¹ .oKabona ainga obukulu nasimoola ati ebyo ni mwo biri bityo? ² .oSiteefano n'akoba ati abasaiza nnwye muwuure .Okanca ow'ekitinisya yabonekeire ozeiza waiswe Ibulahimu nk'ali mesopotamiya nk'akyali kubba n'akalani. ³ .N'amukoba ati zwa omunsi yanywe, nomu kika kyaamu;oyabe omu nsi gye nkwaaba okulanga. ⁴ .Awo nazwa omunsi ya Abakaludaaya nabba omu Kalani oluvanyuma oitaamwe nkamaare okufa, namutoolayo n'amuleeta omunnsi enu nnywe gye mwikairemu ati buni; ⁵ .Tiyamuwaire butaka muni, gonze awaniininibwa okugulu namusuubiza okugimuweerya okugirya ye,neibyaire lyaamwe oluzwanyuma lwaamwe nka akyali nakubba n’omwana. ⁶ .Okanca nakoba ati ngeibyare lyaamwe; balibba bageni omunsi ya bandi; balifuulibwa abairu;balikoora obubbi emyaka ebiikumi binai. ⁷ .Neiwanga eriribafoola abairu, ninje ndirisara omusango gwaalyo nibwa asimoola Okanca n'oluvanyuma balizwaayo baliramya omu kifo kinu. ⁸ .Namuweerya endagaano eyakutayiira :Awo Ibulahimu n'abyaala oIsaaka, namukomora oku lunaku lwomunanai, noIsaaka nabyaala oYakobo nabyaala abazeiza baiswe eikumi nababiri. ⁹ . Abazeiza abakulu nibakwatiirwe oYusufu obwiya nibamugulisirye abemisiri. Okanca nabbanga naye. ¹⁰ .Namucunguranga omu biro byamwe byona namuweerya okwendebwa namagezi omu maiso ga Falaawo Omukama wa Misiri nennyumba yamwe yona namufoola okubba omufuzi wa Misiri nomunnyumba yamwe yona, ¹¹ .nenzala negwa oku nsi yona ey'emisiri neya Kanani ne zingi nebatabone mere abazeiza baiswe. ¹² .Baitu o Yakobo niyawulire ati emere ejikalu edi Misiri,n'atuma abazeiza baiswe omulundi ogwekereire. ¹³ .N'ogwa kabiri oYusufu abaganda bamwe nibamwetegya ekika kya Yusufu nikimanyibwa oFalaawo. ¹⁴ .oYusufu nayetesya oitamwe oYakobo, nabaganda baamwe bona, abantu nsanju nabataanu. ¹⁵ .oYakobo naikiriza naserengeta eMisiri,nafeerayo ye nabazeiza baaiswe. ¹⁶ .Nibatwalibwa eSekemu nibaziikibwa omu omumagombe, oIbulahimu gye yaguure omuwendo gwa feeza oku baana ba Kamoli. ¹⁷ .Baitu omu biro ebyo okusuubiza nka byali ampi okwika;Okanca kwe yayatulire oIbulahimu; abantu nibeyongera muno okwaba omu misiri. ¹⁸ .Okwikya Omukama owundi atamaite Yusufu bwe yabairewo omu misiri. ¹⁹ .Oyo bwe yasaliire amagezi eiwanga lya iswe,n'akola okubbi abazeiza baiswe nga banagisyayo yo abaana baabwe abanderendera baleme okubonabona. ²⁰ .Omu biro ebyo oMusa nabyaalibwa nabba musai n’Okanca nibamukulisya emyezi esatu omunnyumba yaitamwe. ²¹ . Bamunagireyo Omwara wa Falaawo namutwala namukulisya nk'omwana waamwe. ²² .oMusa nayegesyebwa omu magezi goonagoona aga Misiri nabba wamaani omu bigambo byaamwe n'omu bikolwa byaamwe. ²³ .Baitu obukulu bwaamwe yaali yatera okwikya emyaka amakumi anai,nalowooza omu mutima gwamwe okubona abaganda baamwe,abaana ba Isiraeiri. ²⁴ .Niyabweine omuntu akukolwa okubbi na mutaasa,namuwoolera eiwanga odi eyali akukola okubbi nakubba omu misiri namwita. ²⁵ .Nalowooza ati abaandi baiza kutegera Okanca nka akwaaba okubaweerya obucunguri omu mikono gyamwe baitu tibetegyerye. ²⁶ .Ate olunaku olundi nayagya abantu babiri abandi nka bakulwana nagezyaku okubatabaganya nka aku bakoba ati basaiza nnywe muli baluganda;kiki ekikubakolesya okubbi nywenkai na nywenkai. ²⁷ .Baitu odi eyali akukola omwiramwe okubbi n'amusindiika edi nk'akukoba ondeke we,naani eyakufoire omukulu era omulamuzi waiswe? ²⁸ .Okutaka kunyiita nje nka bwe waitire omu misiri eizo. ²⁹ .oMusa nairuka olw'ekigambo ekyo;n'abba mugeni omu nsi ya Midiyaani gyeyabyaalire abaana babiri aba bwoojo. ³⁰ .Awo emyaka amakumim anai nigyaikire,oMalayika wa mukama namubonekera omu nimi z'omuro nk'agukwaka omukisaka niyaali omwirungu oku lusozi Sinai ³¹ .oMusa niyabweine,niyewuunya muno kya bweine bwe yasembereire okwetegereza,niwabbaawo eiraka lya Mukama ati. ³² .Ninje Okanca wa bazeiza baanywe,Okanca wa Iburaimu,n'owa Isaaka era te owa Yakobo,oMusa n'akankana,so tiyagumire kuloleera. ³³ .Omukama namukoba ati sindabula otoolemu enkaito eziri omu magulu gaamu;olw'okubba ekifo anu woimereire waikiiri. ³⁴ .Okubona mbweine okukolebwa okubbi okw'abantu bange abali omu Misiri,Nimpuura okukunga kwaabwe,ninuuka okubatamba ati buni oize nakutuma eMisiri. ³⁵ .Oyo oMusa gwe bagaine nkubakoba ati nani eyakufooire omukulu erate omulamuzi omu miko gwa malaika eya mubonekeire omu kisaka. ³⁶ .Oyo nabatoolaayo, niyamaare okukola amagero nobumanyiisyo omu misiri,n'omu nnyanja egimyuuki nomu irungu emyaka amakumi anai. ³⁷ .Oyo niye Musa odi,eyakobere abaana ba Isiraeiri ati Okanca alibaleetera oMulangi alizwa omu baganda baanywe nka nje,oyo mulimuwura. ³⁸ .oMusa yabbaire omu irungu nka bakumabaine yaali amwe n'omalaika eya eyamweyolekeire oku lusozi Sinai erate nasimoola baitu ammwe ati bazeiza baiswe erate yaweweibwe ebigambo bya bwomi abiweerye iswe. ³⁹ .Abazeiza baiswe gwe batatakire okuwuura nibamusindika edi,nibairayo eMisiri omu mitima gyaabwe. ⁴⁰ .Nibakoba Aaloni ati Tukoore aba Kanca abatukubembera nka oMusa eya tutoire omu nsi ya misiri;titumaite kyabbaire. ⁴¹ .Nibakola onyana omu naku zidi:ekifananyi ni bakireetera essadaaka,nibasunyikira muno emirumo gya gy'emikono gyaabwe. ⁴² .Baitu Okancca nakyuka nabawaayo baramye eigye lya iguru eisana ,okwezi n'emmunyenye nka nibyawandiikibwe omu kitabo kya balangi ati mwemperyanga eggye erisobola ebyaitibwa nka n'essadaaaka?Emyaka amaukmi anai omu irungu nnywe ennyumba ya isiraeiri? ⁴³ .Nimwimula eweema ya moloki n'emunyenye ya Kanca o Lefaru ebifananyi bye mwakoore okubisiriza nka njena ndibatawala eizuli wa Babilooni; ⁴⁴ .Neweema ya bujjurwa yaali na bazeiza baiswe omu irungu nka bwe yalagiire eyakobere o Musa okugikola omu ngeri gyeyabweine bwe yaali. ⁴⁵ .Abazeiza baiswe mbawagiweereibwe nibagireeta ammwe n'o Yoswa mabaliire amatwale ga mawanga Okancagen yapekanga omu maiso ga bazeiza baiswe okwikya omu naku zza Daudi. ⁴⁶ .Eyasiimire omumaiso ga Kanca, nasaba okumuswaganira we yaikalisya oKanca wa Yakobo. ⁴⁷ .Baitu oSulumaani niye yayombokere ennyumba. ⁴⁸ .Baitu, oyo ali wa iguru muno,taikala mu nnyumba ezakoleibwe emikono nk'omulangi akukoba ati ⁴⁹ .Eiguru niyo ntebe yange;n'ensi niko katebe ka bigere byange.Nnyumba ki,gye muliyombokera? nimwo asimoolan Omukama oba mu kifo ki mwe ndiwumuura. ⁵⁰ .Omukono gwange tinigwo gwabikoore ebyo byonna. ⁵¹ .Nnywe abaali namakoti agakakanyali oba takomoire omu mitima nomu matwi, ninywe muwakanisya omwoyo omwikiriiri nka abazeiza banywe nywena mutyo. ⁵² .Mulangi ki,atayayiganyizibwe bazeiza bannywe? abaitanga abantu abakereire okusimoola nokubuulira ekigambo kyokwiza kwamwe "omwikiriiri" gwe mumaare ouwaayo okumwita. ⁵³ .Amateeka ge mwafunire nka bwe galagirwe oba malaika era timwagakwaite" ⁵⁴ .Abakulu bolukiiko bona nebigambo ebyo byona nibibaluma muno,omu mitima gyaabwe nibanena obugigi namaino nibasunguwala. ⁵⁵ .Baitu oSiteefano niyazwiire omwoyo akweera niyeikaliirya amaiso omwiguru n'abona nka ekitibwa kya Kanca n'oYesu ayemereire oku mukono ogulyo ogwa Kanca. ⁵⁶ .Nabakoba ati bona mbwoine eiguru nka lyeswekwiire erate omwana ow'omuntu ayemereire oku mukono ogulyo ogwa Kanca. ⁵⁷ .Awo bona bona nibaleekanira aiguru neiraka erikoto muno! nibaigala amatwi gaabwe niba mwesukaku nomwoyo gumwei. ⁵⁸ .Nibamusiindikirirya enzai wa Kibuga ni bamukubba amabbale;abajurwa ni bata engooye zaabwe okubigere by'amwoojo eibara lyammwe Saulo. ⁵⁹ .Nibakubba oSiteefano niyasabire ati Mukama wange Yeesu,otoole omwoyo gwange. ⁶⁰ .Nafukamira n'asaba neiraka likooto muno n'akoba ati Mukama;bani tobabara kibbi kini.Niyamaare okusimoola ebigambo ebyo n'abasya.