¹ Nasaabala nayira ebuluba, naika omukibuga kyabwe. ² awo nibamuleetera omulwaire asanyalaire bamugalamiirye okukitabu, Oyesu niyabwoine okukwiriza kwabantu bani, nakoba oyo asanyalaire ati, mwana wange, guma omwoyo, ebibbi byamu mbikutoleibweku. ³ Ale bona, abawandiiki abandi nibasimoola omu myoyo gyabwe bati oni akunyooma Okanca. ⁴ Baitu Oyesu yeetejerye ebirowoozo byabwe,nabakoba ati, ''kiki ekikubalowoozesia okubbi omu myoyo gyanywe? ⁵ Kubba ekyangu nikyo kirai okusimoola nti ebibbi byaamu bikutooleibweeku oba okusimoola ati imuka otambule? ⁶ Mweteje omwana wamuntu nabba nobuyinza okunsi okwiyaku ebibbi nakoba oyo asarayire ati yemeera oginge ekitabo kyamu oyire mu nnyumba yaamu. ⁷ Niyamuka, nayaba ewamwe. ⁸ Ebibuura byabantu nibyabwine nibitina nibigungumalya Okanca eyawaire abantu obuyinza obukwika awo. ⁹ Oyesu niyazwiireyo nabona omuntu gwebeeta Omatayo, nga aikaire omu isoroolyo, namukoba ati, tambula nanje, naimuka nayakala naye. ¹⁰ Awo olwaikire omunyubba akulya, niwaiza abasoroolya ba musolo baingi nabantu ababbi baingi nibaikara aamwe n'oYesu nabegesia baamwe. ¹¹ Abafalisaayo nibabwoine nibakoba abeegesya bamwe bati, 'omwegesia wanywe, kiki ekimuliisya nabasorooria ba musolo n'abantu ababbi? ¹² Niyawuliire kyebakukoba nabakoba ati aboomi tibendya musawo, okutoolaku abalwaire. ¹³ Mwabe mwege amakulu gakigambo kinu nti nyendya isasi, ti saddaka lwakubba tinaizire kweeta abaikiriire, baitu ababbi abataikiriire. ¹⁴ Ni waiza abeegesia ba Yokana omubatiza nibakoba bati, kiki ekitusiibisia yiswe nabafalisayo emirundi ezingi, baitu abegesebwa bo tibasiiba? ¹⁵ Oyesu nabakoba ati, abaana abamumbaga eyabugole basobola batyai okweinamira nka abandwire omugole nka akyali nabo? Baitu ebiro bikwiza kwika abandwiire omugole lwali batolebwaaku, nibatandika okusiiba. ¹⁶ Ndowo muntu atunga kitentegere omu kizwalo ekikaire, lwakuba ekyo ekitungiibwe omu kyonola omu kizwalo ekikaire, nekiwulu nikyeyongera okugaziwa. ¹⁷ Erate tibasuka mwenge guyaaka munsawo zabyanzo ezikaire, lwakuba nibakola batyo, ensawo zabyanzo zisisikara n'omwenge gusukuka n'ensawo zabyanzo zifafaana, baitu basuka omwenge oguyaaka omunsawo zabyanzo ebiyaaka bikalibibiri tibisisikala bbe. ¹⁸ Niyaali nka akubakoba ebigambo ebyo, nakoba ati, omwara wange ati buni afiire,baitu iza omuteeku omukono ayimbooke. ¹⁹ Oyesu nayimuka namusandekeerya n'abegesya bamwe. ²⁰ Olwaikire omukali eyali alwaire ekikulukuto kya musayi okumala emyaka ikumi na ibiri, nayiza enyuma wa Oyesu, n'akwata okuntando lwa kyambalo kyamwe. ²¹ Lwakuba yalowozere mumutima gwamwe nti ninakwata ku kyambalo kyamwe gonze akadoli kati kikwiza kuntamba. ²² Baitu o Yeesu niyakyukire namubona, namukoba ati, ''mwana wange, guma omumwooyo, okukwiriza kwaamwe kukuwonyeire.'' Omukali nawona okuzwa okwoolwo. ²³ Oyesu niyaikire omunyubba yaamwe odi, nabona abakufuwa empondo, n'ekibbura kikukuba ebikungo. ²⁴ Nabakoba nti muzwewo, lwakuba nti omwala tafire abasiryembe. nibamusekeera muno. ²⁵ Ale ekibbura nibakipekerewo, n'ayingira, n'amukwata ku mukono, omwala n'ayimuka. ²⁶ Ebigambo ebyo nibiraranga munsi yoona. ²⁷ Ale Oyesu niyazwireyo, abalibi (abaigali ba maiso) babiri nibamusendekerya nka bakusimoora aiguru nga bakukoba bati tusaasire, we omwana wa Daudi. ²⁸ Niyakire omunyubba abalibbi ba maiso nibaiza gyaali, ''Oyesu, nabakoba mukwikiriza aati nsobola okukola kini?'' nibamukoba nikyo, mukama waiswe. ²⁹ Ale n'akwata okumaiso gaabwe nga akukooba ati, nga nimwikirize kibbe kityo gyemuli. ³⁰ Amaiso gabwe ni galibuka nabakuratira nga akukoba ati muboine tiwaba muntu yene owundi amanye. ³¹ Ale nu nibawuluka, ni balaranga ebigambo byamwe omunsi yoona ³² Ale niyali akuwuluka nibamuletera o kasiru nga aluku e Daimooni. ³³ napeka e daimooni, okasiru nasimola, ebibuura ni byewuunya, ni bakoba bati eirai neirai tiwabonekangaku kintu kiti omu Yisirayiri. ³⁴ Ale nu abafalisaayo ni bakoba bati akupeka ama daimooni ku lwa mukulu wa daimooni. ³⁵ o Yesu nayakala yakala mubibuga byona byona n'embuga zabakama zonna, nga okwegeresha mungango ekyabukama (Kanca), natamba endwaire zoona, n'obunaki bwona obwamwoyo. ³⁶ Ale niyaboine ebibbura nabisasira, lwa kubba bali bakerwe muno nga balalangire, nge entaama ezitaluku mulisha. ³⁷ Ale nakoba abeegesia baanywe ati, ebyakukensia nibyo bingi, naye abakoli bo badyoli ³⁸ Ale nu musabe omukulu wakukesia, asindike abakoli mubyakukesia.