¹ Ale omu mwaaka ogwa ikumi neitaanu oku mirembe ja Tiberiyo oKayisaali, oPontiyo oPiraato ni yaali nka niye owaisaza lya Buyudaaya no Kerode ni yaali nka akufuga oGgaliraaya , no Firipo omugande nka akufuga Ituliya ne nsi ya Tirakoniti,no Lusaniya niyaali nka niye akufuga Abireene ² no Ana no Kayaafa ni baali nka nibo bakabona abakusiinga obukulu, ekigambo kya Kanca nikizira oYokaana omwaana wa Zakaliya omwirungu. ³ Naiza omu nsi zoona zoona eziriraine oYoludaani nka akusomesya okubatizibwa okwa kwenenya olwa kwiyibwaaku ebibbi; ⁴ Nga ni kyawandikiibwe omu kitabo kya Muranji oIsaaya nti eiraka lyooyo asimoora aigguru nti musaiirye enzira ya Kanca, mulungamye amazira gaamwe. ⁵ Buli kiwonvu kiriizulibwa, na buli lusozi na kasozi birisairwa, ne kikyamire kirigololwa, na mazira agatali gatereeze gali terezebwa. ⁶ Naabo abaliina omubiri boona bali bona obucunguri bwa Kanca. ⁷ Ale nakoba ebibbuura ebyawulukanga okubatizibwa ye mwenere nti nywe abaana bampiri naani eyabalabwiire okwiruka Obusungu obukwaaba okwiiza. ⁸ Ale mubale ebibala ebisanire okwenenya, baitu ni mutasooka kusimoola omunda zanywe nti tuliina ozeizza waiswe oBulayimu:Olwakubba nkubakoba nti oKanca ayinza amabbaale ganu okuyindurangamu oIbulayimu abaana. ⁹ Naatubunu empassa etekeibwe oku kikolo kya misaale; ale buli musaale ogutabala bibala bisai bagutema gunagibwe omu muuro. ¹⁰ Ebibbuura nibimubuulya nka bakukoba bati tukole ki? ¹¹ nairamu nabakoba ati owa kanzu eibiri aweeku oyo ekanzu emwei ataliinajjo n’oyo aliina emmere akole atyo. ¹² Nabasolooli nibaizza okubatizibwa, ne bamukoba bati omwegesya tukole tutyai? ¹³ Nabairamu ati timusoooryanga okusiinga nimwalagiirwe. ¹⁴ Erate, abasirukale nibamubuulya nka bakukoba bati isweena tukole ki? Nabairamu ati mutanyomanga muntu yeena yeena,baitu mutakakanga, erate empeera yaanywe ebamalenge. ¹⁵ Ale abantu ni baali nka bakusubira, erate boona nka bakulowooza ebigambo bya Yokaana omu myooyo zaabwe, obate nka kaandai niye Kristo, ¹⁶ OYokaana nairamu nabakoba boona boona ati mazuma nkubatiza na maizzi; baitu akwiiza niye ansiinga amaani, erate njeena tisaanira kusandabula lukobba lwa nkaito zaamwe; baitu ye alibabatizza no mwooyo ogwikiiri no muuro. ¹⁷ Olugali lwaamwe luli mu mukono gwaamwe, okulongoosa omuno eigguliro lyaamwe, n’okukumbania engaano omu kideero kyaamwe; baitu ebisasiro alibyookya n’omuuro ogutalirikira. ¹⁸ Erate nasomesya ebindi biinji nka, oYokana akusomesya abantu ebigambo ebisai. ¹⁹ Baitu oKerode owaisaza ni yamunenyerye olwo Kerodiya omu kamugande nolw’abigambo ebibbi byoona byoona oKerode biyakoore, ²⁰ erate okwebyo byoona byoona nayongeraku kinu, nakwaata oYokaana namubowa omu nkomyo. ²¹ Ale olwakire, abantu boona nka bakubatizibwa,niyasabire eigguru ndiswekuka, ²² Omwooyo wa omwikiiri naika oku ye omu kiisani ekya mubiri nka oiruma, neiraka ndiwuluka omwiggulu nti niiwe mwaana wange gwentaka omuno; nkusanukira muno. ²³ Erate oYesu ye mwenyenere, yekereire okwegesya nka yakamala emyaaka amakumi assatu. nka niye mwaana eyalowozeibweku owa Yusufu, omwaana wa Eri. ²⁴ omwaana wa mattati, omwaana wa leevi, omwaana wa mereki, omwaana wa Yanayi, omwaana wa Yusufu. ²⁵ Omwaana wa mattasiya, omwaana wa Amosi, omwaana wa Nakkumi, omwaana wa Esuli, omwaana wa Naggayi, ²⁶ omwaana wa Maasi, omwaana wa Mattasiya, omwaana wa Semeyini, omwaana wa Yoseki, omwaana wa Yoda, ²⁷ omwaana wa Yokanaani, omwaana wa lesa, omwaana wa Zerubbaberi, omwaana wa Seyalutiyeeri,omwana wa omwaana wa Neeri, ²⁸ omwaana wa Mereki, omwaana wa Addi, omwaana wa Kosamu, omwaana wa Erumadamu, omwaana wa Eri, ²⁹ omwaana wa Yesu, omwaana wa Eryeza, omwaana wa Yolimu, omwaana wa Mattati, omwaana wa Leevi, ³⁰ omwaana wa Simyoni, Lukka omwaana wa Yuda,omwaana wa Yusufu, omwaana wa Yonamu, omwaana wa Eriyakimu, ³¹ omwaana wa Mereya, omwaana wa Menna, omwaana wa Mattasa omwaana wa Nasani, omwaana wa Daudi, ³² omwaana wa Yese, omwaana wa Obedi, omwaana wa Bowaazi, omwaana wa Salumooni, omwaana wa Nakusoni, ³³ omwaana wa Amminadaabu, omwaana wa Aluni, omwaana wa kezulooni, omwaana wa Pereezi, omwaana wa Yuda, ³⁴ omwaana wa Yakobo, omwaana wa Isaaka, omwaana wa Ibulayimu, omwaana wa Teera, omwaana wa Nakoli, ³⁵ omwaana wa Serugi, omwaana wa lewu, omwaana wa Peregi, omwaana wa Eberi, omwaana wa Sera, ³⁶ omwaana wa kayinaani, omwaana wa Alipakusaadi, omwaana wa Seemu, omwaana wa Nuuwa, omwaana wa Lameki, ³⁷ omwaana wa Misuseera, omwaana wa Enoki, omwaana wa Yaledi, omwaana wa Makalaleeri, omwaana wa Kayinaani, ³⁸ omwaana wa Enosi, omwaana wa Seezi, omwaana wa Adamu omwaana wa Kanca.