenge mwe ebyo byatwegesya, kuba Omuka Okanca ataa ngeyo mu yerusalemu yayegeserya abantu baamwe. ate te eyo omu sayuni nijo abazira nabantubaamwe" ³ Omukama Okanca alilamula amawanga agamani agampi na gaalai. Ebya baire ebiso bya kulwanisya omulutalo balibyeesamu nsiika, ate amasumo nebageesamu nsolobyo zaza kwoolera. Amawanga tegalirayo kulwaana ntaalo gonze okwiirayo okutendekebwa mubye ntalo. ⁴ Buli muntu aiza kuwuuranga Mirembe nka ali mumasamba gaamwe age mizabibu,naga emisaale za mitiini, nka ndoowo muntu yeenayeena akumutinisya. kuba Omukama Okanca afugga eiye Omwenyenere akobere. ⁵ Abantu ababuli iyanga daramya ate nebagondera aba kanca balyo, naye iswe twiiza kuramyanga ate tugondere Omukama Okanca waiswe emirembe na mirembe ⁶ Omukama Okanca akukoba ati:" Eciseera ciiza kwiika nsololye amwe abantu abe nabonyereize, nimbaleka ambatwaalibwa omubunyage okubonobonera eyo. ⁷ Gonze nka balema ate nka batwalibwa ewalayi okuzwa ewaabwe, nkiiza kubafuula baka wonawo ate mbafuule eiyanga eryamaani. Ate nje Omukama Okanca omwenyenere, nkwiiza kabafugiranga kulusozi sayuni okuzwa okwolwo okwiica emirembe seregenyi. ⁸ Ate we Oyerusalemu,ecibuga Okanca Omwaaba nalengera abantu baamwe nka omulisya nayemeeera oku cituuti nalengera entaama zaamwe, oliiramu nobba ecibugga ecikulu eco bwakabaka nebwabanga eirai. ⁹ Yerusaalemu, lwaki okukunga nokuba eciboobo? lwaki osinda oti mukazi akulumwa okubyala? Lwakuba nti tocaali nabakuwa amagezi? Abantu abomu Yerusaalemu, mwegalanzulle,muside soti mukali akulumwa okubyaala. kuba mwiikire okutolebwa omukibuga caanywe mwabe nka musula eyo mutyo omu cisiko. nka mutwalibwa abababiloni. Naye mulieyo omukama Okanca akwaba kubanunula abaiye omugalo zabazigu baanywe. ¹¹ Amawanga kamala geisolozere okubalumba nka gakukoba gati yerusalemu cizikirizibwe, tucibonne nka cisigaire bifunfugu byerere" ¹² Naye amawanga ago tegamaite nka Omukama Okanca agakumbainye aamwe kugabonereza soti ngaano bwe solozeibwe omukifo we ekubirwa. Omukama Okanca akukoba abantu bamwe ati; nywe abantu abe yerusalemu, mwiimukiremu mwabe mukube abazigu baanywe. Nywe nkwaba kubafula mube bamani nka ecisoro ecinumi ecirina namembe age cooma ecigumu omuno namagulu agali nebi kokoro ebigumu ebyecuuma cacikomo. mwiiza kukoba ate mumulungule abantu abamawanga kamaala, ebyabugaiga byabwe bye bali nabyo ne bibanyagire, mwiiza kubiwaayo edi omukama Okanca owensi owensi yoonayoona.