¹ . Kubbanga nkwendya nywei okweteja okutuba nikuli okukoto kwe nina okulwenywei nabo abomu lawodikiya, na bonna bonna abatabonnanga maiso gange omu mubiri. ² . Emyoyo janywei jinyoke jisanyuke nka bagatibwa omu kwendyangana, nokwika okubugaiga bwonna bwonna bwakwetja okwamagezi, bamanye nka ekyama kya Kanca, OKristo. ³ . Omuniye obugaiga bwonna bwonna obwamagezi nokweteja nywe ⁴ . Kini nki bakobera waleme kubawo omuntu yenna yenna abatola okubigambo nokubasenda senda. ⁵ . Kubbanga wade nka tindiyo omumubiri, baitu omumwoyo ndi nanywei, nka kusanyuka era nka kubona empiza zanywei ezisai, nobugumu obwa kwikiriza kwanywei omu ⁶ . Ale nka nimwawerebwe OKristo Yesu omukama waswei, mutambure nka mutyo amwei naye, ⁷ . Nka mulina eberenga, era nka mukombokebwa omu ye, era nka mukugumya okwikiriza kyanywei, nka ni mwayegesyebwe, nka mwakalirirye okweba ⁸ . Mwekumenga waleme kubawo muntu abaiba omu bufirosoofo nebya bubeyengi ebitalimu, nebyegesyebwa abantu omubuwanga bwabe abo, nokusengerya emyoyo jansi okutali kusengerya Kristo. ⁹ . Kubbanga omu myoyo no mubiri mwe mwikara omukwikirya obukama bwa ¹⁰ . Era mwafunire obwomi obwizuli omu ye, ye nigwo mutwe ogwobukulembeze no bukama bwonna bwonna. ¹¹ . Era mwa bambibwe mu niye, ni mweyambwire omubiri omu komolebwa kwa Kristo. ¹² . Ni mwazikibwe amwe naye omu kubatizibwa, era nywei mwa yimbokere amwe naye olwa kwikiriza okukyungura kwa Kanca, eyayimbokere omu ¹³ . Nanywei nimwali nka mufiire alwakusisa kwa nywei no butakomwolebwa mibiri janywei, yabafire abommi amwe naye, ni yamare okutusonyiwa okusisa kwaswa kwonna kwonna; ¹⁴ . Era natolawo edagano eya wandikibwe omu mateeka, eyatukanga okwikirya ebbiragiro byamwei, ni yasikomerere oku musalaba. ¹⁵ . Niyatweireku abami obukama, nabatikirya omu lwatu nabawangura ¹⁶ . Nakityoo tebangawo muntu yenna yenna abasara omusango omu byakulya oba ebyakunywa, oba olwa mbaga oba olwa mwezi okubuneka oba olwa ssabiiti. ¹⁷ . Kubbanga ebya kituru kyebyo ebikwaba okwizza, baitu ekya mugaaso mye Kristo. ¹⁸ . Omuntu yenna yenna tabanyagaku mpeera yanywei omukwegondya kwanyendya yenkai nokuramyanga abantumwa, nka nkugumira omwe byo byeyabwene, nka akwekinkiniza bwerere omumagezi agomubiri gwamwei. ¹⁹ . Ate nka takwekwatisya mutwe, omuzwa omubiri gwonna gwonna, ennyinyo nebigumwa nka biguletera era nka bigugaita amwe, nka gukula no kulisibwa kwa ²⁰ . Oba nka mwaferere amwe no Kristo okuleka emyoyo jonna jonna ejensi, lwaki mukweyakalya nka abakyafugibwa ebyensi? ²¹ . Nti tukwatangaku, ate tolozangaku, era tokomanga ku, ²² . Ebyo byonna byonna biriwawo, era okwo tikuba kusengerya biragiro nokwegesya kwa bantu? ²³ . Ebyo bikuboneka nka ebyamagezi (okumanya) omu ngeri yokuramya OKanca abantu kwe batawo bonkai no mukonda kye bigasa nakadyoli omu kufuga okwegomba kwa mubiri.