¹ Abaluganda, timubbanga naikwiikiriza kwa Mukama waiswe Oyesu Kristo owakitinisya, erate ni mubba n'okwawula yawula omu bantu. ² Olwakubba naingira omu iramiryo lyannywe omuntu alina empeta eya zabu azwaire ebyabuyonjo, erate n'omuseegi azwaire ebitengu naingira. ³ Nanywe ni nimwaniriiza azwaire engeyee ezisai, ni musimoola muti, we ikala anu asai, '' erate ni mukooba omuseegi muti,'' we yemeera eddi'' oba aikala annsi awali akatebe kamagulu gange,'' ⁴ nka timwawukaine nwenkai na nwenkai ni mufuuka abasali abansonga ababirowoozo ebibbi? ⁶ Baitu nnywe mwagaire omuseegi. Abaguuda tiniibo babagaya ni babasika ni babatwala jebasaara emisango? ⁷ Tinibo bazuuma eibara eisai ⁵ Muwuure, baganda bange abenyendya, Okanca teyakomere abaseegi bamunsi okubbanga no buguuda obwakwikiriza, nokusikira obukama bweyasuubize abamwendya? ⁸ Baitu ni mubba mwikiirya aiteeka rini erya bukama bwamateeka, nka nikya wandikiibwe kiti, ''oyendyanga omuntu omwiirawo nka niweyendya wenkai,'' mukola kusai. ⁹ Baitu ni mwesororanga omubantu, mubba mukoore kibbi, ne misingibwa amateeka nka basiisi. lyemwetebwa? ¹⁰ . Kubba omuntu yeena naaba akwata amateeka goona, baitu n'asobya omwiiramwe, abba airye omusango. ¹¹ Kubba oyo eyabazire ati, ''toyendekuzanga'' ate nasimoola ati toitanga, oba ofuukire musiisi wamateeka . ¹² . Musimoolenge erate mukolenge mutyo nka abakwaba okusarwa omusango namateeka agamirembe. ¹³ . Kubba omusango tigubbaaku kusaasirwa eddi atasasira, baitu okusasira kuwangula ¹⁴ . Kigasa kityai, abaluganda, omuntu nasimoola ati alina okwikiriza naye natabba na bikolwa? Okwiikiriza okwo kuyinzaokucungura? ¹⁵ Niwabawo owaluganda omusaiza aba omukali nka bali bwereere, nk’emmere eya buli lunaku tebbamala. ¹⁶ Era omwe ku nnywe nabakooba ati mwabbe nemirembe, mwikutte, mubugume '' naye natabawerye omubiri bye gukwendya '' kigasa kityai? ¹⁷ Erate nokwikiriza nimo kuli kutyo, nkutabbaku bikolwa, kwonkai nga kufiire. omusango. ¹⁸ Baitu omuntu alisimoola ati,'' olina okwiikiriza, nanjje nnina ebikolwa.'' Ndanga okwiikiriza kwamu awatali bikolwa byaamu, nanje olwabikolwa byange, nakulangire okwiikiriza kwange. ¹⁹ Okwiikiriza nka Okanca ali omwei, okola kusai, erate ne dayimooni zayikiriize, ni zikankana. ²⁰ Baitu oyendya okutegeera, we omuntu atalumu, nko okwiikiriza awatali bikolwa tikuliku kye kugasa? ²¹ Ibulayimu ozeizzawaiswe tiyawebweibwe bwikiriiri olwa bikolwa, ni yawaireyo Isaaka omwana wamwe oku kyoto? ²² Oboine nka okwiikiriza kwamwei kwakoleire amwe ne bikolwa byamwei, erate okwiikiriza kamwei okwaikiriziibwe olwa bikolwa bwamwei. ²³ Ekyawadikibwe ni kikiira ekisimoola kiti, oyibulayimu naikiriza Okanca, ni kumubaarwa okubba omwikiriiri, nayetebwa munywani wa Kanca. ²⁴ Mukubona ng'omuntu aweebwa obwikiriiri lwa bikolwa, atse ti lwa kwiikiriza ²⁵ Erate OLakabu eyayendekuzzanga atyo tiyaweweibwe bwikiriiri lwa bikolwa, kubba yasembeirye abakwenda, nabakalya omu nzira eyindi? ²⁶ Kubba nk’omubiri awatali mwoyo niwo guba nka gufiire, erate nokwiikiriza kutyo awatali bikolwa nka kufiire. Essuula 3