¹ Omu mwaaka gw'akasatu ogwa Kuulo omukama wa Buperusi,ekigambo kyaswekuliirwe oDanyeri,eyayalikiibwe eibara Berutesazza; n'ekigambo kyaali kya mananu,nizo entalo ezikooto:niyeteja ebigambo,niyetejerye biyayoleseibwe. ² Omu nnaku ezo nje oDanyeri namaare esabbiiti isatu ziramba nka ndi mukukungubaga. ³ Tinaalyanga mmere jisai,tinalyanga nyama,gonze okunywa omwenge,Tineesiganga mafuta okwiica okumalaku esabbiiti eisatu zoona zoona. ⁴ N'oku lunnaku ol'abiri neinai olw'amweeziogw'ekeera,ninaali oku mabbali g'amwiiga ogukooto,nigo Kiddekeri, ninyimuca amaiso gange,,nindola,erate bona, omusaiza azwaire ebbafuta,nka yebbuwire omu nkende ozaabu omusai owa Ufazi:erate,n'omubiri gwaamwe gwaali nka oberulo,n'obusyo bwaamwe nk'okumesya nikwisana,n'amaiso gaamwe nk'amataala g'amuuro,n'emikono zaamwe n'amagulu gaamwe byaali nk'ekikomo ekinyiriri.N'eiroboozi lya bigambo byaamwe nk'eiroboozi lya kibuura ekikooto. ⁷ Nje oDanyeri, naboine binayoleseibwe njenkai:olwakubba abantu abaali nanje tibaboine binayoleseibwe: baitu,okutengera oku kooto ni kubagwaaku,nibairuka okwekeeka. ⁸ Ale nje ninsigala omwei njenkai nimbona ebigambo ebyo ebikulu binayoleseibwe.Ale nimpwaamu amaani,olwakubba obusai bwange bwafookere kijundi omu nje,nintabbe n'amaani tte. ⁹ Erate,nimpuura eiroboozi ery'abigambo byaamwe, ningwa ansi oku maiso gange nimbasya otulo twinji muno. ¹⁰ Erate, bona,omukono nigunkwaata,nigunfukamiya oku maviivi gange n'okupipatu by'angalo zange. ¹¹ Nankoba ati,we Danyeri.oli musaiza mwende muno,weteje ebigambo binkukobera,yemeera,olwakubba edi we nijo ntumirwe ati: erate,niyamaare okunkoba ekigambo ekyo, ninyemeera nka nkutengera. ¹² Ale nankoba ati,otatiina.Danyeri:olwakubba, okuzwa oku lunnaku luwekereire okuteekateeka omutima gwaamu okweteja,n'okwewumbeeka omu maiso ga Kanca waamu,ebigambo byaamu byawuliirwe: nanje nyizire lwa bigambo ebyo. ¹³ Ale omulangira wa bukama bwa Buperusi nanemesya,nimbeeyo n'abakama ba Buperusi ennaku amakumi abiri n'alumwei.Baitu, bona, oMikayiri,omwei oku balangira abakulu,naiza okunyamba. ¹⁴ Atubuni nyizire oku kukobera ebiribba oku bantu baamu omu nnaku za nkomeero: olwakubba biwayoleseibwe bya nnaku ezikyaali alai tte. v 15Erate,niyamaare okunkoba ebigambo ebyo,ninkutamya amaiso gange ninsirika. ¹⁶ Erate,bona eyasaine nk'abaana ba bantu nakoma oku minwa zange,ale ninyasamya akanwa kange,ninsimoola,ninkoba oyo anyemereire omu maiso gange nti "mukama wange,olw'ebyo binayoleseibwe ndi mu nnaku; tindina maani tte. ¹⁷ Nje ndi mwiru waamu,nyiinza atyai okusimoola n'Omukama wange? amangu ago amaani nigampwamu erate,n'omwiika nigumpwaamu." ¹⁸ Eyaali nk'ekisani ky'amuntu,n'ankwataku n'ampa amaani. ¹⁹ Nakoba ati,we omusaiza owende omuno,otatiina:emirembe zibbe jooli,bba n'amaani, nimwo mbbe, bba n'amaani.Ale niyasimoire nanje,nimpeebwa amaani ninsimoola nti,"Mukama wange simoola,olwakubba ompaire amaani." ²⁰ Nakoba ati,"omaite lwaaki nyizire jooli? atubuni nairayo okulwaana n'omulangira owa Buperusi:erate, nindizwaayo, bona, omulangira wa Buyonaani aliiza. ²¹ Baitu,n'akukobera ebyawandikiibwe omu kitabo kya mananu.Ale ndoowo ali ku ludda lwange okulwanisya abo,wazira,oMikayiri omulangira wanywe.