¹ Omukama oNebukaduneeza nawandikira abantu boona boona,amaanga,n'endumi,abaikala omu nsi zoona zoona:emirembe zeyongere ji muli. ² Mboine nka kisai okulanga obubonesyo neby'amageero oKanca Ali aigguru omuno bi yakoore jendi. ³ Obubonesyo bwaamwe nka bukulu! neby'amageero byaamwa nka bya maani! Obukama bwaamwe nibwo bukama obutaliwaawo,n'okufuga kwaamwe kwa miijo na miijo. ⁴ Nje oNebukaduneeza naali mwisanu omu nnyumba yange, erate nka nkunyumirwa obuguuda omu bukama bwange. ⁵ Baitu ninfuna ekirooto ekyantiisa.nebya nalowozanga oku kitabo kyange,n'omutwe gwange bigwayolesebwanga,nibineralikiirya. ⁶ Nikyo nazwiire nteeka eiteeka okwingirya jendi abakabukikabuki boona boona aba Babulooni bankobere amakuru ga kirooto. ⁷ Ale nibaingira abafuusa,nabakoba nti babaza na bafu,n'Abakaludaaya, erate n'abalaguli.Ni mbakobera ekirooto,baitu ni batankobere makuru gaakyo. ⁸ Baitu,oluzwanyuma oDanyeri naingira jendi,eibara lyaamwe Berutesazza,nka eibara lya kanca wange niriri,erate omuli omwooyo gwa bakanca abaikiiri;ninjatuura ekirooto omu maiso gaamwe nti ⁹ We Berutesazza,omukulu wa bafuusa,immaite nk'omwooyo gwa bakatonda abaikiiri guli muniiwe, ale nka ndoowo kyaama ekikukweralikiirya,nkobera bi nayoleseibwe omu kirooto kyange ki mboine na makuru gaakyo. ¹⁰ Omutwe gwange bigwayoleseibwe oku kitanda kyange byaali biti:narole,erate, bona, omusaale akati omu nsi,n'obulai bwaago bukooto. ¹¹ Omusaale ni gukula,nigubba gwa maani,n'obulai bwaago ni bwiika okwigguru,erate nka gulengerwa enkomeero zoona zoona eza nsi. ¹² Amakoola gaaku gasai, n'ebibala byaaku biinji,erate nka guluku emmere emala boona boona.Ebisolo bya mu kisiko byeigama omu kisikirize kyaago,n'ebinyonyi za mwigguru zikala ku mataji gaago,Byoona byoona ebirina omu biri byagulyangaku ¹³ Naboine omwebyo omutwe gwange bigwayoleseibwe oku kitabo kyange,erate, bona,omuloli omwikiiri naikka akuzwa omwigguru. ¹⁴ Nabazira aigguru,nakoba atitemera kimwe omusaale,ogutemeku amataji gaago,ogwiyeku n'amalagala gaaku,osansanie n'ebibala byaago:ebisolo bizwe ansi waago,n'ebinyonyi oku mataji gaago. ¹⁵ Leka ekikolo kya kikonge omwitakali,nka kiruku ekyooma ekibuwa n'ekikomo,omu kisiko ekigondu ekya mu kisiko.Erate kitotenge no musulo gwa mwigguru.N'omugabo gwaamwe gubenge n'ebisolo omu kisiko kya nsi. ¹⁶ Endowooza yaamwe ekyuuke obutabba ya bantu,erate aweebwe endowooza ya bisolo emyaaka omu sanju zimwakaleku. ¹³ Ale nibairamu omukama bati,"ODanyeri oyo,owa mu nsi ya ya bunyagi,takuwuliriirye,mukama,gonze ekiragiro kiwataireku akabonesyo.Baitu asaba emirundi isatu buli lunnaku." ¹⁴ Omukama niyawuliire ebigambo ebyo,niyeinatira muno,naswaga engeri yakuwoniamu oDanyeri okuzwa omu kiragiro kinu.Natawaana olunnaku loona loona okugezaaku okucungura oDanyeri. ¹⁹ Ale,oDanyeri,eibara lyaamwe Berutesazza,nalyooka niyeewunya akaseera , n'ebirowoozo byaamwe ni bimweralikiirya.Omukama nairamu nakoba ati Berutesazza,ekirooto kireme kukweralikiirya gonze amakuru.OBerutesazza nairamu nakoba ati mukama wange,ekirooto kibbe edi abo abakukyaawa,n'amakuru gaakyo edi abananzigu baamu. ²⁰ Omusaale guwaboine,ogwameere ni gubba ogwa maani,obulai bwaago ni bwiika okwigguru,n'okulengerwa kwaago ni kwiika oku nkomeero ya nsi yoona yoona. ²¹ amakoora gaago gasai,n'ebibala byaago biinji,erate omugo mulumu emmere emala boona boona:n'ebisolo bya mu kisiko ni bibba ansi waago,n'enyonyi za mwigguru ni ziikala oku mataji gaaago. ²² Omusaale gunu, niiwe,mukama,akuure n'obba owa maani.olwakubba obukulu bwaamu bukuure,ni bwiika omwiika omwigguru,erate n'okufuga kwaamu oku nkomeero za nsi zoona zoona. ²³ Erate,olwakubba mukama, waboine omuloli erate, omwikiiri nk'akwiika okuzwa omwigguru,erate nka akukoba ati temera kimwe omusaale,oguzikiirye:erate ekikonge kya kikolo kyaago kireke omwitakali;nka kiruku ekyooma ekibuwa n'ekikomo,omu kisiko ekigondu omundumiro.Erate kitotenge n'omusulo ogwa mwigguru,n'omugabo gwaamwe gubenge nebisolo bya mu kisiko:okwiica emyaaka omusanju nizirimwakalaku. ²⁴ Amakuru nigo ganu,mukama.Erate,niryo eiteeka ly'Oyo Ali aigguru omuno,eriziire omukama wange: ²⁵ nk'olipekebwa okuzwa omu bantu,erate olibba amwe nibisolo bya mu kisiko omundumiro,erate olirisibwa ekisiko nk'ente,erate olitota omusulo gwa mwigguru,erate emyaaka omusanju zirikwakalaku:okwiica lw'olyeteja nkOyo Ali aigguru omuno niye afugira omu bukama bw'abantu,erate abuwa buli gwayendya. ²⁶ Erate,olwakubba balagiire okuleka ekikonge kya kikolo kya musaale:obukama bwaamu bulinyweera jooli we nolimala okweteja nk'eigguru niryo likufuga. ²⁷ Nolwekyo,mukama,okuteesa kwange kwikirize.Erate,lekerawo okusiisa,okole eby'abwikiriiri,zwa omu bikolwa by'abutali bwikiriiri,osaasire abamigiirwa,erate, okukulakulana kwaamu kwayongerwaku. ²⁸ Ebyo byoona byoona byaikire ku mukamu oNebukaduneeza. ²⁹ Emyeezi ikumi naibiri nka zakairewo,yaali akutambuura oku kasolya omu lubiri lwa Babulooni, ³⁰ n'akoba ati,2 kinu tinikyo oBabulooni ekikulu,ki nayombokere okubba ennyumba ya bakama, n'amaani ga buyiinza bwange ,olwa kitinisya ky'abukulu bwange?" ³¹ Ekigambo kyaali nka kikyaali omu kanwa ka mukama,eiroboozi nirizwa mwigguru nka likukoba liti,"mukama Nebukaduneeza,kibaziibwe ku niiwe:obukama bukuzwireku. ³² Erate, wapekebwa okuzwa omu bantu,olibba amwe nebisolo bya mu kisiko omundumiro:erate olirisibwa kisiko nk'ente.Erate,emyaka omusanju zirikwakalaku okwiica n'olyeteja nk'Oyo Ali aigguru omuno niye afugira omu bukama bw'abantu,erate nka buwa buli gwayendya. ³³ omu bwiire obwo ekigambo ni kikiira oku Nebukaduneeza: napekebwa okuzwa omu bantu,nalya ekisiko nk'ente,n'omubiri gwaamwe ni gutota n'omusulo gwa mwigguru,okwiica eisoke iyaamwe niryakuure nk'ebyooya by'ampungu,n'ebyaala byaamwe nk'ebyaala by'anyonyi. ³⁴ Ebiro ebyo nibyaweire, nje, oNebukaduneeza, ni nyimuca amaiso gange edi eigguru,amagezi gange ni ganyiramu,ni nebalya Oyo Ali aigguru omuno,ni muyangiiriza niimuwa ekitinisya oyo abba omwoomi emiijo n'emiijo,olwakubba okufuga kwaamwe niko kufuga okutaliwaawo,n'obukama bwaamwe bwa miijo n'amiijo. ³⁵ N'abo boona boona abaikala omu nsi abalowooza nka tibamakulu;erate akola nka nayendya omwiye lya mwigguru;erate n'omwaabo abaikala omu nsi:ale ndoowo asobola kulemesya mukono gwaamwe,gonze oku mukoba ati,"lwaki okooro otyo?" ³⁶ Omu biro ebyo amagezi niganyiramu,ekitinisya kya bukama bwange, n'okumeremenya kwange ni binyiramu.Abakungu bange n'abaami bange ni banswaaga;ni nywezebwa omu bukama bwange,n'obukulu obwinji omuno ni bunyongerwaaku. ³⁷ Ale nje,oNebukaduneeza,mmuyangiriza ,mmugulumiirya,erate nkumuwa ekitinisya omu Omukama waigguru:olwakubba emirumo zaamwe zoona zoona mananu,n'amazira gaamwe ga nsonga.n'aabo abatambuura omu malala asobola okubaikakania.