¹ Timubanga begesha baingi, baganda bange, nka mumaite nka iswe abegesha tulisarwa omusango ogusinga obukooto. ² Kubba sweenasweena tusiisa mubingi omuntuyena yeena ntasobya mukigambo, oyo niye muntu aikiriire asobola nokuziyiza erate n’omubiri gwamwe gwoona ³ Baitu muta ebyooma byambalasi omuminwa zaazo ale zitugondere tuyinza okufuga emibiri zaazo zoona zoona. ⁴ Bona, amaato, gonze nka gakooto gatyo erate gatwalibwa opuungwo owamaani, egayi egitono omuno niyo egitwala woona woona omugiimbi ejasima nka okutaka kwamwe nikuli. ⁵ N’olulumi nimwo luli; lutyo nikyo ekitundu ekitono, lwenyumikirya muno. bona emiisale ejingi egyenkanaawo okwokyebwa akaaro akatono katyo. ⁶ N’olulumi muuro: ensi eyabubbi omubitundu byaiswe nilwo lulumi, olusiisa omubiri gwoona, erate olukoleerya enamuzinga owabitode byoona byoona erate olukolerebwa egeyena. ⁷ Kubba buli kiika kya bibisolo, nebinyonyi, nebyekulula nebyenyanja bifugika ate bifugibwa bantu. ⁸ Baitu Olulumi ndowo muntu asobola okulufuga, bubbi obutatangirwa luyizuire obusagwa obwiita ⁹ Olwo nilwo lwetuwagirizisya Omukama wayiswe niye oitaiswe; ate olwo nilwo tukolimirya abantu abakoorwe omukiisani kya Kanca. ¹⁰ Omumunwa ogumwe nimwo muzwa okuwangiriiza nokukolima. abaluganda ebyo tikibisanira kubba bityo. obwiita. ¹¹ Enyiido emwe eyaizuba ekulukuta amazi agasai nagakusaara omunyindo emwe? ¹² Omutini gusobola, abaluganda okutaku ezeyituni, oba omuzabibu okutaaku ettiini? so amayizi agamunyu tigasobola kuzwaamu gasai. ¹³ Nani alina amagezi nokukwetegya omunywe? Omupisa ezisayi alangenge ebikolwa byamwe omububeefu namagezi. ¹⁴ Baitu nimubba nobwiiya obwandi, nokulwana omumwoyo gwanywe, timwennyumirizaanga ate timubeyeganga okutangira ¹⁵ Amagezi ganu tinigo gazwa omwiiguru, baitu gamunsi gabubyaliranwa, ga sitaani. ¹⁶ Kubbanga owabba obwiiya n’okulwana, niwo wabba okutabuka nabuli kikolwa ekibbi. ¹⁷ Baitu amagezi agazwa omwiiguru okwekeera galongoki ate gamirembe, gawumbeeki, gawulize gayizwire okusaasira nebibala ebisai, atalina kwawula, agatalina bukuyikuyi . ¹⁸ Erate ekibala ekya butukirivu kisigibwa omu mirembe eji abo abaleeta emirembe. Essuula 4