¹ Kale oba nga mwayimbokere amwe ne kulisiko, muswagane ebiri muigulu, Kristo ayikaale kumukono oguliyo ogwa Kanca. ² . Mulowoozenge kubyamuyiguru, soti ebiri kunsi. ³ . Kubbanga mwafiire, n'obwomi bwanywe bwakwekere amwe ne Kristo mu Kanca. ⁴ . Kristo, obwomi bwaiswe, bw'abonekerwe, era nanywe nemusobola okubonekerwa amwe naye mu ⁵ . Kale mwefirize ebyensi omunywe; obwensi, obugwagwa, okwegomba kwe nsoni, akooro n'okuyayana nikwo okusinza ebifwananyi. ⁶ . Kulwebyo obusungu bwa Kanca busamukira kubaana abatawuura. ⁷ . era nanywe mw'ebyo nimwo mwatambuliranga eirai, ni mwabikolanga ebyo. ⁸ . Naye ati, era nanywe mukolewo byonna byonna, obukambwe, ekiruyi, eittima, okuzuma, era n'okunyunya eby'ansoni mumunwa ⁹ . Timubeyegananga nyenkai na nyenkai; kubbanga mwamweyambwireku omuntu awaira amwe n'ebikolwa by'amwe. ¹⁰ . Nimuzwala omuntu omuyaka, aindurwa okubba omuyaka olw'okumanya mu kifwanyi ky'oyo eya mutondere. ¹¹ . Awo wabbanga tiwa caliwo kwawula, muyonaani na muyudaaya, eyarairiirwe n'atatairirwe, omunamawanga n'omusukusi, omwiru n'oweiddembe, naye Kristo niye bintu byonna era ali mu byonna ¹² . Kale muzwale ng'abulonde bu Kanca abaikiiriirye era abamukwano, omwoyo gweisaasi, obusai, okwewombeka obutebenkeri, okuguminkirizai. ¹³ . Nga muzibikiryangana, era nga musonyiwagananga mwenkai na mwenkai, omuntu yenne yenna bwabanga nensonga kumuntu omuyiramwei era nga omukama waiswe bweyabasonyiwire nywe, era n'anywe musonyiwanganenga. ¹⁴ . Ku ebyo byonna byonna era mwazwareku okwendyagana, kubbanga nikwo kugumya ebintu byonna ¹⁵ . Era emirembe gya Kanca ziramulenge mu mitima gy'anywe, era gye mwaiterwe mu mubiri ogumwei era mubenga n'okwebalya. ¹⁶ . Naye ekigambo kya Kristo kibenge mu nywe n'obugaigai mu kumanya kwonna kwonna nga musomesagananga era nga mulabulagananga nyenkai na mwenkai mu zabuli n'enyembo, ebiyiye eby'omwoyo, nga mwebalya OKanca mumitima gy'anywe. ¹⁷ . Era buli, kyemuna kolanga, mu kigambo oba mu kikolwa, mukolerenge byonna byonna mwiibara ly'omukama waiswe Yesu, nga mwebalya Kanca otaiswe nga mwakara mu ¹⁸ . Abakali, muwurenge abamibanywe nga nikiri ekisai mu mukama waiswe. ¹⁹ . Abasaiza mwendye nye abakali banywe, so timubasunguwalanga. ²⁰ . Abaana, muwurenga ababyare bamye mu byonna byonna, kubbanga ekyo kisemerya omukama. ²¹ . Baitabwe, timusunguwalyanga baana b'anywe, balemenga okwirira mu ²² . Abairu, muwurenge bakama b'anywe abomunsi mu byonna byonna, tikubasemerya kubanga babonere, naye mubagonderenga n'omutima ogutalumu bukulupya, nga mutina omukama waiswe. ²³ . Buli ce mukoola mukikolenga n'omutima gw'anywe gwonna gwonna, ng'abakolera omukama waiswe, so ti abantui. ²⁴ . Nga mumaite nga mulisasulwa omukama waiswe empera eyobusika, omuwereza omukama waiswe Yesu Kristo. ²⁵ . Kubanga eyasisire alisasulwa nkabwe yasisire, so ti walibba kusalirya. 4