¹ Niyaboine ekibuura ekikooto nikimusendekeerya. ² Ale bonna omugenge n'ayiza ggyali namuramya nka akukoba ati; mukama wange n'obba ng'okwendya oyinza oku okunsailiirya. ³ N'agolola omukono n'amukwataku ng'akoba nti nkwendya, sailiirwa omubwangu ebigenge byamwe nibisailiira. ⁴ o Yesu n'amukoba ati bonna tobbaku n'amuntu yeena gwokuberaku baitu yiraayo ewa mulisya omuwenge ekisiimo Musa kye yakobere, okubba obujjurwa jibali. ⁵ Ngamaare okwingira eKaperenaumu, omukulu wa kitongole omuruumi naiza namweesengeerya. ⁶ Nkamukoba aati, mukama wange, omwojo wange agangaime mu nyumba nga asaraire, ali mu bujune bwingi. ⁷ Namukoba ati naiza nimutamba. ⁸ Omukulu wa kitongole omurumi n'airamu namukoba ati mukama wange tinsanira we okwingirya ansi w'annyumba yange baitu simola mbe kigambo bugambo, omwojjo wange yasailiirwa. ⁹ Olw'okubba nanje ndi mukulu omubukulembeze n'abakumi b'enkura nimukoba nti oyo ayaba, n'owundi nti yiza naiza nomwiru wange nti kola oti, nimwakole ¹⁰ Baitu oYeesu niyawuliire niyewunya n'akoba abairaamwe aati nkubakoba ndoowo kwikiriiri kukooto nka kini gonze omu Yiisilayiri,. ¹¹ Nanje nkukoba baingi balizwa ebuzwa eisana ni baikaara amwe n’o Ibulaimu n’o Isaac n’o Yakobo omubwabukama bwamwiiguru ¹² Baitu abaana babukama balipekerwa mundikiirya eyanzai ewakwaba okubba okukunga n'obujjune. ¹³ o Yesu n'ak oba omukulu wa kitongole omurumi ati ale yaba nka n’okwiikiriza kibbe gyooli kutyo. ¹⁴ o Yesu niyamaare okwingira omunnyumba ya Peetero n'abonna omma mwe ng'abasirye ng'alwaire omusujja. ¹⁵ Namukwata okumukono omubiri nigumuwonaku, naimuka, n'amuweereza ¹⁶ Obwire bwali buswekere, ni bamureteera abaliku embandwa, n'apeka embandwa nekigambo natamba bonna bonna abaliku embandwa. ¹⁷ Ekigambo kikiire ekyabazibwe o Isaya omulangi n'akoba ye omwenyenere obunaki bwaiswe ni yetikka endwaire zaiswe. ¹⁸ o Yesu niyaboine ekibbuura kya bantu nka bamwelurunguurya nabakoba tuwunguke twaabe eburuba. ¹⁹ Omuwandiiki omwe naiza namukoba ati omwegesya nkwaba kwaakalanga naawe woona woona jiwayaba. ²⁰ o Yesu namukoba ati ebibbwa bibba nobwina ennyonyi zza mwibanga ziba nebissu byaazo, baitu omwana wamuntu ndoowo wakuta mutwe. ²¹ Omwegesia waamwe owundi namukoba ati mukama wange osooke oleke njabe okuziika oitange. ²² Baitu oYeesu namukoba ati yaba nanje leke abantu baziike abafu baabwe. ²³ Nasaabala nabeegesya baamwe nibaaba naye. ²⁴ Ompungo omwingi naiza okunyanja ebinyege bya maizi nibisusuka omulyaato. Baitu yaali abasirye. ²⁵ . Nibaiza gyali nibamwimula, nka bakukoba bati mukama waiswe, otucungure; tukufa. ²⁶ Nabakoba ati kiki ekikubatiinisia abata n’okwikiriza okudyoli? Awo nayimuka nakanja okumpungo, oku nyanja nateeka. ²⁷ Abantu nibeewunya nka bakukoba bati muntu ki ooni omupungo ali okunyanja okumuwuura? ²⁸ Baitu niyaikireomunsi yabagaladeeni nibamutangarana abantu babiri abaaluku daimooni, abandi muno nga ndoowo muntu yeena asobola kwaakala omunzira yaabwe. ²⁹ Nibasimoora aiguru nga bakukoba obutujjanana ki omwana wa Kanca? oyinzire mpani okutuwaranya nkebiro byaisro bikyali kwika? ³⁰ Waalowo eigana lya mberege nka zikulya. ³¹ e Daimooni nizimwegayiira nka zikoba niwatupeka tusindike omwiigana lyamberege nazikoba aati mwaabe nizibazwaaku nizaaba mumberege aale bona eigana lyoona niriserengeta kulubalama Matayo munyanja nizifeera omwo omumaizi. ³² Nazikoba okwaaba nizaba omu mberege aaye eigane lyona lyona nikyaba omunnyanja, nizifara omu maizi. ³³ nabaali bakuliisya nibairuka nibaaba omukibuga nibakoba byoona nebigambo ebyaabo abaluku odaimooni. ³⁴ Bona ekyaalo kyoona nikiiza okutangarana o Yeesu, nibaamuboine nibamwegayiira aazwe omunsalo zaabwe