¹ Omu biro ebyo, oYokana omubatiza, naiza nka akukoba enjiri omwirungu lya Buyudaaya. ² Nk'akukoba ati muwendeke omu myooyo; ³ olwakubba obukama bwa mwigguru buli ampi okwiika. Olwakubba oyo niye mulangi Oisaaya gwe ya simwoireku n'akukoba ati, Eiraka lyoyo akusimoora aiguru omwirungu nti muteekanize enzira y'Amukama muteekanize amazira ggaamwe. ⁴ Baitu oYokaana oyo ya zwalanga engoye zabyoya bya Nkamia nka yebbuwa olukobba lwa kyanzo omu nkende; emere yaamwe yali Bwoki bwa Nzoki zamu kisiko. ⁵ Awo nibazwa e Yerusaalemu omubuyudaaya bwona bwona, n'omunsi yonna eriraine Yoludaani nibaiza gyali. ⁶ Nababatiriza omumwiga Yoludaani nka ba kwatula ebibbi byaabwe. ⁷ Baitu ni yabwoine abafalisaayo abaingi n'abasaddukaayo abaingi nka bakweyunira okubatiza kwamwe nabakoba ati nywe abaana ba njoka, naani yabalabwire okwiruka obwandi obukwaba okwiza? ⁸ Mwere ebibala ebisaaniire okwenenya. ⁹ Mutalowooza kusimoora mu myoyo nti Tulina Ibulaimu niye zeiza waiswe: Olwakuba nkubakoba nti Okanca ayinza omu mabbaale gani okugayinduuramu Oibulaimu abaana. ¹⁰ Baitu ati buni empasa etereibwe oku kitina kya musaale: Buli musaale ogutataaku bibala bisai gwa temwa nigunagibwa omu muuro. ¹¹ Nje nkubabatiza n'amaizi olwakwenenya, baitu oyo akwiza enyuma wange niye akusiinga amaani tinsaanire na kukwata ku Matayo nkaito zaamwe oyo alibabatiza na mwoyo akwira n'omuro ¹² Olugali lwamwe luli mu mukono gwamwe, baitu alisayiirya muno eisengeizero lyamwe. Alikumbania engaano omu kideero erate ebisusunku alibyokya n'omuuuro ogutalikira. ¹³ Awo Yesu nazwa e Galiraaya naika oku Yoludaani awaali Oyokaana eyabatizanga. ¹⁴ Baitu Oyokaana nataka amugaane n'akukoba ati; Baitu we okwiiza egyendi? ¹⁵ Baitu Oyesu nairamu namukoba ati nje nkwendya niiwe ombatize ikkiriza atibuni olwakuba tuteekwa okwikiirya obwikiriri bwona. Ale namwikiriza. ¹⁶ Awo Oyesu niyamaare okubatizibwa, amangu ago nazwa omumaizi: Bona eiggulu ni liswekuka nabona omwoyo wa Kanca akwera n'akuniinuka nkoiruma nka akwiiza gyali. ¹⁷ Bona eiraka nirizwa omu iguru nka likukoba riti ; Oyo niye mwana wange gwentaka era gwensemeera omuno