¹ .Baitu oSawulo bwe yaali aokusimoola ebigambo eby'okutiniisya neby'okwita abegesya ba Mukama waiswe,nayaba ewa Kabona asinga obukulu. ² Namusaba ebbaluwa ezz'okwaaba e Damasiko.edi abakumbaniira n'alibonayo abantu ab'enzira,eyo oba abasaiza oba abakali;ababbowe abaleete e'Yerusaalemi. ³ .Awo niyaali nk'akutambula nka alampi okwika e Damasiko;amangu ago ekimyanso kya isana kikooto ekikuzwa omwiguru nikimwaakira okumwetoolola. ⁴ Nagwa ansi; nawuura eiraka nka li kumukoba ati Sawulo !Sawulo! okundisalisaniryaki? ⁵ Namukoba ati we niwe naani?mukama wange namwiramu ati ninje oYesu;gw'okuyigganya we. ⁶ Baitu wekeere oimuke oyingire omu kibuga;wakoberwa ebikugwaniire okukola. ⁷ .Baitu be yaali akutambula nabo nibemeera nibasamaalira, olw'okubba bawulire eiraka baitu tibabweine. muntu. ⁸ .oSawulo niyaimukire ansi, amaiso bwe bwegalibwirye nka takyabona bantu nibamukwata oku mukono nibamuleeta e Damasiko. ⁹ .Namala ebiro bisatu nka tabona,erate nka taalya erate nka taanywa. ¹⁰ . Yaaliyo omwegesya omu Damasiko eibara lyaamwe Ananiya; Omukama waiswe namukoba omukwolesebwa ati Ananiya;namukoba ati bona nje ninje omwei ati Mukama wange. ¹¹ .Omukama waiswe n'amukoba ati oimuke oyaabe omu nzira eyetebwa Eigolokoki obuulirye omu nnywumba ya Yuda omuntu eibara lyaamwe Sawulo owe Taluso;olw'okubba bona akuramya. ¹² . Erate aboine omuntu eibara lyamwe Ananiya aingiire namutaaku emikono alibulye. ¹³ .Baitu Ananiya nairamu ati Mukama wange,Omuntu oyo n'awulire ebigambo byaamwe omu baingi;obubbi bwe yakolanga abaikiiri baamu abaali eYerusaalemi, nka nibwali obwingi muno. ¹⁴ .Naani, alina obuyinza okuzwa omu bakabona abakulu,okubasiba abo bonna abakusaba omwibara lyaamu. ¹⁵ .Baitu Omukama waiswe namukoba ati yaba;olw'okubba oyo nikyo kibya ekironde gye ndi okutwalanga eibara lyange omu maiso g'amawanga,n'abakama n'abaana ba Isiraeiri. ¹⁶ .Ananiya n'ayaba naingira omu nnyumba bwe yamutaireku emikono, nasimoola ati ow'oluganda Sawulo; Mukama waiswe abtumire oYesu eyakubonekereiku omu nzira gye wawulikiremu. ¹⁷ .Ozibule,oizule omwoy akweera. ¹⁸ .Omubwangu amaiso gaamwe nikubba nk'ozwireku amagamba; nalibulya nayemeera nabatiizibwa. ¹⁹ . Bwe yatwoire emere nafuna amaani:Nabbbanga nabegesya abbanga omu Damasiko ennaku zingi muno. ²⁰ Omubwangu nabuulira oYesu, omu makumbaniiro, nk'oyo niye mwana wa Kanca. ²¹ Bona abamuwulire nibewuunya ni bakoba ati tiniye oni eyanyanganga abaramyanga omu Yerusaalemi, abaramyanga omwibara eryo; erate nikyo kyamuletere na wanu abakwate, abasibe abatwale omu bakabona abakulu. ²² Baitu oSawulo niyeyongeranga amaani nakwatisyanga nka ensoni Abayudaaya abaali baika omu Damasiko nk'akutegereza kimwe ati oyo niye Kristo. ²³ .Awo niwayakairewo ebiro bya kwezi bingi muno, Abayudaaya nibatesya okumwita. ²⁴ . Baitu oSawulo amagezi gaabwe n'agamanya nibetyekanga oku nyige emisana nobwire okumwita; ²⁵ .Baitu abegesya baamwe nibamutwala bwiire omu kisenge nibamwikirirya ansi omu kisero oku miguwa. ²⁶ .Niyaikire e Yerusaalemi,nagezyakau okwegaita nabegesya:niba mutina bona nka bakyaali kwikiriza yeena mwegesya. ²⁷ .Baitu oBalunabba namutwla edi abakwenda nabakoba nkabweine Omukama waiswe omunzira, atiya yasimoire baitu,era te n ka yabuulire n'obuvumu omu Damasiko mwibara lya Yeesu. ²⁸ .Nabbanga amwe n'abo naigiranga nk'awuluka nk'omu Yerusaalemi. ²⁹ . Nk'akubuulira n'obugumu omu ibara lya Mukama Waiswe;nasimoola,nawakananga n'Abakerenesiti,Baitu bona nibagezaaku okumwita. ³⁰ .Abooluganda mbategeire nibamutwala eKaisaaliya nibamusindiika eTaluso. ³¹ .Awo eiramyo eryaali omu Buyudaaya bwona nomu Galiraya n'Omu Samaaliya nibabba n'emirembe, neyombekebwanga;era nk'akutumbuura omu kutiina Omukama waiswe,N'omwisanyu ery'omwoyo akweera niyeyongerenga. ³² . Awo olwaikire o Peteero niyaali nk'akwala wona wona,naserengeta edi abaikiriiri abayikalanga omu Luudi. ³³ .Nayagya omusaizan eibara lyamwe Ayineeya eyaali yakamala okukitanda emyaka munanai olw'endwaire ey'okukonziba. ³⁴ . oPeteero namukoba ati Ayineeya;o Yesu Kristo akutamba: yemeera,weeyaare omubwangu niyeyeera. ³⁵ .Bona abaikalanga omu Luudi n'omu Silooni nibamubona,nibakykira Omukama waiswe. ³⁶ .Awo waloowo omwe omu Yoopa omukali wamwegesya eibara lyamwe Taabisa(okutegezabwa kwalyo ayetebwa Dulukansi) nomukaali oyo yaali oizwire ebikolwa ebisai n'ebintu bye yagabanga. ³⁷ .Awo olwaikaire,omu ebiro ebyo nalwala nafa :nibamaare okumunabya,nibamuta omu kisenge ekyaiguru. ³⁸ .Erate Olw'okubba nka Ludi kyali ampi muno ne Yoopa Abegesya nk'o Peteero nigyo yali ,nabatumira abantu babiri nibamwegaayira otalwa kwikira gye tuli. ³⁹ .oPeteero naimuka nayaba nabo.niyayikire nibamutwala omu kisenge ekya aiguru nabanamwandu bona nibemeera ampi naye nka bakukunga;nka boolesa ebibairewo n'ebyambalo oDulakansi bye yakoolanga nka akyali nabo. ⁴⁰ .Baitu oPeteero nabawulukya bona nayinama ansi naramya nakyukira omulambo nakoba ati Taabisa iyeneere; Nalibulya amaiso gaamwe:niyabweine oPeteero n'agolokoka. ⁴¹ .N'amuwa omukono, n'amwimukya; awo niyamaare okweeta abaikiriiri; n'abanamwandu; n'amuleeta nka mwomi. ⁴² . Nekitegerwa omu Yoopa kyona; baingi muno nibayikiriza oMukama waiswe. ⁴³ .Awo olwaikire n'alwaayo ebiro bingi omu yoopa amu nnyumba o Simoni omuwali w'abyanzo.