¹ .Abaluganda, omuntu yeena yeena niyayajibwanga nla akoore ekisobyo, conacoona, nywe abkakatire omu mwoyo musaine okumugololla, naye nka tumukolesya bukambwe naye nywena mwekuma obutagwa mukukemebwa. ² Buli muntu ajunenge omwiraamwe, obwo mube muikiriirye eitaaka rya Kristo ³ Olwa kubba omuntu niyerowoza okuba ekintu, nka tinimwo ali, aba yebegambe. ⁴ Baitu buli muntu akeberenge omulimu gwamwe yenkai; nokwenyumiriza kwabanga muye, naye ti muwondi. ⁵ Lwakuba buli muntu alyetika omugugu gwaamwe yenkai. ⁶ Ale oyo ayegesebwa, ekigambo awengeku oku byamwe oyo amweegesya. ⁷ Timubegebwanga, Okanca tasekeerwa, kubba omuntu kyasinga, nico kyalikungula. ⁸ Olwakuba alisigira omumubiri gwamwe, alikungura mukujunda. Oyo asigira omu omwoyo, alikungula obwoomi bwa mwoyo abutaliwawo. ⁹ Mutairiiranga amukukola ebisai; kuba nimutakerwa, ebiro nibirika, tulikunga nga tutukusolokoteera. ¹⁰ Ao ni netwafunanga akaganya, tubakorenge ebisai boonaboona. Okusingira cimwe anaiswe omuyumba ya kwikiriiza (bwikiriri). ¹¹ Mubonne obukolo bwe nynigutta zempandikire nomukono gwange omwenyenere. okutairirwa, mibo byendya okwesuta omubyo kuruguru nekindi, bendya kwesenda okuyiganya olwomusalaba gwa Kristo. ¹² okutairirwa, mibo byendya okwesuta omubyo kuruguru nekindi, bendya kwesenda okuyiganya olwomusalaba gwa Kristo. ¹³ Kubba nibo abatambura okubuakutayiirwa tibakwata mateeka, bendya nywe, mwiikirye ebyo olwo ni besuta basobole okwenyumirizanga olwokubampikiria nibasima okubakolamu omukolo okumibiri gyanywe. ¹⁴ Baitu nje nesuta olwo musalaba gwamukama waiswe Oyesu Kristo, gonkai kubba okumusalaba okwo ensi njibona nka kwe yakonereibwe, yona nembona nka kwe nakonereinwe. okutairwa oba obutatairwa, tinikyo cikulu ,okwiiyaku okufuka ekitonde ekiyaka. ¹⁵ okutairwa oba obutatairwa, tinikyo cikulu ,okwiiyaku okufuka ekitonde ekiyaka ¹⁶ Abo abatambura omwiteeka eryo emirembe zibenge kwabo nokusassirwa, noku Isirairi owa Kanca. ¹⁷ Okuzwa nolwaleero, omuntu yennayenna agaane okungadya lwakuba enkozu za Yesu zasarwe okumubiri gwange. ¹⁸ Ecisa kya Mukama waiswe cibenge amwee nomwoyo gwanywe, aboluganda. Amiina.