¹ Nkukotengeza kini nti omusika nga akyaali omuto tayawulibwa na mwiiru nakaddooli, goze nka niye mukama wa byoona byoona ² Baitu afugibwenge abakuuza nabba sigairee nkwiica nka entooko oitamwe jjeyarangir. ³ Tutyo isweena nitwabaile abaato, twaabaile bairu nka tufugibwa ebyoluberyeberye ebyamunsi. ⁴ Baitu okwikiira,kwabiro nikwaikire, Okanca natuma omwaana wamwe eyabyalibwe omukali, eyabyalibwe nka afugibwa amateeka. ⁵ Alyoke acungure abafugibwa amateeka, leke tulyoke tusobole okuwebwa abakufuka jjeyarangi. ⁶ Erate kubba tuli baana, Okanca yatumire omwoyo gwamwana wamwe omu mitima gyaiswe nka akukunga nti '' Aba itaiswe'' ⁷ Tutyo weena tocaali mwiru, naye oli mwana oli musika kubwa Kanca ⁸ Baitu omunaku ziddi nimwabaire nka mucaali kwetejja OKanca, mwabaire bairu babitonde ebitali bya Kanca. ⁹ Baitu atibuni nimwetejjerye Okanca, okusinga nimwetejjerwe okanca, musoboire mutya ate okwiramu okufuginwa emizimu ejo okunsi kuni ejinaki, egitagassa, mukwendya te kubba bairu babyo. ¹⁰ Mukwate ebiro, enaku, emyeezi ne myaaka nemubikulya. ¹¹ Nntinire tilwakuba nti okugada kwange jemuli okufa obwerere. ¹² Nkubegayira aboluganda, mubenge nka nje, kubba njena ndi kanywe, temunsisangaku, ¹³ Baitu maite nti olwa obunaki bwaiswe obwa mubiri nabalirire enjiri eyekeera. ¹⁴ Gonze nka nabawoteereire olwa bulwaire bwange, temwanyomere gonze okunsekera, naye mwanyikirizeko omateeka wa Kanca omu kristo Yesu. ¹⁵ Kale okumatira ookwo kwemafumire kwaire ayi? ¹⁶ Ale nfukire muzigu wanywe nka nkubulurira amzima? ¹⁷ Abo babakolesyambe nayetilwabusai; kyebendya nikyo ekyokubaigarye enzai. ¹⁸ Kisai abantu okwewumbeka omubusai enaku zoona zoona, naye tilwanje ngandi nanywe lwonkai. ¹⁹ Baana bange abatto munyongeire okubba omubuluumi obwinggi okwiica OYesu nalibabumbibwamu. ²⁰ Erate nandyendererye okubba nanywe atibuni, nokucuusa eirakka ryannge, kubba mbeeralikiriire munno. ²¹ Munkobeere nywe abendya okufugibwa amateka, temuwulirya mateka? ²² Kubba kyawandikibwe nti Ibulahimu yabaire nabaana babire, omwei wa muzaana, nowondi waidembe. ²³ Owa muzaana yabyalibwe lwa mubiri, baitu owa idembe lwa kusubira. ²⁴ Ebyo byalugero; kubba abakazi nizo endagano eibiri emwei ezwa okulusozi lwa sinaai, naye yabyaire abanabwiru, ejo niye agali. ²⁵ Agali oyo niye lusozi sinaai oluli omubwalabu, erate kyenkanakano Yerusaleemi ekyatibuni; kubbanga mwiru awamwe nabana bamwe. ²⁶ Baitu Yerusale eca mwigguru niye owa idembe, niye maiswe. ²⁷ Kubba kyawandiikibwe nti, semerwa, omugumba olubyala; Yanguwa osimoola aiguru, we atali mubulumi obwa kubyala, kubongo obona boyo eyalekerweyo baingi okusingaku oyo eyali no omusaiza. ²⁸ Baitu iswe abaluganda, tuli baana bakusubira nka Oisaaka kwe ne yabaire, ²⁹ Baitu nka omubisera bidi yabyalibwe olwa mubiri nka niyali akuganyizibwe eyabyalibwe olwa mwoyo, otyo nimwo kiri atibuni. ³⁰ Baitu ebyawandiikibwe bisimoola bityai? Pekka omuzana no mwana wamwe; kubba omwana tali sikira amwe no omwana weidembe''. ³¹ Kale abaluganda, iswe tetuli ba muzaana, naye tuli baana aba omukazi ow iddembe.