¹ Okwiika okukwetaaga kunni, kristo ni yatutaisulisiry ² Nje Opaulo omwenyini nkunakooba nti, bokubatayiriira, ciba cikutegeeza nko Okristo talina muganulo jemuli. ³ Erate nkweendya okubalamba nti kisai omuntu okusima okumukomola ateeka okwiciirya ebya mateeka goonagoona. ⁴ Era abo okunywe abendya okuba abaikiriiri olwokuciirya amateeka, mubba mwekutuire oKristo benyini ate muzwwiire mukisa kya Kanca. ⁵ Naye iswe nka tukwakaara omu mwoyo olyokwikiriza tutegeera nti tulina eisubi eryokuweebwa obwikiriri. ⁶ Kubba nitweyimba omukristo Yesu, okukomolebwa no obutakukomolebwa, byenkana. Ecikulu kwiikiriza okubonenkera omu kweendya. ⁷ Ate Mwaali mukola kusai, nanni eyabalemeserye okugodera amazima? ⁸ OKusedebwasedebwa okwo tekwazwire edi oyo ayabeteere. ⁹ Nka mbakooba: kazimbulukusse kadyoli, kkazimbluukusa ogutole ogwenkano gwonagwona. ¹⁰ Mu mukama waiswe nkakasa nti temwinza okwaaba nabirowoozo byabandi ebitakuyayana na byange ate nto oyo atambula nibwalibani nibwaliba naani alibonerezebwa. ¹¹ Baitu aboluganda, oba nka omukwegesya kwange ncukoba abantu okutayiirwa, lwaakibankiriga? Ate singa eco cityo nimo ciri, singa bye njegesya okumusalaba tibicaalinkonge je muli. ¹² Abantu abo abatambula (abababuguutania) nanditakire berawure cimye! ¹³ Baitu nnywe abaluganda, mwayetaibwe kwetaya. Baitu mutasimirya kwetayaaya kwanywe okwo kubazweeramu okufugibwa okwokuyaayana okwamubili jaanywe. Naye omukwendyangana muwerezenganie nwyenka na nywenka. ¹⁴ Kubba amateeka goonagoona gakiririirwa mulini erimwe elikoba litti: '' oyendyanga omuntu omwilawo nka bweweyendya wenkai''. ¹⁵ Naye, nemwairra omukwesomasoma nokugadyagadya abairabanynwe, musaine mwerinde, kuba musobola okwemalawo nnywenkai nannywenkai. ¹⁶ Cini nico nkukoba, muleke obwomi bwanywe bufugibwe mwoyo, mutasima kogondera kwegomba kwa mubiri. ¹⁷ Kubba omubiri byegwendya omwoyo tegate omwoyo gwe byendya omubiri tegubyendya; buli cimwe ciwakanna ne cieaaco notasobola kukola nka bwokwendya. ¹⁸ Naye omwoyo nka bwaaba ngakulangiririrye oba tocafugibwa mateeka ago. ¹⁹ Omubiri byegukola teby erate bini: Obusiani, obugwagwa, okuwemula, ²⁰ Okulamya ebitali bya kanca, Okuloga, enzigu, okwereega, Obwiiya, Obusungu, empaka, Okwaukana, okwekutulamu. ²¹ Eitima, okutamira, ebinyumo, nebirinka ebyo; ncubalabulanga binasokkere okubalabula nti abakola ebyo, tebalina namugabo mubu kama bwa Kanca. ²² Baitu ebibala bye mwoyo; kwendya, kusanyukka, mirembe, ²³ buwumbeki, okwengedereza; kisa, busai, kwiikiriza, buwumbeki, okwegendereza, oku biri nka ebyo ndoo mateeka. ²⁴ Nabo aba kristo Yesu bakonereire okumusalaba emibiri jaabwe no mwolonko nokwegomba kwaago ²⁵ Netumba aboomi okulwamwoyo tuleke omwoyo afuge obwomi bwaiswe. ²⁶ Tulemenger okwenyumirizanga obwerere, nka twesunguwalyanga iswekai naisweikai, nka tukwatibwa obwiiya iswenkai na sweinkai. 6