¹ .N'o Saulo yasiimire okwitibwa kwammwe oku lunaku olwo,niwabbawo okuyiganyizibwa kukooto omu Iramyo eyaali omu Yerusaalemi bona bona nibasasaanira omunsi za Buyudaaya ne samaaliya okutolaku abakwenda. ² .abantu abatiina Okanca nibaziika oSiteefano ni bamukungiira muno maliga. ³ .Baitu oSawulo natandiika okuyiganga eiramyo naingira omunnyumba nka akuswaga abaikiriiri; nakokota nka abantu nabatwala omunkomyo. ⁴ .awo abo abasasaine nibaba nka bakubuulira ekigambo. ⁵ .oFiiripo naserengeta omu kibuga ekya Samaliya nababuulira oKristo ⁶ .Ebibbura ni biwuura n'omwoyo gumwei,ebigambo oFiiripo ebyeyasimoire,bwe bawuulire nibabona eby'amagero byaamwe bye yakolanga. ⁷ .Olw'okubba baingi muno oku abo abaluku ombanddwa nabazwangaku nka akukuunga neiraka erikooto nibatambiwanga nka nka baingi abaali balwaire ba lukonziba n'abalema. ⁸ .Eisanyu lingi niriba omu kibuga ekyo. ⁹ .Baitu waloowo omuntu omwe,eibara lyaamwe Simooni, eyakolanga eiroga eirai omu kibuga omwo;nawunikirya nka muno eiwanga lya Samaaliya nakobonga ati niye mukulu. ¹⁰ .Nibamuwuranga bona,okuzwa oku muto;okwika oku mukulu;nka bakoba ati omuntu oni;nigo maani ga Kanca,ageetebwa amaingi. ¹¹ .Nibamuwuranga olw'okubba yabawuniikirizenga n'okuloga kkwaamwe;okumala ebiro bingi muno. ¹² .Baitu nibaikiriza oFiiripo,nka akubuulira enjiri ya Bukama bwa Kanca neibara lya Yesu Kristo nibabatiizibwa abasaiza nabakali. ¹³ .Erate oSimooni yeena naikiriza:niyamaare okubatiizibwa;n'abbanga amwe n'o Fiiripo bwe yabweine by'amagero n'obumanyiisyo obukooto obwakolebwanga niyeewuunya muno. ¹⁴ .Awo abakwenda omu Yerusaalemi bwe bawulire nka Samaaliya baikirize ekigambo kya Kanca n'ababatumira o Peteero n'o Yokaana. ¹⁵ .Bona nibaikire, nibabasubira okuweebwa omwoyo akweera. ¹⁶ .Olw'okubba yaali akyali kubaikaku gonze omwe kwaabo. ¹⁷ .Awo nibabataku emikono nibaweebwanga omwoyo akweera. ¹⁸ .Baitu oSimooni niyabweine nka olw'okuteebwaku emikono gy'abakwenda baweebwe omwoyo akweera; n'abaleetera efeeza. ¹⁹ .Nk'akukoba ati mu mpeerye ngyena obuyinza buni gwe natangaku emikono,aweebwenga omwoyo akweera. ²⁰ .Baitu oPeteero namukoba ati efeeza yaamu ezikirire naawe;olw'okubba olowoozerye okufuna ekirabo kya Kanca,n'ebintu. ²¹ .Toolina mugabo gonze okugabana oku kligambo kini olw'okubba omutima gwaamu,timulonngooki,omu maiso ga Kanca. ²² .Aale wenenye obubbi bwaamu obwo,oramye Okanca waiswe:obbo lyaawo,olisonyiyibwa ekirowoozo kya mu mutima gwaamu. ²³ .Olw'okubba nkubona oli mu maiso omukulu n'omu nvuba ²⁴ .oSimooni nairamu n'akoba ati munasabire nnywe edi Omukama,ebigambo ebyo bye musimoire, bireme okumbaaku gonze kimwe. ²⁵ .Awo mba maare okutegeeza n'okubuuliranga ekigambo kya mukama waiswe; nibairaayo eYerusaalemi nibabakobera enjiri omumbuga zingi ez'abasamaliya. ²⁶ .Baitu oMalayika wa Mukama nakoba oFiripo nk'akusimola ati oimuke oyabe oku bukiika obwa gulyo okwika omu nzira eserengeta okuzwa omu Yerusaalemi okwika e Gaaza:enzira eyo ya irungu. ²⁷ .Naimuka nayaba :aale abona ,omuntu omwesiyopiya omulaawe omukungu wa Mukama ,omukali waiswe ow'Abesiyopiya eyaali omuwanika omubiki w'ebintu byaamwe byona yaali aizire e'Yerusaalemi okumuramya. ²⁸ .Yaali akwiraayo, naikala omugaali yamwe,n'asoma oku mulangi Isaaya. ²⁹ . Omwoyo n'akoba oFiripo ati sembere,wegaite neigaali eryo. ³⁰ . O’Firipo nairuka namuwulirya nk'okusoma oku mulangi Isaaya,Namukoba obyetegyerye by'okusoma? ³¹ .Namukoba ati nsobola ntyai?okutoolaku nka waloowo eyankoba?Niyegaayira oFiripo aniine aikale. ³² .Omu kifo awandiikiibwe nka bwe yaali akusoma awakoba ati!"Yatwaliibwe okwitibwa nk'ontaama;era nk'omwana gwa ntaama mu maiso,omusali wa byooya nka bwe gusirika,numwo kityo tiyayasamire kanwa kaamwe" ³³ .Omukwetoowaza kwaamwe, omusango gwaamwe gwatooleibwewo; ekika kyamwe naani ali kinyonyola? Olw'okubba obwomi bwaamwe butoolebweimu omunsi. ³⁴ .Omulaawe nairamu oFiripo nakoba nti nkwegayirire,o mulangi yasimoire oku nani ebigambo bini byamwe y'enkai oba bya muntu wuundi? ³⁵ .o Firipo nayasama akanwa kaamwe nasookera oku kyawandiikibwe kini namukobera oku Yesu. ³⁶ Awo nibwebaali nka bakutambula omunzira, nibaika awaali amaizi;omulaawe n'akoba nti bonna amaizi kiki ekikungana okubatizibwa? ³⁷ .oFiripo namukoba oba oikiriize nomutima gwaamu gwona; kisai nairamu n'akoba nyikirize oYeesu kristo nk’omwana wa Kanca. ³⁸ .Nalagira eigaali lyemeere ni baika babiri omu maizi oFiripo, nabatiza omulaawe ³⁹ . Nibazwiire omu maizi, omwoyo wa mukama natwala oFiripo natamubona te lwakubba yabiire nka akusanyuka. ⁴⁰ . Baitu oFiripo yaireyo okuboneka mu azoto niyakaire nka akubulira omu bibuga byona okuyika a eKayissaliya.