¹ Omukama oNebukaduneeza yakoore ekiisani kya zaabu,obulai bwaakyo emikono mukaaga:nakyemeerya omu lusenyi lwa Duura,omw'isaza lya Babulooni. ² Ale oNebukaduneeza natuma okukumbaanya abamasaza,n'ababaiririira,n'abasemberayo kimwe amwe,n'abawabula,n'abawanika,n'abalamuli n'abamateeka,erate nabakulu boona boona aba mwisaza,baize edi ekiisani oNabukaduneeza omukama kiyayemereirye nka kikuwongebwa ³ Ale Abamasaza,abaiririira,nabasemberayo kimwe,nka otaireku n'abawabula,abawanika,abalamuli,abamateeka,erate n'abakulu boona boona abamw'isaza ni bakumbaana olwa kuwonga ekiisani oNabukaduneeza omukama ki yayemereirye;Ni bemeera omu maiso ga kiisani oNabukaduneeza ki yayemereirye. ⁴ Ale omulangiiri na bazira aigguru ati,"Nywe mulagirwa,nywe abantu,amaanga,n'endumi, ⁵ ni mwawuura eiraka lya kagombe,n'omulere,n'ennanga,n'amadinda,n'ekidongo,n'ekondeeri,na buli ngeri yoona yoona evuga,ni mulyooka ni mwinama ni muramya ekiisani kya zaabu oNebukaduneeza omukama ki yayemereirye. ⁶ Erate, buli eyalema okwinama n'okuramya omu kiseera ekyo alinnagibwa akati omu kikoomi ekyaaka n'omuuro." ⁷ Ale abantu boona boona nibawuliire eiraka lya kagombe,n'endere,n'ennanga,n'amadinda,n'ekidongo,na buli ngeri yoona yoona evuga,abantu boona boona,amaanga,n'endumi,nibalyooka ni bainama ni baramya ekiisani kya zaabu oNebukaduneeza omukama kiyayemereirye. ⁸ Ale omu biro ebyo Abakaludaaaya abamwe ni baiza,ni bawabira Abayudaaya. ⁹ Ni bairamu ni bakoba oNebukaduneeza omukama bati,"mukama, obeenge omwoomi emiijo joona . ¹⁰ We ,mukama wateirewo eiteeka nti buli eyawuura eiraka ly'akagombe,n'endere,n'ennanga,n'amadinda,n'ekidongo n'ekondeeri,na buli ngeri yoona yoona evuga, yainama n'aramya ekiisani kya zaabu: Erate, buli eyalema okwinama n'okuramya alinnagibwa akati omu kikoomi ekyaaka n'omuuro. ¹² Ale walowo Abayudaaya abamwe be wakuurye omu bigambo by'aisaza lya Babulooni,oSaddulaaki,oMesaki,no Abeduneego:abasaiza abo,mukama,ti bakuwuliriirye: tibawereize bakanca baamu,Erate ti baramirye kiisani kya zaabu ki wayemereirye. ¹³ Ale oNebukaduneeza nalyooka nasunguwala nafuna ekiruyi,nalagira okuleeta OSaddulaaki,oMesaki n'Abeduneego.Ale ni baleeta abasaiza abo omu maiso ga mukama. ¹⁴ ONebukaduneeeza nabakoba ati,nywe Saddulaaki,Mesaki, n'Abeduneego."mukigendereire mbbe obutawereza bakanca bange n'obutaramya kiisani ki nayemereirye? ¹⁵ Ale ni,ni mwaikiriza nka muwuliire eiraka lya kagombe n'endere,n'ennanga,n'amadinda,n'ekidongo,n'ekondeeri,na buli ngeri yoona yoona evuga,okwiinaman'okuramya ekiisani ki nakoore,ale: baitu, ni mutaramye, omu kiseera ekyo mwannagibwa akati omu kikoomi kya muuro.Erate,okanca alai oyo eyabawonia omu mukono gwange?" V 16 OSaddulaaki,oMesaki,n'Abeduneego ni bairamu ni bakoba oNebukaduneeza omukama bati,"ti kisanira iswe kwiramu omu kigambo kyaamu. ¹⁷ Nikyabba kityo,oKanca waiswe gutuwereza asobola okutuwonia omu kikoomi kya muuro,erate yatuwonia omu mukono gwaamu,mukama. ¹⁸ Baitu,ni kitaabe kityo ,weteje, mukama,nka titukwaaba kuwereza ba kanca baamu,gonze okuramya ekiisani ekya zaabu ki wayemereirye." ¹⁹ Ale oNabukaduneeza nalyooka nasunguwaara kimwe; nengeri ya maiso gaamwe nigakyuuka edi oSaddulaaki,oMesaki,n'Abeduneego.Nalagira ekikoomi kyaake emirundi musanju okusiinga nikyaali kyakire. ²⁰ Ale nalagira aba maani abamu iye lyaamwe okubbuwa oSaddulaaki,oMesaki,n'Abeduneego,okubannaga omu kikoomi ekyaaka n'omuuro ²¹ Ale ni bababbuwa nka bazwaire ebizwaalo byaabwe,ne kanzu zaabwe n'eminagiro zaabwe,n'engoye zaabwe ezindi,ni babannaga akati omu kikoomi ekyaaka n'omuuro. ²² ale olwakubba,ekiragiro ky'amukama tikiribwaamu,erate n'ekikoomi nka kyakire muno,endumi za muuro niziita abasaiza abo abakwaite oSaddulaaki,oMesaki,n'Abedunego. ²³ Abasaiza banu abasatu,oSaddulaaki,oMesaki,n'Abeduneego ni bagwa akati omu kikoomi ekyaaka n'omuuro,nka babbuweibwe. ²⁴ Ale oNebukaduneeza omukama,niyewuunya muno n'ayanguwa naimuka.Nabuulya abakungu baamwe,"Titunagire abasaiza basatu nka babbuweibwe akati omu muuro? Ni bairamu ni bakoba,omukama bati, "Mananu", mukama. ²⁵ Nairamu nabaza ati bona,"nje nkubona abasaiza banai nka basindabule,nka bakutambuura akati omu muuro,baiti nka tibaluku kabbi : N'okwisana kwa wa kanai ku kwisana omwaana wa bakatonda." ¹³ Naboine omwebyo omutwe gwange bigwayoleseibwe oku kitabo kyange,erate, bona,omuloli omwikiiri naikka akuzwa omwigguru. ¹⁴ Nabazira aigguru,nakoba atitemera kimwe omusaale,ogutemeku amataji gaago,ogwiyeku n'amalagala gaaku,osansanie n'ebibala byaago:ebisolo bizwe ansi waago,n'ebinyonyi oku mataji gaago. ²⁸ ONebukaduneeza nakoba ati," omukama wa Saddulaaki,oMesaki,n'Abeduneego yebalibwe,atumire ontumwa waamwe,erate awonerye abairu baamwe abamwesigire ni bakyuusa eiragiro kya mukama,erate ni bawaayo emibiri zaabwe,baleme kuwereza ,gonze okuramya okanca yeena yeena,wazira oKanca waabwe bo. ²⁹ Nikyo nzwa nteeka eiteeka,nka buli muntu,neiyanga,n'olulumi,ababazanga okubbi oku Kanca wa Saddulaaki,oMesaki,n'Abeduneego,balitemebwatemebwa,n'ennyumba zaabwe zirifooka ntuumo yabisasiro: olwakubba,ndoowo kanca wundi asobola okuwonia omu ngeri etyo. ³⁰ Omukama nalyooka nakulya oSaddulaaki,oMesaki,n'Abeduneego, omw'isaza lya Babulooni.